د ملي امنیت پخواني رییس رحمتالله نبیل د ډیورنډ کرښې په تړاو د محمد محقق وروستیو څرګندونو ته په غبرګون کې ویلي چې دا خبرې تر دې ډېر چې یو روښانه حقوقي نظر وي، د پوښتنې وړ سیاسي اړخنیوی ښيي او د معاملې بوی ترې راځي.
د ایران د زنجان ولایت چارواکو ویلي چې ډېر ژر به یو ګډ دولتي او خصوصي سوداګریز پلاوی کابل ته لاړ شي، چې د افغانستان له سوداګرو سره مستقیمې اړیکې ټینګې کړي او د دواړو هېوادونو ترمنځ سوداګري پراخه شي.
د ایران اسلامي جمهوریت د بهرنیو چارو وزارت وايي، چې تهران د طالبانو او پاکستان ترمنځ د تاوتریخوالي په کمولو کې منځګړتوب ته چمتو دی او په دې برخه کې به خپل رغنده رول ونه سپموي.
د طالبانو د سرحدونو، قومونو او قبایلو چارو وزیر په کندوز کې د تېرې شل کلنې جګړې پر مهال د خپلې ډلې له معلولو شویو جنګیالیو سره کتلي دي. نورالله نوري پر افغانستان د طالبانو واکمنېدل د هغوی د «جسارت» پایله بللې ده.
چین د دوشنبې په ورځ د امریکا، فلیپین او جاپان د ګډو پوځي تمرینونو په تړاو خبرداری ورکړ چې سیمه ییز باور ته له زیان رسوونکو پوځي همکاریو باید ډډه وشي. بیجنګ وايي، د هېوادونو ترمنځ پوځي همکاري باید د سیمې هېوادونو ترمنځ متقابل باور او ټیکاو ونه ګواښي.
د طالبانو او تاجکستان د انرژۍ د برخې مسوولانو د کاسا-۱۰۰۰ پروژې د چټک پرمختګ، تخنیکي همغږۍ او د برېښنا په سکتور کې د ګډو همکاریو پر پراختیا ټینګار کړی دی.
ځايي سرچینو افغانستان انټرنشنل ته وویل، چې د طالبانو استخباراتو د ننګرهار په شینوارو ولسوالۍ کې د تېر جمهوریت پرمهال د ولسي پاڅونوالو قوماندان ملک دهقان نیولی. ملک دهقان د جمهوریت له پرځېدو وروسته ایران ته تللی و او د طالبانو د اړیکو کمېسیون په غوښتنه بېرته هېواد ته راغلی و.
د طالبانو د المپیک رییس وايي، چې پلازمېنه کابل د پنجشنبې په ورځ د سيمې د اوو هېوادونو ترمنځ د نړيوالو رزمي لوبو کوربه توب کوي. په دغو سياليو کې به د ازبکستان، قرغیزستان، تاجکستان، ترکمنستان، ايران، ترکيې او افغانستان لوبغاړي ګډون وکړي.
د افغانستان د کورنیو چارو پخواني وزیر محمدعمر داوودزي د ډیورنډ کرښې په اړه د محمدمحقق څرګندونو ته په غبرګون کې ویلي:« زما لپاره دا یوه فرضي کرښه ده». هغه زیاته کړې، د افغانستان ملت د لویو جرګو له لارې دغه کرښه فرضي بللې او اوس هم دغه پرېکړه د لر او بر ملتونو ده.
د ملګرو ملتونو د وګړو صندوق (UNFPA) په خپل تازه راپور کې ټینګار کړی، چې روغتیايي زدهکړې او د مرستندویه کڅوړو وېش کولای شي د افغانستان د نجونو د میاشتنۍ ناروغۍ پرمهال ژوند بدل کړي.
په هرات کې د طالبانو تر واک لاندې د چاپېریال ساتنې ادارې مشر عبدالعلي متقي وايي، چې د ګډې څارنې په پایله کې یې د مالګې د پروسس او بسته بندۍ ۱۲ نامعیاري مرکزونه تړلي دي. نوموړی زیاتوي، د یادو مرکزونو د خامو موادو کیفیت ټیټ، د تولید بڼې نامعیاري او حفظ الصحې ته یې پاملرنه کمه وه.
