د پاکستان د پنجاب ایالت د ژغورنې ادارې ویلي چې د راجنپور ولسوالۍ په روجهان سیمه کې د یوه مساپروړونکي بس د چپه کېدو په پېښه کې د ښځو او ماشومانو په کډون لږ تر لږه لس کسان مړه شوي او ۴۴ نور ټپیان دي.
د سلفي ډلو په فکري ډېسکورس کې عقیده د هر څه په مرکز کې ځای لري او دغه ډلې د عقیدې پر اهمیت او له ککړتیاوو څخه د هغې پر پاکولو په خورا ټینګار سره، د نورو مذهبي ډلو په پرتله ځان ته ځانګړی هویت جوړوي.
د افغانستان د کرکټ ملي لوبډلې مخکښ توپاچوونکي راشد خان د کرکټ نړیوالې شورا د یو ورځنیو سیالیو د توپاچوونکو په تازه ډلبندۍ کې بیا هم لومړی مقام ترلاسه کړی دی. راشدخان په متحده عربي اماراتو کې د درې اړخیزې لوبلړۍ پرمهال د زمبابوې پر وړاندې لوبه کې څلور لوبغاړي وسوځول.
ځايي سرچینو افغانستان انټرنشل ته ویلي چې د عزیز توخي په نوم یو ځوان تېره شپه د کندهار په عینو مېنه کې د ګاز نیونې له امله مړ شوی دی. د سرچینو د معلوماتو لهمخې، عزیز توخی له ۹ کلونو وروسته خپل کور ته راستون شوی و.
د پاکستان تحریک انصاف ګوند عمومي منشي سلمان اکرم راجا هغه راپورونه او ګونګوسې رد کړې، چې ګواکې د خیبر پښتونخوا اسمبلۍ ۶۸ غړي د عمران خان او د ګوند د سیاسي کمېټې له اجازې پرته د ګوند د ایالتي مشر او د راتلونکي سر وزیر د نوماند اعلانولو په لټه کې دي.
د برېتانیا حکومت د امریکا د جګړې وزیر پېټ هېګست هغه څرګندونې رد کړې، چې ویلي یې وو د افغانستان د جګړې پرمهال یوازې «یو یا دوه» د ناټو غړو هېوادونو په مستقیمو جګړهییزو عملیاتو کې برخه اخیستې وه.
د طالبانو مخالفې ډلې ازادۍ جبهې اعلان کړی، چې ځواکونو یې د سېشنبې په ماښام (د تلې ۲۸مه) په پروان ولایت کې د طالبانو پر يوې پوستې برید کړی. د یادې جبهې په خبرپاڼه کې ادعا شوې، چې په دغه برید کې د طالبانو درې غړي وژل شوي او دوه نور ټپیان دي.
په تخار کې د طالبانو د امنیه قوماندانۍ چارواکي وايي، د دغه ولایت د بنګي ولسوالۍ په یوه کلي کې یې له پخوانیو جګړو پاتې ۵۰۰ کیلوګرامه بم کشف کړی دی. د یادې قوماندانۍ ویاند نقیبالله مسرور ویلي، چې دغه نیم ټن بم د بنګي ولسوالۍ د «نواباد برجه» په کلي کې موندل شوی دی.
په هرات کې د طالبانو رسنیز دفتر د چهارشنبې په ورځ (د تلې ۲۹مه) ویلي، چې د روان کال په لومړیو شپږو میاشتو کې د هرات صادرات د اسلامکلا بندر له لارې د تېرکال د ورته مودې پرتله ۷۲ سلنه زیات شوي او ټولیز ارزښت یې ۱۲۴ مېلیون ډالرو ته رسېدلی دی.
د افغان کډوالو تر جبري اېستنې وروسته په تهران کې د بهرنیو زدهکوونکو شمېر ۵۰ سلنه کم شوی دی. د تهران د پوهنې او روزنې ادارې د معلوماتو له مخې، په تېرو کلونو کې د بهرنیو زدهکوونکو شمېر شاوخوا ۶۰زره و؛ خو په روان ښوونیز کال کې دغه شمېر تر ۳۰زرو کم شوی دی.
