په جرمني کې د «افغانستان – هامبورګ» تر سرلیک لاندې کنفرانس ترسره شو. په دغه کانفرانس کې د طالبانو د پنځه کلنې واکمنۍ وروسته د افغانستان پر سیاسي، ټولنیز او بشري وضعیت، د ښځو او نجونو پر حقونو او د افغانستان په اړه د جرمني پر تګلارو بحث شوی دی.
د طالبانو وسلهوالې مخالفې ډلې، ازادۍ جبهې د بدخشان په زېباک ولسوالۍ کې د ۶ طالبانو له وژل کېدو خبر ورکړ. دغه جبهه زیاتوي، چې په دې نښتو کې ۸ نور طالبان هم ټپيان شوي دي.
د طالبانو د مخالفې ډلې، متحده جبهې مشر سميع سادات ادعا کړې چې د تېر جمهوري نظام پر مهال د کندهار د دويمې امنيتي حوزې امر حضرت الله اڅکزي «حاجي ورور»، د وژنې په غچ کې یې په کندهار کې د طالبانو د استخباراتو دوه غړي وژلي دي.
د عراقي کردستان د نیمهخپلواکې سیمې ویاند دلشاد شهاب د یکشنبې په ماښام (د زمری ۲۵مه) د ایران انټرنشنل له خبریال سره په ځانګړې مرکه کې د امریکا او ایران ترمنځ د پیغامونو د انتقال او د تاوتریخوالي د کمولو په هڅو کې د عراقي کردستان د رییس نچیروان بارزاني له نقش څخه خبر ورکړ.
د افغانستان لپاره د ملګرو ملتونو پخواني استازي کای اېده ویلي، چې افغانستان کې د طالبانو پر ضد د «پوځي مقاومت د ودې» نښې نښانې لیدل کېږي. له دې سره سره د هغه په وینا، دا روښانه نهده چې ایا خلک لا هم د مقاومت وس او انګېزه لري او یا له اوسني نسبتاً سولهییز وضعیت سره جوړجاړی کوي.
د اسټرالیا د بهرنیو چارو وزیرې پیني وانګ ويلي، په افغانستان کې سوله او ثبات هغه مهال رامنځته کېدای شي چې د ښځو او نجونو په ګډون ټول افغانان د هېواد په راتلونکي کې بشپړ ګډون او ونډه ولري.
د امریکا د ولسمشر ډونالډ ټرمپ زوم او لوړپوړي سلاکار جرد کوشنر په مصر کې د حماس له یوه لوړپوړي مشر سره په لیدنه کې د دغه فلسطیني ډلې د بېوسلې کولو د طرحې د عملي کولو پر پیل ټینګار کړی دی.
د خیبر پښتونخوا اعلی وزیر سهیل اپرېدي ويلي، پښتون قوم په پاکستان کې د امن لپاره بېشمېره قربانۍ ورکړې. بېګناه وګړي او عسکر وژل کېږي. هغه غوښتنه کړې «د قربانۍ د وزې په توګه د خیبر پښتونخوا د پرله پسې کارولو لړۍ باید اوس پای ته ورسېږي».
د افغان ښځو د حقونو فعاله محبوبه سراج وايي، ډېر ژر به افغانستان پرېږدي او له هېواده بهر به د افغان ښځو لپاره خپلو فعالیتونو ته دوام ورکړي. اغلې سراج دا څرګندونې له هندي رسنۍ «فرسټپوسټ» سره په مرکه کې کړې دي چې د زمري په ۲۴مه، د افغانستان د سقوط د پنځم کال په مناسبت خپره شوې ده.
په کوېټ کې طالب سفیر محمد شفیق خطیب له یو شمېر کوېټي سوداګرو او پانګوالو سره په کتنه کې له هغوی وغوښتل، چې په افغانستان کې پانګونې وکړي. په دې کتنه کې د دوه اړخیزو سوداګریزو او اقتصادي همکاریو پر پراختیا هم ټینګار شوی.
