د طالبانو مخالفو سیاسي مشرانو محمد محقق، کریم خلیلي او سرور دانش په جلا جلا پیغامونو کې د ملي مقاومت جبهې د یو قوماندان حسیب پنجشیري او د هغه د ملګرو پر مړینه خواخوږي ښودلې ده.
پخوانی ولسمشر حامد کرزی وايي، د طالبانو له مشرانو سره لا هم خبرې کوي او باور لري چې د روانو ستونزو د حل لپاره باید د طالبانو په ګډون ټول افغانان د خبرو او ګډ تفاهم له لارې یوې حللارې ته ورسېږي. کرزی وايي، طالبان او مخالفان یې ټول افغانان دي، باید په ګډه دا شخړه پای ته ورسوي.
د خیبر پښتونخوا د هنګو ولسوالۍ په بابو تنګ سیمه کې د ناپېژاندو وسلهوالو په ډزو کې دیني عالم یونس دردمند وژل شوی او ۱۰ کلن زوی یې ټپي دی. پولیس وایي، یونس دردمند خپل کور ته پر لاره و چې ناپېژاندو وسلهوالو پرې ډزې وکړې.
د روزګان ولایت د خاص روزګان ولسوالۍ اوسېدونکي وایي، څو کلنه پرلهپسې وچکالي، د څښاک اوبو نشتوالي او د کرنیزو حاصلاتو کمښت د دوی ژوند له جدي ګواښ سره مخ کړی دی. خلک وایي، وچکالۍ د دوی کرنه او مالداري سخته زیانمنه کړې او که یې ستونزې همداسې دوام وکړي دغه سیمه به ټوله وچه شي.
د پاکستان د بلوچستان ایالت په مستونګ ولسوالۍ کې د چاودنې له امله شپږ کسان وژل شوي دي. د پولیسو په وینا، دغه چاودنه د مستونګ ولسوالۍ د کډ کوچې په ګیت سیمه کې پر هغو کارګرو شوې چې په یوه باغ کې یې کار کاوه. پولیسو ویلي، په برید کې شپږ کارګر وژل شوي او دوه نور ټپیان دي.
د بلغاریا دولتي خبري اژانس بيټياې راپور ورکړی، چې د دغه هېواد سرحدي پولیسو د مالکو ترنوو په سیمه کې له یوه مساپر وړونکي موټر ۳۵ بېاسناده کډوال نیولي دي. د پولیسو په وینا، نیول شوي کډوال افغانان دي.
د افغانستان د تکواندو ملي لوبډلې لوبغاړي امید سهاک د منفي ۸۷ کیلوګرامه وزن په کټګورۍ کې د تکواندو نړۍوال فدراسیون د ولسمشرۍ جام په سیالیو کې خپل پاکستاني سیال ته ماتې ورکړه او بل پړاو ته یې لار وموندله. سهاک به په بل پړاو کې له یوه ایراني لوبغاړي سره سیالي وکړي.
د اسراییل پوځ د جمعې په ورځ (د زمري ۳۰مه) خبر ورکړی، د حماس د پوځي څانګې د یوې ډلې قوماندان صبحي سامي محمود شهتوت چې د اکتوبر د ۷مې په بریدونو او د ګڼ شمېر یرغمل شویو کسانو په نیولو کې یې برخه اخیستې وه؛ د چهارشنبې په ورځ په غزه کې په یوه برید کې وژل شوی دی.
له عمان سره د افغانستان د ۲۰ کلنو فوټبال ملي لوبډلې ټاکل شوې دوستانه لوبې د یادې لوبډلې د لوبغاړو د ویزو نه صادرېدو له امله لغوه شوې دي. ټاکل شوې وه، د زمري ۲۹مه او د وږي په لومړۍ نېټه د عمان په مسقط ښار کې دغه دوه دوستانه سیالۍ ترسره شي.
د افغانستان پخوانی لوی څارنوال محمد فرید حمیدي وايي، چې د طالب ځواکونو لهخوا د مړو او جنګي بندیانو جسدونو ته سپکاوی د «جهالت اوج، د اخلاقو زوال او د انسانیت پر وړاندې جرم» دی. هغه ټینګار کړی، چې دغه کړنې له نړۍوالو قوانینو او اسلامي اصولو او ارزښتونو ښکاره سرغړونه ده.
