آرشیف

د طالبانو د ترانسپورت او هوايي چلند وزارت د هواپوهنې ریاست ویلي چې سبا په ۲۴ ولایتونو کې د درنو واورو، بارانونو او سختو بادونو اټکل شوی.

سره له دې چې د امریکا د ولسمشر ډونالډ ټرمپ او د اوکراین د ولسمشر زېلېنسکي ترمنځ په وروستیو خبرو کې د امنیتي تضمینونو په برخه کې یو څه پرمختګ شوی، خو د روسیې او اوکراین ترمنځ د سولې د هوکړې هڅې لا هم د نیول شویو ځمکو پر سر له جدي اختلافاتو سره مل دي.

د بدخشان د کشم ولسوالۍ په ګنبد کلي کې درې کان کیندونکي د سرو زرو کان د کیندنې پرمهال د ځمکې ښویېدو او د کان را پرېوتو له امله مړه شوي دي. د یادې ولسوالۍ د طالبانو ولسوال حیات الله محسن ویلي، چې دا پېښه نن دوشنبه، شاوخوا ۱۲ بجې شوې.

افغان شاعر، لیکوال او د هلمند ولایت د اطلاعاتو او کلتور ریاست پخوانی رییس علي شاه مظلومیار د ورپښې ناروغۍ له امله ومړ. مظلومیار ډېر وخت په هلمند ولایت کې په فرهنګي برخو کې کار کړی و.

په معاصر سیاست کې د «سیاسي اسلام» اصطلاح د یوه واحد، منسجم او هم‌شکله فکر استازیتوب نه کوي. برعکس، دا مفهوم د بېلابېلو خوځښتونو، ایډیالوژیو او تګلارو ټولګه ده چې هر یو یې د دین، سیاست او قدرت ترمنځ اړیکه په بېل - بېل ډول تعریفوي.

د پاکستان د کراچۍ ښار په سهراب ګوټ ګنامنډي سیمه کې د یوې افغانې کورنۍ مړي موندل شوي، چې مور او د هغې درې واړه ماشومان پکې شامل دي.

د ایران د پارلمان د صنایعو او کانونو د کمیسیون یوه غړي ویلي دي، چې د طالبانو له کانونو وزارت سره یې د افغانستان د اوسپنې کان د اکتشاف، استخراج او پروسس په اړه خبرې کړې دي. امیر توکلی رودي وايي، چې په دې کې د سون توکو په توګه د افغانستان د ډبرو سکرو کارول هم شامل دي.

د متحده ایالاتو د بهرنیو چارو وزارت یو چارواکي د دوشنبې په ورځ وویل، چې امریکا له ملګرو ملتونو سره د بشري مرستو په برخه کې د دوه میلیارد ډالره مرستې ژمنه کړې ده.

د طالبانو ستره محکمه وايي، چې د پروان ولایت په سید خیل ولسوالۍ کې یې یوه ښځه او یو سړی د «ناروا اړیکو» په تور په عام محضر کې په دُرو وهلي دي. طالبانو هر یوه ته ۳۰ دُرې سزا ور کړې او د یو کال بند سزا یې ورته اورولې ده.

د طالبانو د عدلیې وزیر د حج او عمرې شرکتونو د ټولنې له مسوولینو سره په ناسته کې ویلي چې سعودي عربستان د نړۍ د مسلمانانو مرکز دی او افغان حاجیان باید هلته د افغانستان ښه استازولي وکړي. نوموړي ټینګار کړی چې په دې برخه کې هر ډول ستونزې د دواړو هېوادونو پر اړیکو منفي اغېز لرلای شي.

د طالبانو د بهرنیو چارو وزارت یو پلاوي په دې وروستیو کې داسې مهال بنګله دېش ته سفر کړی، چې تازه ددغه هېواد د جماعت اسلامي ګوند او محصلانو ګوند نوی انتخاباتي ایتلاف جوړ کړی. بنګله دیشي چارواکو د طالبانو د بهرنیو چارو وزارت د لومړي سیاسي رییس مفتي نور احمد نور سفر شخصي بللی.