ازبکستان د قوشتیپې کانال د پروژې په اړه له طالبانو سره د تقابل او فشار پر ځای د خبرو اترو او تخنیکي همکاریو تګلاره غوره کړې ده. شنونکي وايي، تاشکند دې پایلې ته رسېدلی چې د افغانستان په خاوره کې د جوړېدونکې یادې سترې پروژې د درولو لپاره نه عملي او نه هم حقوقي وسیلې لري.
په داسې حال کې چې د امریکا ولسمشر ډونالډ ټرمپ ویلي، اوس هغه وخت رارسېدلی چې اوکراین جګړې ته د پای ټکی کېږدي؛ د امریکا ځانګړی استازی سټیو وېټکاف به د چهارشنبې په ورځ (د تلې په ۲۹مه) د روسیې له ولسمشر ولادیمیر پوتین سره وګوري.
د افغانستان د کرېکټ ملي لوبډله نن د درې اړخیزې یو ورځنیو سیالیو لوبلړۍ پر دوام خپله دویمه لوبه د بنګلهدېش د کرېکټ ملي لوبډلې پر وړاندې د متحده عربي اماراتو په شارجه لوبغالي کې ترسره کوي.
د ایران په زاهدان–بم لویه لاره کې د یوې ترافیکي پېښې له امله نهه افغان کډوال او یو ایرانی موټر چلوونکی مړه شوي دي. دغه پېښه د سېشنبې په سهار (د تلې ۲۸مه) د سیستان او بلوچستان ولایت په کهورک سیمه کې شوې ده.
د ملګرو ملتونو د روغتیا نړۍوال سازمان وايي، د اروپايي ټولنې په مالي ملاتړ د کندوز د ساري ناروغیو روغتون د ۲۰۲۶کال له اپرېل راهیسې د افغانستان په شمال ختیځ کې زرګونه ناروغانو ته وړیا تخصصي روغتیايي خدمتونه وړاندې کړي دي.
د روغتیا نړۍوال سازمان په تازه راپور کې راغلي، په روانه اوونۍ کې په افغانستان کې د ګوزڼ شپږ نوې مثبتې پېښې ثبت شوې چې له دې سره د روان ۲۰۲۶کال د اکتوبر تر ۱۸مې پورې په افغانستان کې د ګوزڼ ټولې ۴۲ مثبتې پېښې ثبت شوې دي.
د شانګهای همکارۍ سازمان په ازبکستان کې له «امنیتي ننګونو او ګواښونو سره د مبارزې پراخ مرکز» جوړوي. دغه طرحه د وروستي تصویب او عملي کېدو لپاره د ازبکستان د سنا مجلس ته استول شوې ده.
د بلوچستان په ګوادر، کېچ، واشک او خضدار ولسوالیو کې په تېرو دوو ورځو کې د ۱۰ کسانو په مرمیو ویشتل شوي مړي موندل شوي دي، چې په وژل شویو کې د ګوادر پوهنتون یو زدهکوونکی هم شامل دی.
د امریکا د استازو جرګې غړي سام لیکاردو د افغان کډوالو لپاره د لنډمهاله خوندي وضعیت (TPS) د بېرته فعالولو هڅه پیل کړې ده. نوموړی غواړي هغه طرحه چې له میاشتو راهیسې په کانګرس کې بنده پاتې ده، د یوه ځانګړي پارلماني میکانیزم له لارې د رایې ورکولو پړاو ته ورسوي.
په پروان کې د طالبانو امنیه قوماندانۍ وایي، له ۱۸ کلنو کم عمره پنځه ځوانان یې د یوه ۴۵کلن کس د وژنې په تور نیولي دي. طالبانو ويلي، پېښه د پخوانۍ دښمنۍ له کبله وه. پر خواله رسنیو یوشمېر کاروونکو د اندېښنې په څرګندولو ویلي، چې «دوښمني تر کم عمره ځوانانو هم ورسېده».
د روسیې او ازبکستان پوځونو د افغانستان پولې ته نږدې، د ترمذ په پوځي روزنیز ډګر کې د «۲۰۲۶ـ همکارۍ» په نوم ګډ پوځي تمرینونه پیل کړي دي. دغه اووه ورځني تمرینونه د اکتوبر له ۲۰مې تر ۲۷مې پورې د ترمذ په پوځي ډګر کې ترسره کېږي.