عیني شاهدانو افغانستان انټرنشنل ته ویلي چې د طالبانو محتسبانو په هرات کې د جمعې په ورځ، د زمري په ۳۰مه، څلور نجونې د دغې ډلې د خوښې وړ حجاب د نه لرلو په تور نیولې دي. د شاهدانو په وینا، دغو نجونو د نیول کېدو پر مهال اوږده حجابونه او ماسکونه درلودل.
د امریکا او ایران ترمنځ جګړې او له پاکستان سره سرحدي کړکېچونو د افغانستان پر سوداګرۍ او ډیورنډ کرښې ته د نږدې سیمو پر کارګرو منفي اغېز کړی دی. په اسلام کلا کې د توکو او خلکو تګ راتګ کم شوی او په سپین بولدک کې د لارې اوږدمهاله تړل کېدو ګڼ سوداګر او کارګر بېکاره کړي دي.
د اوکراین په کریوي ریه ښار کې د روسیې د بېپیلوټه الوتکو په برید کې لږ تر لږه شپږ کسان ووژل شول او شاوخوا ۹۰ نور ټپیان شول. ځايي چارواکي وایي چې په ټپیانو کې شپږ ماشومان هم شامل دي او د یو شمېر ټپیانو روغتیايي حالت د اندېښنې وړ ښودل شوی دی.
سعودي عربستان او قطر په کابل کې پر یوه ښوونیز مرکز برید غندلی دی. دواړو هېوادونو په جلا جلا اعلامیو کې د تاوتریخوالي، ترهګرۍ او جنایتکارانه کړنو پر وړاندې خپل کلک دریځ څرګند کړی او له افغان ولس نه یې خپل ملاتړ اعلان کړی.
د افغانستان د پخواني ولسمشر لومړي مرستیال امرالله صالح د حسیب پنجشیري د وژل کېدو په غبرګون کې نوموړی د میلیونونو هغو افغانانو د ملي ارمانونو لپاره مبارز بللی چې د ده په وینا، اوس مهال «په اسارت» کې دي. صالح نوموړی یو زړور کس یاد کړی.
د پاکستان د پخواني لومړي وزیر عمران خان خور عظمی نیازۍ ویلي، چې ورور یې د اسلام اباد په روغتون کې دوی ته ویلي چې له هغه سره بې عدالتي کیږي او د مصر د پخواني ولسمشر محمد مرسي په څیر یې د وژلو هڅه شوې.
د ۱۴۰۰ کال په زمري میاشت کې د کابل له سقوط نه د ۱۴۰۵ کال تر زمري پورې د طالبانو د مخالفو جبهو څه باندې لس قوماندانان وژل شوي. په دې ډله کې د پخوانیو دفاعي او امنیتي ځواکونو جنرالان، د ځانګړو ځواکونو او کومانډو افسران او د وسلهوالو مخالفو ډلو سیمهییز قوماندانان شامل دي.
د طالبانو د کورنیو چارو وزیر سراجالدین حقاني له بهر مېشتو افغان سیاسي مشرانو وغوښتل چې افغانستان ته بېرته ستانه شي او ویې ویل چې هېواد د ټولو افغانانو ګډ کور دی. حقاني ویلي، چې د دوحې هوکړې له مخې ټولبښنه شوې او له هیچا سره حساب نه کېږي، خو د نظام او امنیت ګواښونکي به تعقیبېږي.
د افغانستان د پخواني حکومت د سولې مرکچي پلاوي مشر معصوم ستانکزي د حسیب پنجشیري د وژل کېدو په غبرګون کې ویلي، چې د مخالفانو پر وړاندې د ځپنې او ناوړه چلند سیاست نه یوازې د افغانستان هیڅ ستونزه نه حل کوي، بلکې د هېواد کړکېچ لا پېچلی او ژوروي.
ازادۍ جبهې ادعا کړې چې د بغلان د اندراب ولسوالۍ د بنو په میروا کلي کې یې د طالبانو پر یوې ګزمې برید کړی، چې په پایله کې یې دوه طالبان وژل شوي او یو بل ټپي شوی دی. یادې جبهې ویلي چې دغه برید تېره شپه، د زمري پر ۲۹مه شوی. طالبانو تراوسه ددغه برید په اړه څه نه دي ویلي.
