د روان کال په دوبي کې ګرمې څپې په اروپا کې زرګونه کسان مړه کړي دي. د جرمني روغتیايي چارواکو اټکل کړی، چې د سختې ګرمۍ له امله د مړو شویو کسانو شمېر شاوخوا ۱۴زرو ته رسېږي. د اټکل له مخې؛ په هسپانیا کې د غبرګولي له لومړۍ د زمري تر ۲۸مې پورې د ګرمۍ له امله ۴زره او ۴۵۸ کسان مړه شوي.
د خوړو نړۍوال پروګرام اعلان کړی، چې د سویلي کوریا لهخوا یې ۳ مېلیون ډالره مرسته ترلاسه کړې ده. د یاد پروګرام په وینا، دغه مرسته به د راتلونکو ۱۲ میاشتو په ترڅ کې په افغانستان کې له شاوخوا ۲۴زره او ۵۰۰ زیانمنو ښځو او ماشومانو سره د خوړو او تغذیې په برخه کې ولګول شي.
په هرات کې د طالبانو د کرنې، اوبو لګولو او مالدارۍ ریاست د کرنیزو چارو امر حمیدالله قانت ویلي، چې سږکال په دغه ولایت کې د انګورو حاصلات ۱۰ سلنه ډېر شوي دي. د هغه په وینا؛ د دغه ولایت د انګورو له باغونو شاوخوا ۱۹۱زره او ۹۵۰ ټنه انګور راټول شوي دي.
د امریکا د کالیفورنیا د ایالتي سنا غړې او ډیموکراټې افغانيالاصلې عایشه وهاب د پنجشنبې په ورځ د امریکا د استازو جرګې د یوې تشې څوکۍ د ډکولو لپاره ځانګړې ټاکنې وګټلې. د امریکا ګڼو رسنیو د ټاکنو د پایلو پر بنسټ د هغې بریا اټکل کړې ده.
د چین د بهرنیو چارو او دفاع وزیران به د جمعې په ورځ اندونیزیا ته په سفر لاړ شي او له خپلو سیالانو سره به د دوه اړخیزو امنیتي، سیاسي او اقتصادي موضوعاتو په تړاو خبرې وکړي. جاکارتا هڅه کوي، چې د بيجينګ او واشنګټن تر منځ د سوداګريزو سیالیو په لړ کې خپلې اړیکې متوازنې وساتي.
متحدې جبهې ادعا کړې چې عملیاتي ټیم یې پرون ماسپښین د کندهار ښار د پنځمې امنیتي حوزې اړوند سیمه کې د طالبانو د استخباراتو پر یوه غړي برید کړی او هغه یې وژلی دی.
د امریکا ولسمشر ډونالډ ټرمپ ویلي، پر ایران د امریکا د پوځي اقدام اصلي دلیل دا و چې واشنګټن بله لاره نه لرله او که اړتیا پېښه شي، دی به دا اقدام «سل ځله» بیا هم ترسره کړي.
د کړکېچ نړیواله ډله (کرایسز ګروپ) وايي، د طالبانو له واک ته رسېدو پنځه کاله وروسته افغانستان کې د جګړې او تاوتریخوالي کچه د پام وړ راټیټه شوې، خو په بېلابېلو برخو کې له یوه «ژور نامعلوم او بېثباته راتلونکي» سره مخ دی.
د سویس فدرالي اداري محکمې پرېکړه کړې چې په ځانګړو شرایطو کې ځینې افغان پناه غوښتونکي افغانستان ته ستنول کېدای شي. دغه پرېکړه د طالبانو تر واک لاندې افغانستان ته د افغانانو د بېرته ستنولو په اړه د سویس په پالیسۍ کې د احتمالي بدلون نښه بلل کېږي.
د پاکستان د استخباراتي ادارې (اې ایس اې) پخواني مشر اسد دراني له طالبانو څخه د اسلام اباد د ملاتړ له پخوانۍ تګلارې دفاع کړې او ویلي یې دي چې د دغه ډلې له جوړېدو پښېمانه نه دی.
