د طالبانو د ۲۰۱ خالد بن ولید قول اردو مرستیال د پښتونخوا له ولسونو غوښتي چې پاکستان ته د افغانستان د اوسنی امن د ګډوډولو اجازه ور نه کړي. هغه ویلي، چې پاکستان ته د طالبانو د صبر کاسه ډکه شوې او هر ډول اقدام ته به یې د هوايي او ځمکنیو عملیاتو له لارې په کلکه ځواب ورکړي.
د طالبانو مشر مولوي هبت الله اخوندزاده په خپله وروستۍ وینا کې یو ځل بیا د خپلو اوامرو پر اطاعت کولو ټینګار کړی دی. نوموړي ویلي،چې د «نظام» د ساتنې اړین شرط اطاعت دی او «د خپل امیر اطاعت وکړئ».
د طالبانو د بهرنیو چارو وزارت په اندونیزیا کې د شوې زلزلې له امله د دغه هېواد له حکومت او ولس سره خواخوږي ښودلې ده. د دغه وزارت ویاند وایي، چې د اندونیزیا په فلورس ټاپو او شاوخوا سیمو کې د زلزلې له امله خلکو ته درانه زیانونه اوښتي دي.
هغه څه چې لومړی په کندهار کې محدودې پرېکړې بلل کېدې، ډېر ژر د افغانستان د رسنیو په تړاو د طالبانو د رسمي سیاست برخه وګرځېدې. د ښځو پر غږ او انځورونو بندیز، د موسیقۍ او تفریحي خپرونو بندول او د رسنیو مستقیم څار هغه اقدامات دي چې لومړی په کندهار او وروسته نورو ولایتونو کې پلي شول.
د افغانستان د تکواندو ملي لوبډله د تکواندو نړیوال فدراسیون د ۲۰۲۶ کال د اسیایي جام په اتم پړاو سیالیو کې د ګډون لپاره د پاکستان لاهور ښار ته روانه شوې ده. په دې ۱۶ کسیزه لوبډله کې ۹ لوبغاړي، روزونکي او لوبڅار شامل دي.
په ختیزه اندونیزیا کې د ۷،۷ درجې سختې زلزلې له امله لږ تر لږه ۵۳ کسان مړه شوي او تر ۱۳۰ ډېر نور ټپیان دي. چارواکو ویلي چې د زلزلې له امله د سړکونو بندېدو او ځمکې ښویېدنې ستونزې جوړې کړې دي.
ایراني چارواکي وايي، د ایران، افغانستان، تاجکستان او چین ترمنځ د ترانسپورټي دهلېز په اړه د څو اړخیزو خبرو هرکلی کوي. د ایران د سړکونو وزیرې ویلي، چې ټاکل شوې د افغانستان د فراه ولایت سړک شاوخوا یوه میاشت وروسته پرانیستل شي.
د طالبانو له بیا واکمنېدو سره د نجونو د زدهکړو بهیر په ناڅاپي ډول ودرېد. هغه نجونې چې هغه مهال په اووم ټولګي کې وې، په عادي حالت کې یې باید سږ کال د ۱۲ بریلیکونه ترلاسه کړي وای، خو د ښوونځیو تړلو له امله یو بل نسل هم شپږم ټولګي ته رسېدلی او د زدهکړو له دوام څخه محروم شوی دی.
د جنرال سمیع سادات په مشرۍ متحده جبهه وايي، چې ځواکونو یې د بلخ ولایت د دولتاباد او د فاریاب ولایت په بند ولسوالیو کې د طالبانو پر پوستو بریدونه کړي دي. د یادې جبهې په وینا، په دې نښتو کې د طالبانو څلور غړي وژل شوي او څلور تنه ټپیان دي. طالبانو د دې ادعا په اړه څه نه دي ویلي.
د طالبانو د صنعت او سوداګرۍ وزیر نورالدین عزیزي د ازبکستان د لومړي وزیر له مرستیال جمشید خواجه اوف سره له لیدنې وروسته ویلي، چې یاد هېواد د افغانستان د برېښنا، کانونو او کرنې په برخو کې د پانګونې لېوالتیا ښودلې ده.
