د امریکا د حکومت «د عدالت لپاره انعام» پروګرام د هغو معلوماتو په بدل کې د څو میلیونو ډالرو جایزې ټاکلې دي چې د داعـ.ـش خراسان څانګې د مهمو مشرانو په پېژندلو، د هغوی د پټنځای په موندلو یا نیولو کې مرسته وکړي.
د افغانستان د عدلیې پخوانی وزیر فضلاحمد معنوي وایي چې طالبان یوازې د فشار او ځواک پر وړاندې شاته کېږي او د دې ډلې د چلند له مخې، مقاومت لا هم د طالبانو پر وړاندې د درېدو یوازینۍ لار ده.
د خيبرپښتونخوا د جنوبي ولسوالۍ بنو پوليسو امن کمېټې د خپلو اووه سرتېرو نورو ولسواليو ته تبدیلۍ پر ضد لاريون کړی دی. د کمېټې په خبره، د سرتېرو د تبديلۍ د حکمونو د لغوه کېدو وروسته یې لاريون پای ته رسولی دی.
د ایران د پارلمان مشر محمدباقر قالیباف وایي، ایران او عراق د نوي سیمهییز نظم په رامنځته کېدو، په ځانګړي ډول د فارس خلیج په حوزه کې، ټاکونکی رول لري او د دواړو هېوادونو لپاره اوسنی وضعیت «حساس او تاریخي» دی.
د طالبانو د مخابراتو او معلوماتي ټکنالوژۍ وزارت ویاند وايي، په افغانستان کې د انټرنېټ کاروونکو شمېر ۱۷ میلیونو ته رسېدلی، چې له ډلې یې شاوخوا ۱۰ میلیونه کسان د څلورم نسل یا فور جي انټرنېټ له خدمتونو ګټه اخلي.
امریکايي رسنیو راپور ورکړی چې د امریکا د مرکزي استخباراتو ادارې (سيایاې) مشر جان راتکلیف د روسیې له چارواکو سره د لیدنې لپاره مسکو ته سفر کړی دی.
په پاکستان کې د افغانستان پخواني سفیر عاطف مشعل د عایشه وهاب له هغو څرګندونو هرکلی کړی چې د افغانستان او امریکا ترمنځ په نوي او رغنده تعامل ټینګار کوي. هغه وايي، د افغانستان اوږدمهاله ګټې د ستراتیژیکې خپلواکۍ او فعالې بېطرفۍ سره د متوازنو اړیکو له لارې خوندي کېدای شي.
د طالبانو مخالفې ډلې، متحدې جبهې ادعا کړې چې د دوشنبې په ماښام د (وږي ۲مه) یې د پکتیکا ولایت په مټاخان ولسوالۍ کې د طالبانو د امر بالمعروف یو غړی وژلی دی. د دغې جبهې په خبرپاڼه کې راغلي، چې د دوی عملیاتي ټیم دغه برید د تروخېلو په سیمه کې کړی دی.
په پاکستان کې د افغان محصلينو ټولنې ويلي، د اسلاماباد په عالي محکمه کې یې د افغان محصلینو د تحصیلي ویزو د ستونزو او له دې سره د تړلو نیونو او شړلو په اړه یوه مفصله قانوني قضیه ثبت کړې ده.
د افغانستان د پخوانۍ ولسي جرګې غړې فوزیه کوفي وایي، د امریکا د کانګرس د غړې عایشه وهاب د کار موده یوازې درې میاشتې ده او د هېواد د اوسني حالت مسوولیت باید غیر-طالبان په غاړه واخلي. کوفي ټینګار کړی چې هېڅوک د افغانانو ستونزې نه شي هوارولی.
د ملګرو ملتونو د ښځو څانګې (یو این ومین) ویلي، ښځې او نجونې په افغانستان کې له برابرو حقونو او عدالت ته له عادلانه لاسرسي بېبرخې دي.
طالبان او داعش په ظاهره د یو بل سرسخت دښمنان دي. په تېرو کلونو کې د دواړو لورو ځواکونو څو ځله له یو بل سره جګړه کړې او هر لوري مقابل اړخ خپل عقیدوي او پوځي دښمن بللی دی.
د افغانستان لپاره د یونېسف استازي تاج الدین اوېلا ویلي چې په افغانستان کې ۳،۷ میلیونه ماشومان له سختې خوارځواکۍ سره مخ دي او له دې ډلې شاوخوا یو میلیون ماشومان د مړینې له لوړ خطر سره مخ دي.
د طالبانو د بهرنیو چارو وزیر امیرخان متقي د کویټ د «السایر» سوداګریز شرکت له اجرایوي رییس محمدناصر محمد السایر سره په لیدنه کې د افغانستان پر امنیت، ثبات، سوداګرۍ او پانګونې غږیدلی. السایر ویلي، غواړي له افغانستان نه کویت او نورو بازارونو ته وچې او تازه مېوې واردې کړي.
هره ټولنه خپل لرغوني او دودیز ارزښتونه او باورونه لري، چې د تاریخ له تکاملي بهیر سره هممهال لږ یا ډېر بدلون مومي، نوي کیږي او د ټولنیز ژوند له لوښیو سره سم بډاییږي.
د طالبانو د هرات والي رسنیز دفتر وايي، چې د والي په مشرۍ ناسته کې ګاونډیو هېوادونو ته د افغانانو د ناقانونه سفرونو د مخنوي لپاره ناسته شوې. په دې ناسته کې د دولتي ځمکو د غصب د مخنیوي او د خلکو د اقتصاد د تامین لپاره د بدیلو کاري فرصتونو پر رامنځته کولو هم خبرې شوې دي.
د طالبانو د صنعت او سوداګرۍ وزارت وايي چې نن سې شنبه، د وږي پر ۳مه په کابل کې د زرګرۍ او سرو زرو لومړنی درې ورځنی نندارتون پرانیستل شو. د یاد وزارت وزیر نورالدین عزیزي د نندارتون د پرانیستې پر مهال وویل، چې سره زر د کورنیو پانګه او د هېواد د پولي نظام ملاتړي دي.
د کندهار په میرویس روغتون کې د ناروغانو خپلوان وايي، طالبان دې په میرویس حوزوي روغتون کې د بیارغونې د چارو پرځای د درملنې امکانات چمتو کړي. د کندهار دغه اوسېدونکي وايي، د روغتون امکانات «نږدې صفر کچې» ته رسېدلي دي.
د بدخشان په مرکز فیضاباد کې د طالبانو یو رنجر موټر د ماین په چاودنه کې په نښه شوی. سرچینو افغانستان انټرنشنل ته ویلي، چې پېښه غرمه مهال د فیضاباد ـ کشم پر عمومي سړک، د ښار د پنځمې حوزې اړوند «سمتي» سیمه کې شوې ده. مقاومت جبهې د پېښې مسوولیت پرغاړه اخېستی.
د رویټرز د راپور له مخې، یوه امریکايۍ پوځي ترانسپورتي الوتکه د لاتویا له ریګا ښار څخه نېغ په نېغه مسکو ته رسېدلې او په ونوکووا هوايي ډګر کې ښکته شوې ده. رویټرز وايي، په خپلواکه توګه دا نه شي تاییدولی، چې الوتکې بار او که مسافر لېږدول.
سرچینو افغانستان انټرنشنل ته ویلي چې د طالبانو امربالمعروف په هرات ښار کې د حجاب او اوږده پړوني نه درلودو په تور ښځې او نجونې نیسي، نغدي جریمې پرې لګوي او د هغوی د ساتلو لپاره یې د ښار په څلورو برخو کې توقیفځایونه جوړ کړي دي.