د خیبر پښتونخوا د کوز دېر ولسوالۍ ځایي ادارې د افغان کډوالو پرضد د اقداماتو اعلان کړی او ځايي اوسېدونکو ته یې سپارښتنه کړې، چې په خپلو کورونو، هټیو، هوټلونو او پلازو کې د مېشتو افغان کډوالو بشپړ معلومات دوی ته وسپاري.
د طالبانو د ۲۰۱ خالد بن ولید قول اردو رسنیز دفتر خبر ورکړی، چې د نورستان په نورګرام ولسوالۍ کې د یو ډاډسن موټر چپه کېدو پېښه کې موټر چلوونکی مړ او د درېیو مېرمنو په ګډون ۹ کسان ټپيان شوي دي.
د برېتانیا ګارډین ورځپاڼې په یوه راپور کې ادعا کړې، طالبانو په افغانستان کې داسې نظام رامنځته کړی چې ښځې او نجونې یې له بنسټیزو حقونو بېبرخې کړې او د ژوند په نږدې ټولو برخو کې یې پرې سخت محدودیتونه لګولي دي.
په پاکستان کې مېشت زرګونه هغه افغانان چې په دغه هېواد کې زېږېدلي او لوی شوي، د کډوالو د اېستلو روانې لړۍ له امله له ناروښانه برخلیک او د جبري ستنېدو له ګواښ سره مخ دي.
د فرانسې ولسمشرۍ ماڼۍ اعلان کړی، چې د سعودي عربستان ولیعهد محمد بن سلمان به د یکشنبې په ورځ د وږي په لومړۍ او دوشنبه د وږي په دویمه پاریس ته سفر وکړي او د فرانسې له ولسمشر امانوېل مکرون سره به وګوري.
د خیبرپښتونخوا د بنو ولسوالۍ په جاني خېلو سیمه کې د ځایي ادارې لهخوا خلکو ته د سیمې پرېښودو امر شوی، چې له امله یې د ځایي اوسېدونکو ترمنځ سخته اندېښنه او بېباوري رامنځته شوې ده.
د ملګرو ملتونو د ماشومانو ملاتړ صندوق (یونېسف) وايي، په افغانستان کې د نجونو پر مخ د منځنیو ښوونځیو د تړل کېدو نږدې پنځه کاله کېږي؛ خو لاهم مېلیونونه نجونې له زدهکړو محرومې دي او د دغه وضعیت اغېزې د هېواد پر راتلونکې ورځ تر بلې ژورېږي.
د جمهوريت پرمهال د دفاع وزارت سرپرست شاه محمود میاخېل وایي، د افغانستان د روان ناورین د حل لپاره د جګړې پرځای د یوه مشروع او قانونمند نظام جوړېدو ته اړتیا ده. هغه زیاتوي، د کابل او کندهار دوهسری وضعیت له درې سرو جبهو سره یوځای هېواد له روان ناورین او نړۍوالې انزوا نهشي اېستلای.
پاکستانۍ رسنۍ جیونیوز راپور ورکړی، چې د پاکستان پخوانی لومړی وزیر او د تحریک انصاف ګوند بنسټګر عمران خان له شفا روغتون څخه بېرته اډیاله زندان ته لېږدول شوی دی. عمران خان تېره شپه ناوخته له اډیاله زندانه شفا روغتون ته د درملنې لپاره لېږدول شوی و.
د «پيبياېس نيوز اور» په یوه ځانګړي راپور کې د افغانستان د پخواني جمهوري نظام د درېیو کسانو او د هغوی د کورنیو کیسې روایت شوې دي، چې پنځه کاله وروسته د طالبانو تر واکمنۍ لاندې لاهم له ناروښانه برخلیک او وېرې سره مخ دي.
د پاکستان په ملي اسمبلۍ کې د اپوزېسیون مشر محمودخان اڅکزي ویلي، د طالبانو په سفارت د اګست په ۱۵مه د یادې ډلې لهخوا په جوړه شوې غونډه کې یې د چین، روسیې، اروپايي هېوادونو او هند لوړپوړي استازي لیدلي؛ خو د پاکستان له لوري یوازې د بهرنیو چارو وزارت یو ټيټ پوړی غړی حاضر و.