د پاکستان د طبي علومو په انسټېټیوټ (پمز) روغتون کې د نسایي څانګې د ماشومانو په ځانګړې خونه کې د اورلګېدنې له امله لږترلږه ۱۵ نوي زېږېدلي ماشومان مړه شوي دي. د ژغورنې ادارې ویلي، د پېښې پرمهال د ماشومانو په ځانګړې خونه کې د ۱۶ تازه زېږېدلو ماشومانو له ډلې یوازې یو ماشوم ژغورل شوی.
په پنجشېر کې د طالبانو د والي ویاند سیف الدین لټون خبر ورکړی، چې د ۳۳ مېلیونه افغانیو په ارزښت یې په کورنیو سوداګرو د پنجشېر ۳زره او ۸۴۲ قيراطه زمرد د یوې داوطلبۍ له لارې پلورلي دي.
د ټرمپ حکومت د خپلې کډوالۍ پالیسۍ د لا سختولو پر دوام په ټوله نړۍ کې د امریکا په سفارتونو او کونسلګریو کې د ویزو لپاره د مرکې وختونه په لنډمهالي ډول درولي او یا یې هم مهالوېش بدل کړی دی.
د افغانستان د څېړونکو شبکې د تازه راپور له مخې، افغان کورنۍ له اقتصادي ځوړ، د دندو له لاسه ورکولو او د لومړنیو اړتیاوو د پوره کولو له بېوسۍ وروسته له لوږې څخه د ځان ژغورلو او د ژوند د دوام لپاره بېړنیو او له ناچارۍ ډکو بېلابېلو لارو ته مخه کړې ده.
د طالبانو د واکمنۍ پنځمې کلیزې په مناسبت د هالنډ په امسټرډام ښار کې یوشمېر افغان مېرمنو او د هغوی ملاتړو د اعتراض پرمهال خبرداری ورکړی، چې له طالبانو سره نړۍوال تعامل باید د افغان ښځو د حقونو د قرباني کېدو لامل نهشي.
په افغانستان کې د برېتانیا د پخوانیو همکارانو د ځانګړو ځواکونو، د ځانګړو قطعاتو سرتېرو، افسرانو او د مليامنیت یوه ډله وايي، د «ترهګرۍ» پر وړاندې یې مبارزه کړې او اوس یوازې پرېښودل شوي دي. دغه ډله وايي، له څه باندې څلورو کلونو راهیسې له وېرې، انتظار او ناروښانه برخلیک سره مخ دي.
د مدني ازادیو د څار نړۍوالې شبکې په یوه تازه راپور کې ویلي، چې د طالبانو له بیا واکمنېدو پنځه کاله وروسته هم په افغانستان کې مدني فضا «تړلې» پاتې ده او خبریالان، مدني فعالان، د ښځو د حقونو مدافعان او پر طالبانو نیوکه کوونکي له نیولو، ګواښونو او محدودیتونو سره مخ دي.
د طالبانو د امربالمعروف، نهې عن المنکر او شکایتونو اورېدلو وزارت خبر ورکړی، چې د دوی محتسبینو د بلخ ولایت په شولګره ولسوالۍ کې درې کوډګر نیولي دي. د یاد وزارت په وینا، نیول شوي کسان به د لا نورو څېړنو په موخه عدلي او قضایي ارګانونو ته ور وپېژندل شي.
د سوریې د بهرنیو چارو وزارت د اسراییل د دفاع وزیر یسراییل کاتز د سوریې خاورې ته ننوتل غندلي او دا یې د دغه هېواد د ملي حاکمیت او ځمکنۍ بشپړتیا ښکاره سرغړونه بللې ده.
د منځنۍ اسیا د چارو یو تجربهکار شنونکی وایي، په بدخشان کې د وسلهوالو نښتو زیاتېدو د منځنۍ اسیا په هېوادونو کې نوې امنیتي اندېښنې راولاړې کړې دي. تاجکستان چې له بدخشان سره اوږده پوله لري، لا له وړاندې د افغانستان له لوري د محدودې ناامنۍ د ور اوښتو شاهد پاتې شوی دی.
