د امریکا یوې فدرالي محکمې د افغانستان په ګډون د ۷۵ هېوادونو د اتباعو د کډوالۍ ویزو ځنډول غیرقانوني بللي دي. په دې پرېکړه کې د هغو افغانانو دوسیې هم شاملې دي چې له امریکا سره یې کار کړی او د کډوالۍ ویزو په تمه دي.
د ناسا په مشرۍ یوې نوې څېړنې موندلې چې د ځمکې ځینې فنګسونه او باکتریاوې ښايي د سپوږمۍ پر سطحه له څو اوونیو تر څو میاشتو پورې ژوندی پاتې شي. دا موندنه د راتلونکو فضايي ماموریتونو پر مهال سپوږمۍ ته د ځمکنیو میکروبونو د انتقال په اړه اندېښنې زیاتوي.
د پاکستان دي نېشن ورځپاڼې په یوه راپور کې لیکلي چې د طالبانو له بیا واکمنېدو پنځه کاله وروسته، دغه ډله لا هم د نړۍ د ډېری هېوادونو له خوا په رسمیت نه ده پېژندل شوې، خو په عملي ډول د افغانستان د واکمن واقعیت په توګه ورسره تعامل روان دی.
د افغانستان د تکواندو لوبغاړو د تکواندو نړیوالو فدراسیون د ولسمشرۍ جام د اتم پړاو په سیالیو کې خپل ګډون پای ته ورساوه. دغه سیالۍ د اسیا په کچه د پاکستان په لاهور ښار کې ترسره شوې چې د جي۳ په کچه وې او د شاوخوا ۴۰ هېوادونو لوبغاړو پهکې ګډون کړی وو.
د امریکا ولسمشر ډونالډ ټرمپ د جمعې په ورځ (د زمري ۳۰مه) د سویلي کارولینا ایالت په میرتل بیچ کې د خپلې وینا پر مهال، له ایراني حکومت سره د شخړې د وضعیت په اړه وویل: «زه نه پوهېږم چې په ایران کې باید له چا سره معاملې ته کښېنم. په حقیقت کې، دا زما یوه تر ټولو لویه ستونزه ده».
د پاکستان تحریک انصاف ګوند د بنسټګر او پخواني لومړي وزیر عمران خان د طبي معاينې په اړوند په اسلاماباد کې د پاکستان د طبي علومو انسټیټیوټ (پیمز) روغتون ويلي، د پاکستان د سترې محکمې د لارښوونو لهمخې به د طبي راپور پټ کلینیکي جزییات افشا نهکړي.
د طالبانو استخباراتو اړوند رسنیزو پاڼو د جمعې په ورځ یو نوی غږیز فایل خپور کړی، چې ادعا کوي دا د بدخشان د طالبانو د مرور قوماندان جمعهخان فاتح غږ دی. دغو پاڼو ادعا کړې، چې په دغه غږیز فایل کې فاتح د «ازادۍ جبهې» له یوه غړي سره د وسلو او مالي مرستو د ترلاسه کولو په اړه خبرې کوي.
د مقاومت جبهې د سیاسي دفتر مشر عبدالله خنجانی وايي، د دې جبهې قوماندان حسیب پنجشیری چې د طالبانو یوه کمین کې په شمالي سالنګ کې ووژل شو، په تېرو پنځو کلونو کې هېڅکله له افغانستان څخه نهوو وتلی.
د سویډن پولیسو ویلي، د دغه هېواد د فاګرستا ښار په یوې لېسه کې د یوه ۱۸ کلن ځوان لهخوا پر زدهکوونکو د تورې په وسیله برید شوی، چې له امله یې یو کس وژل شوی او درې نور ټپیان شوي دي.
د پاکستان کرېکټ لوبډله د انګلستان پر وړاندې د ټېسټ سياليو د لوبلړۍ په لومړۍ لوبه کې له سختې ماتې سره مخ شوه. انګلستان په دې لوبه کې پاکستان ته د ۱۰۳ منډو په توپیر ماتې ورکړه.
د پاکستان په پارلمان کې د اپوزیسیون مشر محمود خان اڅکزي د حکومت پر سیاستونو په نیوکو سره ویلي، «له افغانستان سره کومه دښمني ده؟ دا دې ثابته کړل شي چې افغانستان له پاکستان سره د دښمنۍ پر لاره روان دی».