د افغانستان د اسلامي جمعیت مشر صلاحالدین رباني وايي، د طالبانو له لوري وژنې او ګواښل به د افغانانو د «با عزته او قانونمند» راتلونکي لپاره د هغوی هوډ لا پیاوړی کړي.
د حقاني شبکې فعال غړی انس حقاني وايي، په افغانستان کې د سیاسي بحثونو یوه لویه برخه د احساساتي غبرګونونو بڼه لري او اړتیا ده چې د سیاسي اختلافاتو ترڅنګ د «ګډو ارزښتونو، متقابل احترام او عقلاني بحث فرهنګ» هم پیاوړی شي.
د ملګرو ملتونو د ماشومانو وجهي صندوق (یونیسف) وايي، په منځني ختیځ کې تاوتریخوالی او جګړې د ماشومانو حقونه تر پښو لاندې کوي او د هغوی ماشومتوب ترې اخلي.
متحده عربي امارات او قطر په کابل کې پر یوه ښوونځي له برید ۴ ورځې وروسته یاد برید غندلی دی. د یادو هېوادونو بهرنیو چارو وزارتونو په جلا جلا اعلامیو کې له هر ډول انګېزې او موخې پرته، د تاوتریخوالي، ترهګرۍ او جنایي کړنو پر وړاندې پر خپلو پرېکنده او ثابت دریځونو ټینګار کړی دی.
د هرات د طالبانو امنیه قوماندانۍ په دغه ښار کې د دغه ډلې د لسمې امنیتي حوزې د مرستیال وژل کېدل تایید کړي، خو د پېښې عاملان یې «وسلهوال غله» بللي دي.
د مقاومت جبهې مشر احمد مسعود خبرداری ورکړ، چې د قوماندان حسیب د وینو غچ به واخلي. مسعود طالبانو ته د «تورې تیارې لشکر» خطاب کړی او د ورکولو ژمنه یې کړې ده. د مقاومت جبهې یو قوماندان چې حسیب نومېده نن (پنجشنبه د زمري ۲۹مه) د پروان په سالنګ ولسوالۍ کې د طالبانو له لوري وژل شوی دی.
ځايي سرچینو افغانستان انټرنشنل ته ویلي چې د تخار ولایت په مرکز تالقان ښار کې د پنجشنبې په ماښام د طالبانو یوه ګزمه تر برید لاندې راغلې ده.
د اوکراین پر پلازمېنې کییف او شاوخوا سیمو د روسیې په پراخو توغندیزو او د بېپیلوټه الوتکو په بریدونو کې لږ تر لږه ۱۷ کسان وژل شوي او له ۴۰ ډېر نور ټپیان شوي دي.
د پاکستان د پخواني لومړي وزیر عمران خان خور علیمه خان وايي، چې نن شپه شاوخوا ۱ بجې عمران خان د درملنې لپاره له اډیاله زندان څخه الشفاء روعتون ته ولېږدول شو. د هغې په وینا، دمګړۍ له عمران خان سره د هغه بله خور ډاکټر عظمی او کورنی ډاکټر یې موجود دي.
د اروپایي ټولنې له خوا د ننګرهار په سپینغر او اچین ولسوالیو کې د ۶،۹ میلیونه افغانیو په ارزښت ۲۹ ډوله کرنیز ماشینونه او وسایل پر شپږو کرنیزو مرکزونو وېشل شوي دي.
د جرمونو نړیوالې محکمې د طالبانو له لوري د ښځو د ځپنې د ادعاوو څېړنه په افغانستان کې د امریکايي ځواکونو د احتمالي جرمونو له پراخې قضیې جلا کړې ده. د افغان بشري حقونو فعالان وايي، د څېړنو دا بېلول ښايي د افغانستان د ټولو ادعا شویو جرمونو په اړه د هراړخیز عدالت بهیر کمزوری کړي.