په بګرام محبس کې د بندیانو یوشمېر کورنۍ وايي، له بندي خپلوانو سره د لیدنې لپاره له اوږده او پېچلي اداري بهیر، د اجازې له ستونزو، اوږد انتظار او سختو شرایطو سره مخ دي. دوی وايي، د خپلو بندیانو د لیدلو لپاره باید د نظامي محکمې اجازه ترلاسه کړي او د اجازې ترلاسه کول میاشتې وخت نیسي.
د جرمني حکومت د سېشنبې په ورځ (د وږي ۳مه) د لایپزګ هوايي ډګر څخه د یوې چارټر الوتکې له لارې ۳۰ افغان کډوال کابل ته ستانه کړي. جرمني وړاندې اعلان کړی و، هغه کسان بېرته افغانستان ته ستنوي چې جرمي دوسیې لري؛ خو د راپورونو له مخې په دې ډله کې هغه کسان شامل دي چې جرمي دوسیې نهلري.
د بلخ پخواني والي عطامحمد نور د طالبانو د بهرنیو چارو وزیر امیرخان متقي د وروستیو څرګندونو په غبرګون پر طالبانو سختې نیوکې کړې او دغه ډله یې «جاهله» او «وحشي» بللې ده. نوموړي د متقي لهخوا مخالفانو ته د «کولابي» کلیمې کارولو په ځواب کې ویلي، دا د هغه د «اخلاقي سقوط» څرګندونه کوي.
ملګرو ملتونو د بشر پالنې ورځې په مناسبت په خپل راپور کې ویلي، چې په ۲۰۲۵ کال کې د نړۍ په بېلابېلو سیمو کې ۳۵۰ بشري مرستندویه کارکوونکي وژل شوي دي. د راپور له مخې، ۳۲۲ نور ټپیان شوي، ۲۳۵ کسان تښتول شوي او ۲۸۰ نور نیول شوي دي.
د طالبانو مشر ملا هبتالله د بدخشان والي محمداسماعیل غزنوي او امنیه قوماندان عبدالبصیر مظهري له دندو ګوښه کړی دي. د طالبانو د کورنیو چارو وزارت پخوانی اداري مرستیال مولوي رحمتالله نجیب د دغه ولایت د نوي والي او د سرپل والي احمدشاه دیندوست د امنیه قوماندان په توګه ټاکلي دي.
د هند په لوېدیځ بنګال ایالت کې د هند او نیپال پولې ته نږدې د کريباري په سیمه کې پولیسو هغه افغان نیولی، چې په جعلي هندي اسنادو یې نیپال ته د تګ هڅه کوله. د پولیسو په وینا، له هغه سره یو هندی وګړی هم نیول شوی دی.
په ننګرهار کې د طالبانو د عامې روغتیا ریاست ویاند نقیبالله رحیمي وایي، چې نن سهار د زلزلې له امله په جلالاباد ښار او شاوخوا سیمو کې ۱۵ کسان ټپیان شوي دي. هغه وایي، ټپیان د جلالاباد ښار، بهسودو، کوز کونړ او ځینو نورو نږدې ولسوالیو څخه روغتیایي مرکزونو ته لېږدول شوي دي.
د روسیې د بهرنیو چارو وزیر سرګي لاوروف له خپل هندي سیال جېشنکر سره په مسکو کې لیدلي. په دغه لیدنه کې دواړه خواوو د ایران اړوند وروستیو بدلونونو، د افغانستان او اوکراین د وضعیت په اړه خبرې کړې دي.
برتانوۍ رسنۍ بولټن راپور ورکړی، چې د برېتانیا د مانچسټر ښار په مرکز کې یو ۲۴کلن افغان عبدل شینواری پر یوې ۱۷ کلنې نجلۍ د جنسي تېري په تور نیول شوی دی. د پولیسو په وینا، پېښه د جولای په ۱۴مه د شپې شاوخوا ۱:۳۰ بجه د مانچسټر ښار په مرکز کې شوې ده.
د طالبانو تر واک لاندې د افغانستان د سوداګرۍ او پانګونې خونې خبر ورکړی، چې د «امام ابو حنیفه» پنځم ملي او نړۍوال نندارتون د جوړېدو په موخه یې له نړۍوال نندارتون مرکز سره تړون لاسلیک کړی او ټاکل شوې دغه نندارتون په راتلونکې تلې میاشت کې ترسره شي.
