په پاکستان کې د بلوچستان خراب امنیتي وضعیت د خبریالانو پر کار هم دروند اغېز کړی. د دغه ایالت د ژورنالیستانو اتحادیه وايي، تر اوسه ۴۰ خبریالان او د رسنیو کارکوونکي د خپلو دندو پر مهال یا د خپلو راپورونو له امله وژل شوي او یا هم د بریدونو او ګواښونو هدف ګرځېدلي دي.
د ازبکستان امنیتي چارواکو یو افغان وګړی د دغه هېواد ترمذ نړیوال سوداګریز مرکز کې د تریاکو د پلورلو په تور نیولی دی. د ازبکستان د امنیتي ادارې په وینا، پر دغه کس قضیه ثبت شوې او د احتمالي همکارانو د پېژندلو لپاره یې څېړنې روانې دي.
ملګري ملتونه وايي، مصنوعي ځیرکتیا یې د بشري حقونو د ملاتړ، روغتیا، زدهکړو او اقلیمي بدلون پر وړاندې د مبارزې لپاره په بېلابېلو برخو کې کارولې ده. د ملګرو ملتونو په وینا، دغه ټکنالوژي د خلکو د ژوند د ښه کولو ترڅنګ د بېړنیو ستونزو د ژر حل لپاره هم نوې لارې برابروي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره ورځ شنبه ۲۲۰ کډوالې کورنۍ چې ټول ۱۰۵۲ کسان کېږي، له ایران او پاکستان نه افغانستان ته ستانه شوې دي.
د طالبانو د کرنې، اوبو لګولو او مالدارۍ سرپرست وزیر عطاالله عمري او د صنعت او سوداګرۍ وزارت مرستیال احمدالله زاهد له مل پلاوي له بېلاروس افغان متخصصانو ته د پوهې او تجربو د لېږد او د هغوی د مسلکي وړتیاوو د لوړولو په برخه کې د همکارۍ غوښتنه کړې ده.
له پاکستان او ایران څخه د میلیونونو افغان کډوالو ستنېدل یوازې د افغانستان خاورې ته د بېرته راتګ معنا نه لري، بلکې ډېری ستانه شوي کسان له هویتي، تعلیمي او ټولنیزو ستونزو سره هم مخ دي.
د پاکستان تحریک انصاف ګوند له زندانه د اسلاماباد شفا نړیوال روغتون ته د دوی د مشر عمران خان د نه لېږدولو له امله پر حکومت د محکمې د سپکاوي عریضه کړې ده.
د طالبانو د ترانسپورټ او هوايي چلند وزارت د هوا پوهنې ادارې د افغانستان په لسو ولایتونو کې د سختو بارانونو، تالندې او برېښنا، تېزو بادونو او سېلابونو د احتمال خبر ورکړی دی.
د طالبانو د کورنیو چارو وزارت خبر ورکړی چې امنیتي ځواکونو یې نیمروز ولایت کې په جلا جلا عملیاتونو کې اووه تنه د بیلابیلو جنایي جرمونو په تور نیولي او ننګرهار کې هم یو تن د قیمتي ډبرو د قاچاق په تور نیول شوی.
د ننګرهار د وادي کرنیز امارتي شرکت مسوولین وايي، سږ کال د دغه شرکت د خرماوو په بڼونو کې د حاصلاتو د زیاتوالي اټکل کېږي او تمه ده چې د تېر کال په پرتله به ډېر محصول ترلاسه شي.
په پاکستان کې د استرالیا د بشري ویزو یو شمېر افغان غوښتونکي، چې د ویزو د پرېکړې په تمه دي، د نیول کېدو او افغانستان ته د ستنولو له زیاتېدونکي خطر سره مخ دي. دغه افغانان وايي، افغانستان ته ستنېدل به یې د ژوند له لاسه ورکولو په معنا وي.
د افغانستان پخواني ولسمشر حامد کرزي، د امریکا کانګرس ته د لومړي ځل لپاره د یوې افغانالاصله امریکایۍ عایشې وهاب، د ټاکل کېدو له امله هغې ته د مبارکۍ مراتب وړاندې کړي او ویلي یې دي چې دا د افغان نجونو د وړتیا په مانا ده.
د پاکستان د بلوچستان ایالت په بېلابېلو ولسوالیو کې د ډزو، قبایلي او ځمکنۍ شخړو، ترافیکي پېښو او نورو پېښو له امله لږ تر لږه ۹ کسان وژل شوي او ۱۰ نور ټپیان شوي دي.
د انډیپنډنټ او انټر پرېس سروس په دوو جلا راپورونو کې راغلي چې په افغانستان کې د ښځو پر وړاندې محدودیتونه، د ښځینه روغتیايي کارکوونکو د شمېر کمېدل او د ښځو په نښه شوي قتلونه د افغان ښځو وضعیت لا پسې ستونزمن کړی دی.
د امریکا د ټګزاس ایالت والي ګریګ ابټ، د دغه هېواد له عدلیې وزارت څخه غوښتي چې د دغه ایالت په دوو لویو هوايي ډګرونو کې د اودس لپاره د اسانتیاوو په اړه څېړنه وکړي.خو د مسلمانانو د حقونو د دفاع یوې ادارې دغه اقدام «د مسلمانانو پر ضد سیاسي ننداره» بللې ده.
د «یور کالز مېډیا راونډټېبل» په یوه ځانګړي پروګرام کې دوو افغانو ښځينه خبریالانو ویلي چې د طالبانو له بیا واکمنېدو پنځه کاله وروسته، ښځې او نجونې په افغانستان کې له پراخو محدودیتونو، بېکارۍ او رواني فشارونو سره مخ دي.
د اویلپرایس وېبپاڼې د معلوماتو له مخې، د تېلو د مهمو نړیوالو شاخصونو بیې لوړې شوې دي. د برنټ خام تېلو بیه ۹۴ ډالر او ۳۹ سنټو او د لوېدیځ ټکساس منځني خام تېلو بیه ۸۷ ډالرو او ۶ سنټو ته رسېدلې ده.
د افغانستان او پاکستان ترمنځ د سوداګریزو لارو اوږدمهاله بندښت پاکستاني صادرونکو ته د شاوخوا ۴.۵ میلیارد ډالرو احتمالي زیان اړولی. د پاکستان د پرمختیايي اقتصاد انسټیټیوټ وايي، دې وضعیت د دواړو هېوادونو پر سوداګرۍ سخت منفي اغېز کړی دی.
د افغانستان متحدې جبهې په یوه خبر پاڼه کې ادعا کړې چې د یادې جبهې جنګیالیو پرون د کندهار ښار شپږمې امنیتي حوزې په مربوطاتو کې د یو لړ هدفمند عملیاتوو په ترڅ کې دوه طالبان وژلي.
په هرات ولایت کې یوه درمل جوړونکې فابریکه د ۱۵۰ ډوله درملو د تولید وړتیا لري. دغه شرکت چې شاوخوا ۲۰ کلنه کاري تجربه لري، اوس مهال د جامدو او مایع درملو بېلابېل ډولونه تولیدوي.
د امریکا یوې فدرالي محکمې د افغانستان په ګډون د ۷۵ هېوادونو د اتباعو د کډوالۍ ویزو ځنډول غیرقانوني بللي دي. په دې پرېکړه کې د هغو افغانانو دوسیې هم شاملې دي چې له امریکا سره یې کار کړی او د کډوالۍ ویزو په تمه دي.