د طالبانو د امارتي شرکتونو عمومي ریاست په افغانستان کې د سونتکو د بیو لوړېدو په اړه وضاحت ورکړی او ویلي یې دي، چې په سیمهییزو او نړیوالو بازارونو کې د یادو توکو د بیو هر ډول تغییر د افغانستان پر بازارونو هم اغېزه کوي.
په ملګرو ملتونو کې د افغانستان د دایمي استازولۍ سرپرست نصیر احمد فایق وايي، چې د افغانستان د تاریخي اثارو او فرهنګي مېراثونو وېجاړ ول او له منځه وړل د ویاړ خبره نه ده. د طالبانو د بامیان پخواني ویلي و، چې ددغه ولایت د بودا مجسمې یې په خپلو لاسونو ویجاړې کړې.
افغانستان انټرنشنل ته په رالېږل شوي پیغام کې د کابل د اندراګاندي روغتون ناروغان او پایوازان د سرپټي انتظارځای، وړیا تشنابونو او نورو اساسي اسانتیاوو له نشتوالي شکایت کوي او له اړوندو چارواکو غواړي چې د روغتون وضعیت وڅېړي.
د افغانستان د فوټبال له ۲۰ کلنو کمعمره ۲۳ کسیزه ملي لوبډله د ۲۰۲۷ کال اسیا جام ته د لار موندنې په سیالیو کې د ګډون لپاره بحرین ته وخوځېده. افغانستان به په دغو سیالیو کې د ډي ګروپ په سیالیو کې له بحرین، اردن او تاجکستان سره مخ شي.
سرچینو افغانستان انټرنشنل ته ویلي، چې طالبانو په کابل کې یو محلي سندرغاړی سیدغفار اغا وروسته له هغه نیولی چې په یوه ویډیو کې یې د مقاومت جبهې د یوه قوماندان حسیب پنجشیري د وژل کېدو له امله د هغه له کورنۍ سره خواخوږي څرګنده کړې وه.
د طالبانو د سرحدونو، قومونو او قبایلو چارو وزارت وايي، د یاد وزارت د سرحدي پلټنو مرستيال تېره ورځ د يوه پلاوي په مشرۍ د کندز امام صيب ولسوالۍ اړوند شېرخان بندر ته سفر کړی. یاد طالب چارواکي پر پوله له پرتو خلکو او د طالبانو د کميسارۍ او سرحدي لوا له مسوولانو سره هم کتلي.
د بنګلهدېش د بهرنیو چارو وزارت یوې سرچینې رویټرز ته ویلي چې سعودي عربستان ډاکې ته د ریاض، انقرې او اسلام اباد د تړون د غړیتوب بلنه ورکړې ده. د بنګلهدېش د بهرنیو چارو مرستیال وزیر ویلي، چې ډاکه په دغه تړون کې پر ګډون غور کوي.
د طالبانو د کلیو د بیارغونې او پراختیا وزیر عبداللطیف منصور وايي، افغانانو د تاریخ په اوږدو کې د هېڅ هېواد غلامي نه ده منلې او د پاکستان واکمني به هم ونه مني. نوموړي خبرداری ورکړی، چې که د پاکستان تېری دوام وکړي، د روس او امریکا په څېر به «غاښ ماتوونکی» ځواب ورکړل شي.
د طالبانو د مالیې وزارت د درې دولتي ادارو متقاعدینو ته د ۱۴۰۵ مالي کال د دویمې ربعې د تقاعدي حقوقو د ورکولو بهیر پیل کړی دی. د وزارت په وینا، په دې ربع کې به د صنعت او سوداګرۍ وزارت، د کور او ښار جوړولو وزارت او د پخواني ملي امنیت عمومي ریاست متقاعدینو ته معاشونه ورکړي.
د کرکټ د نړیوالې شورا اجرايوي مشر ویلي، نیپال د دې وړتیا لري چې د افغانستان په څېر په نړیوال کرکټ کې پام وړ پرمختګ وکړي او د دغه ورزش د لوړې کچې په ډګر کې ځای ومومي.