د افغانستان لپاره د ملګرو ملتونو د بشري حقونو ځانګړي راپور ورکوونکي رېچارډ بېنټ په تهران کې د پخوانیو افغان نظامیانو د وژنې په اړه د بې پرې څیړنو غوښتنه کړې ده. بېنټ ټینګار کړی، چې د جنرال اکرام الدین سریع او محمد امین الماس د وژنو عاملان باید وپېژندل شي او عدالت ته وسپارل شي.

د ایران او طالبانو د ریل پټلۍ مشرانو د یوې غونډې په ترڅ کې اعلان وکړ، چې په راتلونکي ۱۴۰۵ کال کې به د خواف-هرات رېل پټلۍ له لارې د دواړو هېوادونو ترمنځ یو نیم میلیون ټنه کارګو ولېږدول شي.

د ایران د بهرنیو چارو وزارت ویاند اسماعیل بقايي وايي، چېد تهران امنیتي ادارېپر دوو افغان پناه غوښتونکو جنرال اکرام الدین سریع او د هغه پر همکار وسله‌واله برید په دقیق ډول څیړي.

د ایران د خراسان رضوي ولایت چارواکي وايي، چې سږ کال په نهو میاشتو کې یو میلیون او ۱۰۰ زره افغانان د تایباد ولسوالۍ د دوغارون – اسلام کلا له لارې افغانستان ته ستانه شوي دي. ایراني چارواکي وايي، تېر کال هم ۶۸۰ زره افغانان له دې لارې افغانستان ته ستانه شوي.

د طالبانو د صنعت او سوداګرۍ وزارت وايي، چې د جوزجان ولایت په مرکز کې یې د کورنیو تولیداتو او محصولاتو درې ورځنی نندارتون پرانېستی دی. د یاد وزارت په وینا، په دغه نندارتون کې په ۳۵ غرفو کې نږدې ۷۰ بېلابېل کورني تولیدات او محصولات نندارې ته وړاندې شوي.

د طالبانو د اوبو او انرژۍ وزیر عبداللطیف منصور له ترکي پانګه‌والو سره په افغانستان کې د اوبو او برېښنا د سترو پروژو په برخه کې د پانګونې پر امکاناتو خبرې کړې دي. دغه وزارت ویلي، چې ترکي شرکتونو د اوبو په برخه کې د پانګونې لېوالتیا ښودلې.

د طالبانو د معیار او کیفیت ادارې دوشنبه (د مرغومي ۸مه) خبر ورکړی، د شیخ ابو نصر فراهي بندر له لارې یې ۱۰۳ټنه بې‌کیفیته ودانیز توکي چې له کورنیو معیارونو سره سمون نه‌لاره؛ بېرته ایران ته ګرځولي دي.

د افغانستان لپاره د روسیې ځانګړي استازي ضمیر کابلوف ویلي، مسکو دا مهال د افغان کارګرو د ګومارنې لپاره کومه اغېزمنه او منظمه تګلاره نه‌لري او له همدې امله د هغوی پراخه ګومارنه ناشونې ده.

د طالبانو د احصايې او معلوماتو ملي ادارې خبر ورکړی، چې د برېښنايي پېژندپاڼو د وېش لړۍ له پیل راهیسې تر دې دمه ۱۷ مېلیونه او ۶۸زره کسانو ته برېښنايي پېژندپاڼې وېشل شوې دي. د یادې ادارې په وینا؛ له دې ډلې ۱۰ مېلیونه او ۶۲۱زره یې نارینه او ۶مېلیونه او ۴۴۷زره یې ښځې دي.

د ملګرو ملتونو د نشه‌یي توکو او جرمونو دفتر یوه نوې سروې ښيي، هغه افغان کروندګر چې پخوا یې د افغانستان په شمال کې کوکنار کرل؛ د خپلو ضایع شویو عایداتو د جبرانولو وس نه‌لري.