د جرمونو نړیوالې محکمې د طالبانو له لوري د ښځو د ځپنې د ادعاوو څېړنه په افغانستان کې د امریکايي ځواکونو د احتمالي جرمونو له پراخې قضیې جلا کړې ده. د افغان بشري حقونو فعالان وايي، د څېړنو دا بېلول ښايي د افغانستان د ټولو ادعا شویو جرمونو په اړه د هراړخیز عدالت بهیر کمزوری کړي.
د پاکستان د سترې محکمې د امر لهمخې، ۷۳ کلن پخوانی لومړی وزیر عمران خان به د درملنې لپاره روغتون ته لېږدول کېږي. د خیبرپښتونخوا اعلی وزیر سهیل اپریدي وايي، د عمران خان معاینات او درملنه د هغه د کورنۍ او شخصي ډاکټرانو په حضور کې به نن په الشفاء روغتون کې ترسره شي.
د امریکا د خزانې وزارت لس کسان د ایران د سپاه پاسداران له قدس ځواک او حزبالله سره د اړیکو په تور د دغه هېواد د بندیزونو په نوملړ کې شامل کړي دي. د امریکا د خزانې وزارت د پنجشنبې په ورځ، د زمري ۲۹مه، اعلان وکړ چې په تحریم شویو کسانو کې نهه د ترکیې او یو د ایران وګړی شامل دي.
د هلمند ولایت لپاره د طالبانو د امنیه قومندانۍ مسوولین وايي، نن (پنجشنبه د زمري ۲۹مه) د باباجي ولسوالۍ د لارې په اوږدو کې د یوې ټرافیکي پېښې له امله ۳ کسان مړه او ۴ ټپیان شوي دي. د مسوولینو په وینا، پېښه د یوه ټېلري او یوه کوچني موټر د ټکر له امله رامنځته شوې ده.
د خبریالانو نړیوال فدراسیون د ایران د پارلمان هغه نوې قانوني طرحه غندلې چې له مخې یې د دوی په وینا له «دښمنو» بهرنیو رسنیو سره مرکې او اړیکې جرم ګرځول کېږي او ویلي یې دي چې دغه اقدام به د بیان ازادي او اطلاعاتو ته د خلکو لاسرسی نور هم محدود کړي.
د روغتیا نړیوال سازمان وايي، د نورستان د پارون ولسوالۍ له سېلابونو وروسته یې د روغتیايي ګواښونو د مخنیوي په موخه له ۶۸۱۴ کسانو سره د پاکو اوبو، حفظالصحې او ساري ناروغیو د مخنیوي په اړه اړین معلومات شریک کړي دي.
د پښتونخوا نېشنل عوامي ګوند یوه ایالتي غړي اجمل خان کاکړ په بلوچستان کې د پشین ولسوالۍ د سرانانو سیمې د امنیتي وضعیت پر خرابېدو اندېښنه ښودلې او ویلي یې دي چې د پاکستان حکومت د خلکو د امنیت په ټینګښت کې پاتې راغلی دی.
د سولې او پخلاینې څېړونکې هیله نجیبالله وايي، د طالبانو د واکمنۍ پنځه کاله وروسته په لوېدیځو رسنیو کې د افغانستان په اړه د «امنیت» او له طالبانو سره د تعامل روایتونه پیاوړي شوي، خو د نوموړې په باور افغانستان لا هم له واقعي سولې، عدالت او انساني امنیت څخه لرې دی.
په تېر جمهوري نظام کې د بلخ پخواني والي عطا محمد نور پخواني ولسمشر حامد کرزي ته په یوه پرانیستي لیک کې ادعا کړې: «تاسو خلک له دغه اوسني تریخ برخلیک سره مخ کړي دي». هغه کرزي ته په خطاب کې زیاته کړې، چې اوس د اوسني وضعیت لپاره د «تمساح اوښکې بهوې».
