د خېبر پښتونخوا په چارسده کې د یوه کور د چت پرېوتو له امله د پنځو ماشومانو په ګډون شپږ کسان مړه او پنځه ښځې ټپیانې شوې دي. د پولیسو په وینا؛ دغه پېښه د چارسدې د شبقدر په خیراباد سیمه کې شوې ده.
د «اېمای امارات» لوبډلې د متحده عربي اماراتو د شل اوره نړۍوال کرېکټ لیګ په چوکاټ کې د «ډیزرټ وایپرز» لوبډلې پر وړاندې سیالي وکړه، خو په ۴۶ منډو یې ماته وخوړه.
د ای ۲۴ نیوز د راپور لهمخې بنیامین نتنیاهو د یکشنبې په ورځ د اسراییل د امنیتي ادارو له مشرانو او وزیرانو سره څو ساعته امنیتي غونډه کړې، چې د بحث اصلي موضوع یې ایران و.
اروپايي اتحادیې د ونزوېلا د راتلونکې په اړه ویلي، د نړۍوالو قوانینو اصول باید مراعات شي او د دې هېواد د خلکو ارادې ته درناوی وشي. یادې اتحادیې ټینګار کړی، چې د ونزوېلا د خلکو ارادې ته درناوی کول د ډېموکراسۍ د بیا راژوندي کولو او په دې هېواد کې د روان ناورین د حل یوازینۍ لار ده.
پخوانی افغان ډیپلومات غوث جانباز وايي، چې د امریکا له لوري د ونزوېلا د ولسمشر نیکولاس مادورو له نیولو وروسته به روسیه د ستراتیژیک موقعیت د له لاسه ورکولو ترڅنګ په مالي، استخباراتي او نورو برخو کې له منفي پایلو سره مخ شي.
د افغانستان رسنیو ملاتړ سازمان وايي، د هېواد نوموتی لیکوال، شاعر او خبریال شاه زلمی زلمی د نا علاجه ناروغۍ له امله په کډوالۍ کې په جرمني کې ومړ. شاه زلمی زلمی د افغانستان په ډېرو رسنیو او په ځانګړې توګه ټلوېزیونونو کې د خبر مدیریتي چارې مخته وړې دي.
د کابل د پغمان ولسوالۍ اړوند ارغندي کې د جوړېدونکي ترمنیل په شاوخوا کې سلګونه جریبه ځمکه طالبان دولتي ګڼي، خو د سیمې اوسېدونکي وايي، دغه ځمکې یې د شرعي قوالو او پیسو په بدل کې پېرلي دي. په دې سیمه کې په تېر یوه کال کې سلګونه کورونه جوړ شوي دي.
یو شمېر پاکستاني زدهکوونکي چې په افغانستان کې زدهکړې کوي، د افغانستان او پاکستان ترمنځ د لارو د خلاصېدو غوښتنه کوي. دوی وایي، چې د لارو د بندېدو له امله له سختو مالي ستونزو سره مخ دي او نهشي کولی خپل هېواد ته ستانه شي.
نیویارک ټایمز ورځپاڼې د ایران د درېیو لوړپوړو چارواکو له قوله راپور ورکړی، چې د اعتراضونو له پراخېدو سره سره د حکومت لوړپوړو چارواکو په غونډو او شخصي خبرو کې منلې چې ایران «د بقا له حالت سره مخ شوی دی».
د غزني د جغتو ولسوالۍ اړوند بند علي او بید قول په ساحو کې ۴۳ زره او ۵۷۹ جریبه ځمکه له تشخیص او تثبیت وروسته دولتي ثبت شوه. دغه ځمکې شاړه دښته ده او تر اوسه ورڅخه هېڅ ډول استفاده نهده شوې.
د افغانستان ژغورنې ملي شورا مشر محمد عمر داوودزی وايي، چې امریکایانو د افغانانو د ارادې په پوهېدو سره د مخامخ اشغال د تګلارې پر ځای د پټ اشغال لاره غوره کړې ده.
د ملګرو ملتونو د سرمنشي مرستیالې امنه محمد په افغانستان کې د ښځو وضعیت د جدي اندېښنې وړ بللی او له هېوادونو یې غوښتي، چې د طالبانو له لوري له افغان ښځو سره د تبعیضي چلند په اړه چوپ پاتې نهشي.
امو سیند چې کابو د افغانستان او منځنۍ اسیا تر منځ رسمي پوله جوړوي، هر کال د اوبو د راپورته کېدو له امله زرګونه جریبه کرنیزې ځمکې وړي. د بدخشان د شغنان ولسوالۍ او د اوبو په مسیر کې افغان خاوره له سیند سره یو ځای کېږي او د تېر کال پر تله شاوخوا یو کیلومتر خاوره د سیند برخه شوې ده.
د ایران د کار، تعاون او ټولنیزې هوساینې د وزیر مرستیال سید مالک حسيني په کابل کې د ایران په ملاتړ جوړ شوي د مسلکي زدهکړو مرکز د لیدنې پر مهال ویلي، چې ایران د افغان کاري ځواک د ښه تنظیم او مدیریت په برخه کې خپلې همکارۍ پراخوي.
د تېر جمهوري نظام پر مهال د چارو د ادارې مشر فضل محمود فضلي وایي، چې پاکستان په سیمه کې د لویدیځ، امریکا او بریټانیا ستراتیژیکه پوسته ده.
یو جګپوړي وینزویلايي چارواکي د یکشنبې په ورځ اعلان وکړ چې د هیواد حکومت به یې د ولسمشر نیکولاس مادورو تر شا متحد پاتې شي. د کورنیو چارو وزیر دیوسادو کابېیو وویل: «دلته د انقلابي ځواک اتحاد تر ټولو زیات تضمین شوی دی او دلته یوازې یو ولسمشر دی، چې نوم یې نیکولاس مادورو موروس دی».
د طالبانو تر واک لاندې د افغاني سرې میاشتې ټولنه وايي، د سړې هوا له زیانونو د ژغورنې په موخه یې په کابل کې پر ۱۰۰۰ راستنو شویو کورنیو باندې ژمني توکي وېشلي دي.
د وینزویلا د دفاع وزیر جنرال ولادیمیر پادرینو د یکشنبې په ورځ په یوه تلویزیوني څرګندونه کې وویل چې د ولسمشر نیکولاس مادورو د امنیتي ټیم یوه لویه برخه د متحده ایالاتو په عملیاتو کې وژل شوې ده.
د امریکا د بهرنیو چارو وزیر مارکو روبیو وایي، ډېری هغه کسان چې په تلویزیوني خپرونو کې د «کارپوهانو» په نامه څرګندېږي، د وینزوېلا او د لوېدیځې نیمهکرې په اړه کافي پوهه نه لري. نوموړي وویل، چې «وینزوېلا له افغانستان او منځني ختیځ سره مه پرتله کوئ».
د طالبانو تر واک لاندې د اطلاعاتو او رسنیو مرکز رییس نعیم الحق حقاني د ایران د رسنیزو فعالانو له پلاوي سره کتلي دي. په دې کتنه کې دواړو لوریو د رسنیزو اړیکو د پراختیا، په رسنیز ډګر کې د تجربو شریکولو او ګډو همکاریو پر پیاوړتیا ټینګار کړی دی.
د کړکېچ نړیوالې ډلې(ای سي جي)په خپل تازه رپوټ کې ویلي، چې که په راتلونکې کې پر پاکستان هر ډول وسلهوال برید وشي او د بریدګرو پل په افغانستان کې وموندل شي، پاکستان به پرې جدي غبرګون وښيي.