په ننګرهار کې د طالبانو رسنیز دفتر خبر ورکړی، چې په دغه ولایت کې د طالبانو د کور او ښار جوړولو رياست له لوري پر کډوالو د بهسودو خانکي، د سره رود چمتلې او د روداتو تور راغه ښارګوټو کې ۲۳زره او ۱۴۸ نمرې وېشل شوې دي.
د طالبانو تر واک لاندې د دولتي شرکتونو ریاست په افغانستان کې د تېلو او اوبلنو ګازو د بیو لوړوالي په اړه د یوې خبرپاڼې په خپرولو سره ویلي، چې دغه زیاتوالی د نړۍوالو او سیمهییزو بازارونو له بدلونونو سره تړاو لري.
د پاکستان د بلوچستان ایالت په بېلابېلو سیمو کې د ډزو په جلا، جلا پېښو کې لږترلږه ۱۲ کسان وژل شوي او درې نور ټپیان دي. د پښین ولسوالۍ په سلیمانزي سیمه کې ناپېژاندو وسلهوالو د سړک جوړولو پر کار بوختو مزدورانو ډزې کړې چې له امله یې پنځه مزدوران وژل شوي او یو بل ټپي دی.
د خیبر پښتونخوا والي فیصل کریم کنډي له یوشمېر سوداګرو او مشرانو سره په ناسته کې د وینا پرمهال ویلي، چې د پاکستان او افغانستان ترمنځ ښې اړیکې د دواړه هېوادونو په ګټه دي او ټولې ستونزې باید د خبرو له لارې حل شي.
اسراییل حماس ته خبرداری ورکړی، چې له غزې د پتنګ، بالونونو او بېپیلوټه الوتکو د الوځولو او د اسراییل پر خاوره د لوېدو په غبرګون کې به پر غزې خپل بریدونه پراخ کړي. د اسراییل دفاع وزیر اسراییل کاتز د دوشنبې په ورځ ویلي، چې د دغه وضعیت پای ته رسولو لپاره به «سخت اقدامات» ترسره کړي.
د ملګرو ملتونو پراختیایي پروګرام وایي، په افغانستان کې ۷۵ سلنه کورنۍ د سرپناه، خوړو او روغتیایي خدمتونو په ګډون د خپلو لومړنیو اړتیاوو پوره کولو توان نهلري. دغه بنسټ وایي، له خپلو شریکانو سره په ګډه یې تر پنځه مېلیونه ډېرو کسانو ته د لومړنیو خدمتونو د لاسرسي زمینه برابره کړې.
په پېښور کې د دولتي ښوونځیو لپاره د افغان ماشومانو د داخلې په اړه نوې پرېکړه اعلان شوې ده. د یادې پرېکړې له مخې، افغان ماشومان نور په دولتي ښوونځیو کې د زدهکړو اجازه نهلري.
په افغانستان کې د امریکا پخوانی سفیر رونالډ نیومن وايي، په راتلونکي کې په کابل کې د امریکا سفارت بیا پرانیسته شونې ده. هغه ټینګار کړی، چې طالبان باید له واشنګټن سره د اړیکو عادي کولو لپاره په خپلو پالیسیو کې عملي او مشخص بدلونونه راولي او دغه لړۍ باید ګام په ګام پرمخ ولاړه شي.
د امریکا د بهرنیو چارو وزارت د دوشنبې په ورځ اعلان وکړ، چې سوریه یې د «ترهګرۍ» د ملاتړو هېوادونو له نوملړه اېستلې ده. دغه اقدام پر سوریې د لګېدلو بندیزونه د کمښت په برخه کې د ډونالډ ټرمپ حکومت د ژمنې په چوکاټ کې شوی.
په هرات کې د طالبانو د صنعت او سوداګرۍ ریاست ویلي، چې په دغه ولایت کې د اوسپنې ویلي کولو یوه کارخونه هره ورځ ۴۰ ټنه اوسپنیز ودانیز توکي تولیدوي. د یادې کارخونې مسوول غوثالدین اسحاقزي ویلي، چې په دغه کارخونه کې د ودانیو لپاره له ۸ تر ۱۴ مليمتره ودانیز اوسپنیز توکي تولیدېږي.
افغان لوبغاړي میلاد حسیني د سویس د نارینهو بدن جوړونې په کلاسیک فزیک سیالیو کې په زړه پوری فعالیت ترسره کړ، چې د نږدې لسو سیالانو له ډلې یې پایلوبې ته لار ومونده او په پای کې یې درېیم مقام ترلاسه کړ.