د ملګرو ملتونو د ماشومانو ملاتړ صندوق (یونېسف) د ۲۰۲۵کال په خپل کلني راپور کې ویلي، سره له دې چې نړۍوالې مرستې دوام لري؛ خو په افغانستان کې بشري وضعیت لاهم کړکېچن دی او شاوخوا ۲۳.۲ مېلیونه کسان مرستو ته اړتیا لري.
د طالبانو عدلیې وزارت ویاند برکتالله رسولي خبر ورکړی، په ۱۴۰۴کال کې یې ۲۲۷ بنسټونو ته چې له ډلې یې ۶۳ خیریه او ۱۶۴ ټولنې دي؛ د فعالیت جوازونه ورکړي دي. نوموړي زیاته کړې، چې دامهال په ټول افغانستان کې ۶۸۰ مرستندویه بنسټونه او ټولنې ثبت او فعالیت لري.
د طالبانو رییس الوزرا د یوه حکم له لارې ټولو دولتي بنسټونو ته امر کړی، چې خلکو ته د کورونو جوړولو اجازه ورکړي. د دغه حکم له مخې؛ هغه خلک چې «شرعي قباله، د مالیې ټکټ، عرفي سند او یا د جومات د امام تایید» ولري، کولای شي کورونه جوړ کړي.
د طالبانو د صنعت او سوداګرۍ وزارت په یوه خبرپاڼه کې ویلي، چې نورالدین عزيزي د مرکزي اسیا په نړۍوال نندارتون کې د ګډون په موخه ازبکستان ته ولاړ. یاد نندارتون د صنعت، پرمختللې ټېکنالوژۍ او د پانګونې په برخه کې د همکارۍ د ودې لپاره جوړېږي.
د ملګرو ملتونو د استوګنې ادارې (UN-Habitat) ویلي، چې په افغانستان کې د روان ۲۰۲۶کال پرمهال ۴.۲ مېلیونه افغانان بېړنۍ سرپناه او غیرخوراکي توکو ته اړتیا لري. د یادې ادارې په وینا؛ وروستیو طبیعي پېښو د سرپناه بېړنۍ اړتیا لاپراخه کړې ده.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ (د وري ۳۰مه) ۱۰۹۱ کډوالې کورنۍ چې ټولټال ۶زره او ۶۱۹ کسان کېږي؛ له ایران او پاکستان نه افغانستان ته ستنې شوې دي. د یاد کمېسیون په وینا؛ یوازې له پاکستان نه تر ۶زره ډېر کډوال ستانه شوي دي.
په ننګرهار کې د طالبانو رسنیز دفتر وایي، د دوی یوه پلاوي په جلالاباد ښار کې د اوړو له یوشمېر پلورنځيو څخه څارنه ترسره کړې او پرمهال یې ۴۵ هټۍ کتلې دي. یاد رسنیز دفتر زیاته کړې، چې له دې ډلې ۸ هټۍ د وزن د کمښت او ټيټ کیفیت له امله تړل شوې دي.
په اسلاماباد کې د امریکا او ایران د سولې خبرو اترو دویم پړاو لپاره د پاکستان حکومت په اسلاماباد او راولپنډۍ په ځانګړي ډول د نورخان هوايي اډې شاوخوا سخت امنیتي تدابیر نیولي دي.
د اوکراین ولسمشر ولادیمیر زېلېنسکي وايي، له روسیې سره په جګړه کې د بالستیک توغندیو په وړاندې دفاع یې د هېواد ترټولو لویه ننګونه ده. زېلېنسکي ویلي: «زما په اند موږ باید د اروپا د بالستیک توغندیو ضد دفاعي سیسټم ولرو».
په ننګرهار کې د طالبانو د کرنې، اوبو لګولو او مالدارۍ ریاست وایي، سږکال د دغه ولایت په بېلابېلو ولسوالیو کې پر ۴۰۶ جریبه ځمکه ځمکني توتان کرل شوي چې د اټکل له مخې به شاوخوا ۶۷۰ مټریک ټنه حاصل ورکړي.