د طالبانو د لوړو زدهکړو وزیر وايي، د جمهوریت پر وړاندې مخالفت او ورسره جهاد روا وو، خو د دوی پر وړاندې مخالفت «ناجایز» او اطاعت یې «واجب» دی. هغه همداراز ویلي، اوس په ډېر سخت امتحان کې دي او په وینا یې، نظام د رعیت او رعیت د نظام پر وړاندې مکلفیتونه لري چې باید سم ادا شي.
د بلوچستان ايالت د کوېټې د هنه اوړک سیمې په ولي تنګي کې پر یوه موټر د سړک غاړې ته د ښخ شوي ماین چاودنې له امله دوه کسان وژل شوي او دوه نور ټپیان شوې دي.
د افغانستان د ژغورنې ملي مجمع او د افغانستان لپاره د ملي مقاومت عالي شورا په یوه ګډه اعلامیه کې له نړۍوالې ټولنې غوښتي چې طالبانو ته له مشروعیت ور کولو ډډه وکړي. دغو دوو جریانونو د طالبانو خلاف جګړه د خلکو «طبیعي حق» بللی دی.
د ایران د پوځ مشر امیر حاتمي ویلي، څوک چې یو امریکايي سرتېری ووژني، یا یې ونیسي او ایران ته یې وسپاري، «د ۳۰ زره امریکايي ډالرو یا پنځه میلیارده تومانو معادل انعام» به ترلاسه کړي. نوموړي ویلي، چې که دغه کار یوه ایرانۍ ښځه وکړي، انعام به دوه برابره وي.
د اسلامي وحدت ګوند مشر محمد محقق وايي چې د مستبدو حکومتونو عمر تل لنډ وي او افغانستان باید په راتلونکي کې له استبداد او افراطیت څخه لرې شي. محقق دا څرګندونې د افغانستان د ژغورنې لپاره د مقاومت عالي شورا په انلاین ناسته کې وکړې.
د بلخ پخواني والي عطا محمد نور ويلي چې د طالبانو مخالفان له جګړې پرته د افغانستان د ستونزې حل غواړي، خو طالبان «د خبرو منطق نه لري». د نور دا څرګندونې داسې مهال دي، چې د طالبانو د بهرنیو چارو وزیر تازه په یوه مرکه کې ویلي، چې له مخالفانو سره دخبرو نوې پروسې ته اړتیا نشته.
د افغانستان د ژغورنې لپاره د ملي مقاومت عالي شورا د مشرتابه پلاوي غړی عبدالرب رسول سیاف وایي، طالبانو په خپله پنځه کلنه واکمنۍ کې د افغانانو له سپکاوي، تحقیر او پر هغوی له فشار پرته بل هېڅ لاسته راوړنه نه درلوده او په خپلو تګلارو یې نړۍ ته د اسلام یو ناسم انځور وړاندې کړی.
د هسپانیا د بهرنیو چارو وزارت ویلي، چې افغان ښځې او نجونې لا هم له سیستماتیک تبعیض سره مخ دي او بشري حقونو ته له درناوي پرته به له طالبانو سره ډیپلوماټکې اړیکې عادي نه شي.
د دې پوښتنې ځواب یوازې د حکومتونو او رهبرانو په بدلون او یا د بهرنیو قدرتونو په لنډمهالو لاسوهنو کې نه شي موندل کېدای، بلکې د دې تکرار علت باید په تاریخي لحاظ د ټولنې یو لړ سیاسي، ټولنیزو او ادراکي چلندونو او الگوگانو د بیاځلې تولید په دوامداره «څرخ» کې ولټول شي.
د طالبانو د مالیې وزارت وايي، چې په څلورو ګمرکونو کې یې د ۳۷،۸ میلیونه افغانیو په ارزښت د امنیتي کامرو د نصبولو چارې پیل کړې دي. په دې پروژه کې به په کابل، کندوز او بلخ ګمرکونو کې ۳۷۰ امنیتي کامرې نصب او فعالې شي.
د بدخشان په نسي ولسوالۍ کې د طالبانو او د هغوی د ناراضي قوماندان جمعه خان فاتح ترمنځ د نښتو له امله سلګونه کورنۍ او کان کیندونکې بند پاتې دي. محلي سرچینې وايي، لارې او بازار تړل شوي او خلک د خوراکي توکو او اوبو له کمښت سره مخ دي.