د طالبانو لهخوا د «مبلغینو نصاب» په نوم نوی سند چې یوه سریزه او شپږ څپرکي لري، د طالبانو د مشر هبتالله اخوندزاده له توشیح وروسته د تېرې یکشنبې په ورځ (د زمري ۲۵مه) د طالبانو د عدلیې وزارت په رسمي جریده کې خپور شوی دی.
د ایټالیا د بهرنیو چارو پخوانی وزیر جولیو ترسي له افغانستان څخه د نړیوالو ځواکونو وتل «ناورینزېږوونکي» بللي او زیاته کړې یې ده، چې د دغو ځواکونو وتل د افغانستان پر خلکو په ځانګړې توګه پر افغان نجونو او ښځو دروند ګوزار وو.
د پاکستان په پارلمان کې د اپوزيسيون مشر محمود خان اڅکزي د بلوچستان ايالت د پښين په سرانانو سیمه کې د بمونو په وسیله د پوليسو مرکز د الوځول کېدو پېښې ته په غبرګون کې ويلي، «زه تور لګوم چې په سرانان کې د پرونۍ پېښې تر شا د حکومت دننه موجودو پټو او ناسمو کسانو لاس دی».
سرچینو افغانستان انټرنشنل–پښتو ته ویلي، د شمشاد ټلویزیون دوه پخواني خبریالان عابد مومند او ابراهیم امیري د خیبر پښتونخوا په مرکز پېښور ښار کې لادرکه شوي دي. سرچینې وایي، دا دوه خبریالان په پښتونخوا کې د فرانسې سفارت له لوري د پناهغوښتنې اړوند قضیو لپاره مېشت وو.
د پاکستان تحریک انصاف ګوند مشر بېرسټر ګوهر ويلي، د دغه ګوند د بنسټګر عمران خان د درملنې لپاره څو څو واره محکمو ته لاړل، سترې محکمې بیا حکم هم ورکړ، خو له ګوند او عمران خان سره بيا هم انصاف نهدی شوی. هغه خبرداری ورکړی، که له عمران خان سره انصاف ونهشي پارلمان به پرېږدي.
په قزاقستان کې د طالبانو شارژدافیر د نشهيي توکو او د ناقانونه قاچاق پر وړاندې د مبارزې لپاره د منځنۍ اسیا مرکز له ريیس سره په کتنه کې په یاد مرکز کې د افغانستان د غړیتوب پر بیا فعالېدو خبرې کړې دي.
د افغانستان د عامې روغتیا پخوانۍ وزیرې ثریا دلیل د حسیب پنجشیري د وژل کېدو په تړاو په یوه پیغام کې ویلي، چې د هغه تر ټولو غوره درناوی دا دی، چې د ازادۍ، عدالت او برابرۍ لپاره د هغه د مبارزې لاره روانه وساتل شي.
د پاکستان لومړي وزیر شهباز شريف د کوم مشخص هېواد د نوم له یادولو پرته ويلي، چې په بلوچستان او خیبرپښتونخوا کې د وسلهوالو فعالیتونو تر شا نفوذي کسان «فتنه الخوارج» او له «دښمنو هېوادونو» څخه د سرچینو ترلاسه کوونکي دي چې بېګناه خلک وژني.
د هلمند د عامې روغتیا ریاست د روغتیايي قوانینو د ارزونې مدیریت د څارنې ډلې په کجکي ولسوالۍ کې د ۸۹ روغتیايي مرکزونو د ارزونې په پای کې ۱۶ روغتیايي کتنځایونه د لازمو معیارونو او قانوني اسنادو د نهلرو له امله وتړل.
د افغانستان د سوداګرۍ خونې یوه پلاوي د ایران د سوداګرۍ خونې له مرستیال سره په کتنه کې د یوې ګډې کاري ډلې پر رامنځته کولو هوکړه وکړه. د دغې هوکړې لهمخې به د دواړو هېوادونو د سوداګرو پر وړاندې د شته ستونزو اړوند موضوعات په منظم ډول تعقیب او د حل لپاره يې عملي لارې چارې ولټول شي.