د برېتانیا «ټایمز» ورځپاڼه وايي، هغه افغان ځانګړي ځواکونه چې د کابل د تخلیې پر مهال یې له برېتانوي ځواکونو سره مرسته کړې وه، اوس په افغانستان کې د طالبانو له ګواښ سره مخ دي او د برېتانیا حکومت یې د وتلو عملي ملاتړ پای ته رسولی دی.
د بریتانیا د نړیوالو چارو سلطنتي څېړنیز مرکز «چتم هاوس» د ۲۰۲۶ کال لپاره خپله جایزه د افغانستان مېرمنو ته ورکړې ده.
د امریکا د مرکزي استخباراتو ادارې (سي اې ای) پخوانۍ مامورې سارا اډمز د طالبانو له لوري د مقاومت جبهې د قوماندان حسیب «قوایي مرکز» د وژلو په غبرګون کې ویلي، طالبان ښايي یو جنګیالی ووژني، خو هغه موخه نه شي له منځه وړلی چې نوموړي ورته د مرګ تر کچې مبارزه کوله.
د جمهوریت پر مهال په پاکستان کې د افغانستان سفیر نجیبالله عليخېل وايي، د افغانستان د سیاسي بدلونونو او د جمهوریت د سقوط د پنځم کال په بحثونو کې د قربانیانو درد له پامه غورځول شوی او د تېروتنو حساب باید یوازې د امریکا او ګاونډیو هېوادونو په سیاستونو کې ونه لټول شي.
د طالبانو مخالفې ډلې، ازادۍ جبهې د بدخشان په زېباک ولسوالۍ کې په ۳نیم ساعته نښته کې د ۶ طالبانو د وژلو ادعا کړې. دغه جبهه زیاتوي، په دې نښته کې لږ تر لږه ۱۰ نور طالبان هم ټپیان شوي او خپل لور ته د اوښتي احتمالي زیان په تړاو یې څه نهدي ویلي.
په ننګرهار کې سیمهییزې سرچینې وایي، د طالبانو د یوې پوستې قوماندان او د هغه ملګرو د اچین ولسوالۍ یو ۱۳ کلن ماشوم د لرګیو د راټولولو په تور نیولی او په سخت ډول یې شکنجه کړی دی.
هسې خو په پاکستان کې په ظاهره یو اساسي قانون، پارلمان، لومړی وزیر او قضا شته، خو د نهه څلوېښت کالونو راهیسې، یعنې د جنرال ضیاالحق د دیکتاتورۍ د وخت نه، په واقعیت کې زیاتره واک اختیار د جنرالواکۍ په لاس کې پاتې شوی دی.
د بنګلهدېش د پارلمان غړو د پنجشنبې په ورځ د بنګلهدېش ملتپال ګوند مخکښ مشر میرزا فخرالاسلام عالمګیر د هېواد د نوي ولسمشر په توګه وټاکه.
د پېښو پر وړاندې د طالبانو د چمتووالي ادارې رییس ملا نورالدین ترابي د یو شمېر نړۍوالو مرستندویه ادارو له مسوولانو سره په ناسته کې غوښتنه کړې چې خپل اداري لګښتونه کم کړي او پر ځای یې اړو کسانو ته مرسته ډېره کړي.
د افغانستان د مقاومت جبهې د سیاسي دفتر رییس عبدالله خنجاني په یوه ویډیوي پيغام کې د دې جبهې د یوه قوماندان حسیب پنجشیري مشهور په «قوای مرکز» وژل کېدل تایید کړل. خنجاني د هغه وژل کېدو له امله تسلیت ویلی.
سرچینو افغانستان انټرنشنل ته ویلي، چې د طالبانو استخباراتو په هرات کې د یوناما د بشري حقونو څانګې دوه نیول شوي کارکوونکي بېرته خوشې کړي دي.
د پاکستان د پخواني لومړي وزیر عمران خان نږدې سلاکار او د پاکستان تحریک انصاف ویاند ذوالفقار بخاري وایي، چې که عمران خان له بنده خوشې شي، له پوځ او د پوځ له مشر عاصم منیر سره به تقابل ونه کړي.