افغان لوبغاړي میلاد حسیني د سویس د نارینهو بدن جوړونې په کلاسیک فزیک سیالیو کې په زړه پوری فعالیت ترسره کړ، چې د نږدې لسو سیالانو له ډلې یې پایلوبې ته لار ومونده او په پای کې یې درېیم مقام ترلاسه کړ.
په پروان کې د طالبانو د زندانونو چارو د سمون ریاست خبر ورکړی، چې د یادې ډلې د مشر ملاهبت الله اخوندزاده د فرمان له مخې یې د دغه ولایت له مرکزي زندانه ۵۹ بندیان خوشې کړي او د ۱۰۷ نورو د بند موده یې کمه کړې ده.
د هالنډ په المېرې ښار کې د «پیوستون» او «غرغښت» ټولنو په نوښت د افغانستان د خپلواکۍ ۱۰۷مه کلیزه د یو لړ مراسمو په ترڅ کې ونمانځل شوه. د خپلواکۍ د ورځې په مناسبت جوړو شویو مراسمو کې یو شمېر افغانانو ګډون کړی و.
د جمهوري نظام پرمهال د ولسمشر ویاند او سلاکار وحید عمر، په بامیان کې د طالبانو پخوانی والي عبدالله سرحدي له لوري د بودا د سترې مجسمې وېجاړولو په غبرګون کې ويلي، د بودا په نړولو سره دې نړیوال جنايت کړی دی.
طالبان وايي، د روضې شریفې د تاریخي ابدې د ټولو برخو د ترمیم او بیارغونې چارې د طالبانو کورنیو چارو د وزیر سراجالدین حقاني په مالي لګښت د «برکتزي» شرکت له لوري رسما پیلېږي.
د طالبانو د المپیک، بدني روزنې او سپورټ عمومي اداره وايي، په تخار ولایت کې د رزمي سپورټونو د «او سپورت» سبک لومړنۍ اتلولۍ سیالۍ ترسره شوې دي.
امریکا ته د افغانانو لېږد همکار بنسټ افغان ایواک وايي، په پاکستان کې بند پاتې ګڼو افغان کورنیو د کلونو انتظار، د کډوالۍ دوسیو د ځنډ، د ویزو او اسنادو د اعتبار د ختمېدو، د ماشومانو د زدهکړو د ستونزو او د شړلو له فشارونو شکایت کړی دی.
اوفا شبکه وایي، له افغانستان سره د امریکا د اصولي ښکېلتیا په اړه د عایشه وهاب د غوښتنې هرکلی کوي خو ټینګار کوي چې تعامل باید د طالبانو بشپړ او بېقیدوشرطه رسمیت پېژندنه ونه بلل شي.
د ملګرو ملتونو سرمنشي انتونیو ګوترېش په جنوبي سوډان کې د ملګرو ملتونو پر سولهساتو ځواکونو د یوه وسلهوال برید غندنه کړې او ویلي یې دي چې پر سولهساتونکو بریدونه د نړیوال بشردوستانه قانون جدي سرغړونې دي او ښايي د جنګي جرمونو په کچه حساب شي.
د افغانستان ملي بسیج جبهې له طالبانو سره د هر ډول سیاسي او ډیپلوماتیک تعامل د بشپړ بندېدو غوښتنه کړې او خبرداری یې ورکړی چې د دې ډلې سره د اړیکو عادي کول به د سیمې او نړۍ امنیت ته جدي ګواښونه رامنځته کړي.
د روسیې د بهرنیو چارو وزارت مرستیال الکساندر علیموف ویلي، که له مسکو څخه غوښتنه وشي، روسیه چمتو ده چې د ایران پر وړاندې د جګړې د پای ته رسولو او په منځني ختیځ کې د ثبات د ټینګښت لپاره د منځګړیتوب له هڅو ملاتړ وکړي.
پاکستانۍ ورځپاڼې «ډان» په یوه مقاله کې ویلي، د چین-پاکستان اقتصادي دهلېز د دویم پړاو تر ټولو مهمه ازموینه به د تورخم دروازې فعالیت وي، ځکه د افغانستان له لارې منځنۍ اسیا ته د سوداګرۍ طرحه هغه مهال عملي کېدای شي چې پاکستان د تورخم له لارې د توکو د دوامداره تګ راتګ ضمانت وکړای شي.
د عوامي نشنل ګوند د خیبر پښتونخوا د صوبايي اسمبلۍ غړي ارباب عثمان خان ویلي، د خيبرپښتونخوا له پنځو زرو ډېر هغه محصلین چې له افغانستان څخه طبي زدهکړې کوي، د پاکستان د طبي شورا (پي اېم ډي سي)له پرېکړې اغېزمن شوي دي.
سرچینو افغانستان انټرنشنل ته ویلي، چې افغان خبریال محمد عارف هجران د طالبانو له زندانه د شاوخوا دوو کلونو بند تېرولو وروسته د جمعې په ورځ، د زمري په ۳۰مه، خوشې شوی دی.
د بېځایه شویو نړیوالې سازمان په خپل یوه نوي راپور کې ویلي چې امریکا ته د افغان ښځو له رسېدو پنځه کاله وروسته هم ګڼې یې د زدهکړو، کار، ماشومانو پالنې، ترانسپورټ، ثابت کور او قانوني خوندیتوب له ستونزو سره مخ دي او د بشپړ ادغام لپاره لا هم اوږدمهاله ملاتړ ته اړتیا لري.
د عمران خان پخوانۍ مېرمنې، جمایمه ګولډسمېټ، پر بریتانیا غږ کړی چې په پاکستان کې د پخواني لومړي وزیر عمران خان سره د چلند په اړه دې مداخله وکړي او ټینګار یې کړی چې د پاکستان د سترې محکمې له لارښوونو سره سم د هغه بنسټیز حقونه خوندي کړي.
لومړنۍ افغانالاصله امریکایۍ عایشې وهاب چې د امریکا د استازو جرګې ته یې لاره موندلې، وايي واشنګټن باید په افغانستان کې واکمنې ډلې ته له پام پرته له دغه هېواد سره خپلې ډیپلوماتیکې اړیکې وساتي.
د طالبانو مخالفې ډلې، ازادۍ جبهې ادعا کړې چې د ۱۴۰۵ لمریز کال د زمري په میاشت کې یې په بېلابېلو ولایتونو کې د طالبانو پر ضد ۲۵ بریدونه ترسره کړي چې لږ تر لږه یې ۵۷ طالبان وژلي او ۸۷ نور یې ټپیان کړي دي.
امریکا د دوشنبې په ورځ له ۴۷ کلونو وروسته سوریه د «ترهګرۍ د ملاتړ کوونکو هېوادونو» له نوملړه وایسته او د هیئت تحریر الشام د «ځانګړي نومول شوي نړیوال ترهګریز سازمان» حیثیت یې هم لغوه کړ.
د اسلاماباد په سرحد پوهنتون کې د محصلینو او يوه پاکستاني پوځي افسر ترمنځ له شخړې او ډزو وروسته، ياد پوځي افسر نيول شوی او پوځ ته سپارل شوی دی. یاده پېښه د دوشنبې په ورځ په پوهنتون کې د محصلینو د لاريون پر مهال رامنځته شوې ده.
په ملګرو ملتونو کې د افغانستان پخواني استازي محمود صیقل ادعا کړې چې طالبان نه یوازې له ژوندیو مخالفانو وېره لري، بلکې د هغوی له جسدونو سره هم «تاوتریخوالی، سپکاوی او جنګي جرمونه» کوي.