د طالبانو د المپیک، بدني روزنې او سپورټ اداره وايي، د افغانستان له ۲۰ کلنو کمعمره ۲۳ کسیزه فوټبال ملي لوبډله د ۲۰۲۷ کال د ۲۰ کلنو کمعمره ځوانانو اسیا جام ته د لار موندنې سیالیو کې د ګډون لپاره بحرین ته روانه شوې ده.
پاکستان له امریکا غوښتي چې د ۱۰ میلیارد ډالرو په ارزښت د یوه مالي چوکاټ له جوړولو سره د دغه هېواد د اقتصادي او پولي ثبات ملاتړ وکړي. اسلاماباد وایي، تمه لري چې واشنګټن به په راتلونکو څو میاشتو کې د دې غوښتنې په اړه ځواب ورکړي.
د «بشري حقونه لومړی» سازمان مشره او د امریکا د بهرنیو چارو وزارت پخوانۍ مرستیاله عذرا ضیا وايي، افغانستان ته د امریکا د بشري او پراختیايي مرستو درول د ښځو وضعیت لا پسې خراب کړی دی.
باوري سرچینو افغانستان انټرنشنل ته ویلي چې د بامیان د عدلیې ریاست څلور کارکوونکي وروسته له هغې چې له خپلو دندو یې استعفاوې ورکړې او کابل ته وغوښتل شول، په کابل کې نیول شوي دي.
افغان کرېکټ بورډ ويلي، د افغانستان شل اوریز غوره لیګ درې لوبډلې وپلورل شوې، جام یې نندارې ته وړاندې شو او له اړوندو امتیاز خاوندانو سره هوکړه ليکونه هم لاسليک شول.
په هرات کې د طالبانو ځايي چارواکو اعلان کړی، چې د دغه ولایت په صنعتي ښارګوټي کې د دوه میلیونه امریکایي ډالرو په ارزښت ۱۹ عرادې د اور وژنې نوي موټرونه وپېرل شول او په فعالیت یې پیل وکړ. دغه وسایط د هرات د سوداګرو او صنعتکارانو په شخصي لګښت پېرل شوي دي.
د تحریک انصاف د بنسټګر او د پاکستان د پخواني لومړي وزیر عمران خان زامنو، قاسم او سلیمان خان تور پورې کړی چې پلار یې په زندان کې په داسې شرايطو کې ساتل کېږي، چې دا د بشري حقونو سرغړونه ده. دوی زیاته وي چې «یو پلار یې له خپلو زامنو جلا کړی دي».
د خیبر پښتونخوا د هریپور ولسوالۍ پولیسو ویلي، د ایت نور په نوم د کمعمرې ۵ کلنې ماشومې د تښتونې، جنسي تېري او وژنې په قضیه کې څلور تورن کسان نیول شوي او د پېښې په اړه یې پلټنې پراخې کړې دي.
په افغانستان کې د امریکا پخواني سفیر رایان کراکر خبرداری ورکړی چې افغانستان ته د نړیوالې ټولنې، په ځانګړي ډول د امریکا، دوامداره نه پاملرنه کولای شي د امریکا او نړۍ د امنیت لپاره ناوړه پایلې ولري.
د پاکستان د اطلاعاتو او نشراتو وزارت د طالبانو د وياند ذبیح الله مجاهد هغه ادعا په کلکه رد کړې، چې یې ويلي و، د پاکستان پوځ د بدخشان په تاوتریخوالي کې په فزیکي توګه ښکېل دی.
د امریکا د حکومت «د عدالت لپاره انعام» پروګرام د هغو معلوماتو په بدل کې د څو میلیونو ډالرو جایزې ټاکلې دي چې د داعـ.ـش خراسان څانګې د مهمو مشرانو په پېژندلو، د هغوی د پټنځای په موندلو یا نیولو کې مرسته وکړي.