د بلوڅانو د پیوستون کمیټه د پاکستان حکومت په سیستماتیک ډول د بشري حقونو په سرغړونو تورنوي او وايي، د امنیت پلمه د بلوڅ هویت د بدنامولو او د هوایي بریدونو له لارې د ملکي وګړو په نښه کولو لپاره کارول کیږي.
د پاکستان د پوځ د عامه اړیکو ادارې ویلي، چې په تېرو څو ورځو کې د خیبر پښتونخوا او بلوچستان په بېلابېلو سیمو کې د پاکستاني امنیتي ځواکونو په عملیاتو کې ۴۹ وسلهوال وژل شوي دي.
د پښتنو یو شمېر سیاسي څېرو او فعالانو د مقاومت جبهې د قوماندان حسیب پنجشیري پر وژل کېدو غبرګونونه ښودلي. دوی وايي، نوموړی د طالبانو له واکمنۍ وروسته په افغانستان کې پاتې شوی و او وسلهوال فعالیت کاوه. هغوی دغه راز د نوموړي له جسد سره د طالبانو د سرتېرو پر چلند هم نیوکې کړې دي.
رویټرز د ایران د وسلهوالو ځواکونو د لوی درستیز له قوله لیکلي چې د امریکا د اقتصادي ګواښونو پر وړاندې به دایران غبرګون پراخ او پرېکنده وي.
د تاجکستان د ملي امنیت دولتي کمېټې ویلي چې له افغانستان سره پر پوله په وسله واله نښته کې دوه افغانان وژل شوي دي. د دغې ادارې په وینا، وژل شوي کسان د نشه یي توکو د قاچاق لپاره په ناقانونه توګه تاجکستان ته اوښتي وو
د پاکستان د بهرنیو چارو وزارت وايي، دغه هېواد په ترهګرۍ ضد جګړه کې تر ۹۰ زرو ډېر کسان له لاسه ورکړي او د دې مبارزې له امله یې اقتصادي زیان له ۱۵۰ میلیارده امریکايي ډالرو اوښتی دی. یاد وزارت د امنیتي پېښو له اړخه تېر ۲۰۲۵ کال د تېرې یوې لسیزې تر ټولو خونړی کال بللی.
د ملي مقاومت جبهې ادعا کړې چې د بغلان په ګذرګاه نور ولسوالۍ کې یې پر طالبانو راکټي برید کړی، چې په پایله کې یې یو طالب وژل شوی او دوه نور ټپیان دي. د یادې جبهې په خبرپاڼه کې ویل شوي چې دغه برید تېره شپه شاوخوا ۹ بجې شوی دی. طالبانو ددغه برید په اړه تر دې دمه څه نه دي ویلي.
د طالبانو د صنعت او سوداګرۍ وزارت وايي، پلاوي یې په بیلاروس کې د دغه هېواد له چارواکو سره د سوداګرۍ، صادراتو، د نفتي توکو وارداتو، پانګونې او د صنعت او انرژۍ په برخو کې د همکاریو پر پراختیا خبرې کړې دي. د وزارت په وینا، بیلاروس د نفتي توکو په برخه کې د همکارۍ ډاډ ورکړی.
پخواني ولسمشر حامد کرزي ویلي چې د طالبانو نړیواله رسیمت پېژندنه او مشروعیت د ځینو شرطونو له پوره کولو ترلاسه کېږي او په دې برخه کې باید نجونې بېرته ښوونځیو ته ولاړې شي او ښځې په کار شي.
پخواني ولسمشر حامد کرزي بلومبرګ ته په مرکه کې ویلي، چې د افغانستان په تړاو د پاکستان په سیاست کې ستونزه شته. کرزي د پاکستان او طالبانو ترمنځ پخوانیو اړیکو او اوسنیو شخړو ته په اشارې وویل، « دا ثابتوي چې پاکستان له هڅ افغان حکومت سره ژوند نه شي کولی».
د طالبانو مخالفو سیاسي مشرانو محمد محقق، کریم خلیلي او سرور دانش په جلا جلا پیغامونو کې د ملي مقاومت جبهې د یو قوماندان حسیب پنجشیري او د هغه د ملګرو پر مړینه خواخوږي ښودلې ده.