سرچینو افغانستان انټرنشنل ته ویلي چې د تېر جمهوري نظام پرمهال د کندهار ښار د دویمې امنیتي حوزې امر حضرت الله اڅکزی د بلوچستان په مرکز کویټه ښار کې د نامعلومو وسله والو په ډزو کې وژل شوی.
ازادۍ جبهې د یکشنبې په ورځ د بدخشان په زیباک کې د دې جبهې د ځواکونو او طالبانو ترمنځ د «سختو نښتو» د دوام خبر ورکړی دی. دغې جبهې ادعا کړې چې طالبانو ته «درانه تلفات او مالي زیانونه اوښتي او په ځینو سیمو کې د تېښتې په حال کې دي.» طالبانو ددې ادعا په اړه څه نه دي ویلي.
د طالبانو د ننګرهار ولایت د عامې روغتیا ریاست وايي چې په دغه ولایت کې په تېرو دریو میاشتو کې د پولیو ۵ مثبتې پيښې ثبت شوې دي. د معلوماتو پر بنسټ، یو ماشوم په جلال اباد ښار، دوه په بهسودو، يو چپرهار او يو په روداتو ولسوالۍ کې د ګوزڼ په ناروغۍ اخته شوي دي.
د کابل پر تخت د طالبانو د ولکې له پنځو کلونو وروسته، د پاکستان او دغه ډلې ترمنځ پخوانۍ دوستي اوس په یوه ښکاره جګړه او دښمنۍ بدله شوې ده. په پاکستان کې د بریدونو زیاتوالی او پر افغانستان د پاکستان هوايي بریدونه هغه عوامل دي چې دا دوه لوري یې جګړې ته کښېکاږل.
د طالبانو د اوسني مشر مولوي هبت الله اخوندزاده له نامه سره د هغه د ورور هدایت الله نوم غوټه خوړلې ده. هغه کسان چې هبت الله یې په کچلاغ کې لیدلی، په دې باور دي چې د طالبانو اوسنی مشر هدایت الله دی او د هبت الله نوم یې ژوندی ساتلی دی.
د طالبانو لوی درستیز فصیح الدین فطرت ددې ډلې له ناراضي قوماندان جمعه خان فاتح سره د خبرو لپاره د بدخشان نسي ولسوالۍ ته تللی. سرچینې وايي، دواړه له دریو ورځو راهیسې خبرې کوي، خو تر اوسه کومې پایلې ته نه دي رسېدلي. په نسي کې د طالبانو او فاتح د کسانو جګړه شپږمې ورځې ته غځېدلې ده.
د طالبانو مشر مولوي هبت الله اخوندزاده د کندهار په نظامي هوايي ډګر کې د زمري ۲۴مې په تړاو غونډه کې ویلي، چې د افغانستان په ۳۴ ولایتونو کې پر یوه لویشت ځمکه له طالبانو پرته د بل چا حاکمیت نشته.
د پاکستان د شخړو او امنیتي مطالعاتو انسټیټیوټ وايي، د اګست له ۷مې تر ۱۲مې پورې په شپږو ورځو کې په دغه هېواد کې ۳۶ وسلهوال بریدونه شوي چې له امله یې ۲۹ کسان وژل شوي او ۱۲ نور ټپیان شوي دي.
د طالبانو د کرنې او مالدارۍ وزارت وایي چې د کرنېزو محصولاتو نړۍوال نندارتون کې یې د څه باندې ۲۰۰میلیونو ډالرو په ارزښت له ۷۰ډیر قراردادونه لاسلیک کړي.
د خیبر پښتونخوا قبایلي سیمو ناامنۍ، تاوتریخوالي او پرلهپسې بېځایه کېدو د ښځو او نارینهوو پر رواني روغتیا ژورې اغېزې کړې دي. بېځایه شوي کسان وايي، د کورونو له لاسه ورکولو، اقتصادي ستونزو او د ماشومانو د راتلونکي اندېښنو ترڅنګ له وېرې، بېخوبۍ، اضطراب او خپګان سره هم مخ دي.
د پاکستان له لوري د افغان کډوالو پر وړاندې د ایستلو له پیل شاوخوا لس میاشتې وروسته، یو شمېر هغه افغان کډوال چې افغانستان ته ستانه شوي وو، د کار او روزګار د نشتوالي له امله بېرته کوټه ته راګرځي.