له پاکستان نه د ایران او مرکزي اسیا پر لور د افغانستان د سوداګریزو لارو په بدلېدو سره، د پاکستان له لارې د افغان ترانزیټي سوداګرۍ بهیر په بېساري ډول کم شوی چې له امله یې د خیبر پښتونخوا پر صنعت، ترانسپورټ، سوداګرو او د کرښې دواړو غاړو پر اقتصادي فعالیتونو فشار زیات شوی دی.
د افغانستان د بشري حقونو او ډیموکراسۍ سازمان په خپل تازه څېړنیز راپور کې ویلي، چې د ۲۰۲۲ کال له فبرورۍ څخه د ۲۰۲۶ کال د اپرېل تر ۲۱مې پورې د طالبانو له خوا په عامه ځایونو کې د درو وهلو ۶۳۳ پېښې ثبت شوې دي، چې ۲۷۴۵ کسان ترې اغیزمن شوي.
په خیبر پښتونخوا او پنجاب ایالتونو کې د افغان کډوالو پرضد د پولیسو عملیات په چټکۍ سره دوام لري، تازه پاکستاني پولیسو په دغه دوو ایالتونو کې د یو لړ عملیاتو پرمهال ۹۵ افغانان نیولي دي.
په بدخشان کې د وروستیو نښتو او د جمعه خان فاتح پرضد د طالبانو د عملیاتو له امله د تاجکستان د بدخشان خودمختاره ولایت د درواز ولسوالۍ په روزوې کلي کې افغان-تاجک ګډ سرحدي بازار له شاوخوا دوو اونیو راهیسې تړلی دی.
د طالبانو د مخابرانو او معلوماتي ټېکنالوژۍ وزارت وايي، دمګړی په افغانستان کې ۳۲ میلیونه فعاله سیمکارتونه شته او له دې ډلې یې ۱۷ میلیونه یوازې انټرنېټ کاروي.
په شمال زون کې د طالبانو د ځمکو اختصاصي محکمې د بلخ ولایت په مرکز مزارشریف کې د «خوادي پروژې» په نوم شاوخوا ۶۷۰ جریبه ځمکه «امارتي» ګرځولې ده. یاده محکمه وايي، دا پرېکړه یې د متصرفینو او دولتي ادارو د اسنادو، املاکي دفاترو او اړوندو معلوماتو له ارزونې وروسته کړې ده.
د طالبانو د معیار او کیفیت ادارې ویلي، چې د بې کیفیته بېټریو او غالیو څلور بارونه یې، چې ټولټال ۱۰۴ ټنه وزن یې درلود، له هرات ولایت څخه بېرته ایران ته ګرځولي دي.
د افغانستان د قیمتي ډبرو سوداګر وايي، د دغو ډبرو لوړ کیفیت او په بهرنیو بازارونو کې د تقاضا له زیاتېدو سره سره، د استخراج، تراشلو او پروسس محدود ظرفیتونه لا هم د صادراتو او کورني صنعت د پراختیا پر وړاندې له عمده خنډونو څخه دي.
د امریکا د کډوالۍ او ګمرکونو ادارې ویلي، د دوو اوونیو په موده کې یې د مریلنډ او ویرجینیا په ایالتونو کې ۱۳۲۸ هغه کډوال نیولي چې «له قانوني وضعیت پرته» یې په دغه هېواد کې ژوند کاوه.
سرچینو خبر ورکړی چې په تخار ولایت کې د طالبانو د کانونو او پټرولیم رییس علمخان مبارز د بډو اخیستلو او مالي درغلیو په تور نیول شوی دی. باوري سرچینو د نوم نه ښودلو په شرط افغانستان انټرنشنل ته وویل چې د طالبانو دغه چارواکی په وروستیو ورځو کې په کابل کې نیول شوی دی.
په بګرام محبس کې د بندیانو یوشمېر کورنۍ وايي، له بندي خپلوانو سره د لیدنې لپاره له اوږده او پېچلي اداري بهیر، د اجازې له ستونزو، اوږد انتظار او سختو شرایطو سره مخ دي. دوی وايي، د خپلو بندیانو د لیدلو لپاره باید د نظامي محکمې اجازه ترلاسه کړي او د اجازې ترلاسه کول میاشتې وخت نیسي.