په هرات کې د طالبانو د امنیې قوماندانۍ ویاند سید مسعود حسیني وايي، ۱۱ کسان یې د نشهيي توکو د قاچاق په تور نیولي. نوموړي زیاته کړې، دغه کسانو د نشهيي توکو د لېږد لپاره له بېلابېلو لارو چارو کار اخیست او په ځینو برخو کې یې نشهيي توکي د وریجو په بوجیو کې پټول او په پټه یې لېږدول.
په داسې حال کې چې د نړۍ په بېلابېلو ښارونو کې د طالبانو پر وړاندې اعتراضونه روان دي، د افغانستان یوشمېر هنرمندانو، مدني فعالانو او افغانانو په واشنګټن کې د طالبانو د سیاستونو پرضد اعتراض وکړ.
والسټریټ ژورنال راپور ورکړی، چې د ایران مشرانو، له امریکا سره د خبرو له دوام سره هممهاله سپاه پاسداران او خپلې نیابتي ډلې د جګړې د پراخولو او په سیمه کې د بریدونو د زیاتولو لپاره چمتو کړې دي.
پنځه کاله وړاندې چې طالبان پر افغانستان واکمن شول، د پخوانیو افغان امنیتي او دفاعي ځواکونو ډېری غړي جلاوطنه شول چې اوس په ګاونډیو هېوادونو کې له ګڼو اقتصادي ستونزو، امنیتي اندېښنو او ناروښانه راتلونکي سره مخ دي.
د برېتانیا ګارډین ورځپاڼې راپور ورکړی، د جمهوري نظام پرمهال د افغانستان د پولیسو یو افسر چې په یوې ځانګړې قطعه کې یې هم دنده ترسره کړې او د برېتانیا د دفاع وزارت د معلوماتو تر افشا کېدو وروسته د طالبانو له لوري څو ځله ګواښل شوی هم دی، د بیا مېشتېدو غوښتنه یې رد شوې ده.
د افغانستان د سوداګرۍ او پانګونې خونې مشر سیدکریم هاشمي د ایکو اقتصادي همکاریو سازمان د غړو هېوادونو د سوداګرۍ او صنایعو خونو مشرانو سره په انلاین ناسته کې ویلي، افغانستان چمتو دی چې د سیمې هېوادونو ترمنځ د سوداګریز او ټرانزیټي پل په توګه رول ولوبوي.
د پاکستان او طالبانو ترمنځ د روانو ترینګلتیاوو او د افغان محصلینو د ویزو د تمدید په برخه کې د اوږدمهاله ځنډ له امله، په پاکستان کې زرګونه افغان محصلین له جدي ستونزو او د خپلو زدهکړو د دوام په اړه له اندېښنو سره مخ دي.
په جرمني کې د پښتون ژغورنې غورځنګ له دغه هېواده د افغانانو د جبري ستنولو په اړه اندېښنه څرګنده کړې او د دغه لړۍ د سملاسي درولو غوښتنه یې کړې ده. دغه غورځنګ ویلي، افغانستان د بېرته ستنېدو لپاره خوندي ځای نهدی.
د خیبرپښتونخوا د خیبر ولسوالۍ په باړې سیمه کې د وسلهوالو نښتو پرمهال ویجاړ شوي یوشمېر دولتي ښوونځي له کلونو وروسته هم بېرته نهدي رغول شوي. د ودانیو د نشتوالي له امله سلګونه ماشومان په خېمو، لنډمهاله ځایونو او ان تر شین اسمان لاندې زدهکړې کوي.
د نړۍ د کاتولیکانو مشر پاپ لېو څوارلسم د فلسطینیانو پر ضد د تاوتریخوالي زیاتېدو په غبرګون کې د یاد تاوتریخوالي د سملاسي پای ته رسېدو غوښتنه وکړه. هغه پر نړۍوالې ټولنې غږ وکړ، چې د دوو دولتونو د حل لارې د پرمختګ لپاره اقدام وکړي.
د افغانستان څېړونکو شبکې راپور ورکړی، چې ډېری کورنۍ په افغانستان کې د روغتیایي خدمتونو د لوړ لګښت له امله درملنې ته د لاسرسي په برخه کې له جدي ستونزو سره مخ دي. راپور زیاته کړې، ځینو ناروغانو د مالي ستونزو له امله خپله درملنه ځنډولې او ارزانه او دودیزو انتخابونو ته یې مخه کړې ده.
ټول هغه څه چې زرمینې محمدي د خپل څو کلن مسلکي ژوند له لاسته راوړنو سره را غونډ کړل، په یوه کوچني لاسي بکس کې ځایېدل. د کابل د سقوط له اعلان وروسته هغې په خپل لاسي بکس کې یوازې د څو جوړه جامو او ځینو توکو د اېښودو وخت درلود.
د بنګلهدېش مشهوره فلمي لوبغاړې او ماډله ردیکا ردي د دغه هېواد په پلازمېنه ډاکه کې په خپل کور کې مړه موندل شوې ده. د بنګلهدیشي رسنیو د راپورونو له مخې، د ردیکا ردي مړی د ډاکې د بشندهرا سیمې په یوه کور کې موندل شوی دی.
د نورستان لپاره د طالبانو د استخباراتو درېیو مسوولینو ۷ ورځې مخکې پر څو نورستاني نجونو د جنسي تیري هڅه کړې وه، خو په هغه وخت کې یې دغه تور رد کړی وو، خو یاد کسان نن یو ځل بیا د ورته هڅې په تړاو د ځايي اوسېدونکو له لوري نیول شوي او دا ځل یې پر خپل جرم اعتراف کړی دی.
د امریکا د مرکزي قوماندانۍ (سېنټکام) قوماندان براډ کوپر وايي، د «ابراهام لنکن» الوتکهوړونکې بېړۍ د ایران پر ضد د څو میاشتو عملیاتو پر مهال د سپاه پاسداران له ۲۰۰ څخه ډېرې بېپیلوټه الوتکې نسکورې کړې دي.
د بښنې نړیوال سازمان د اسیا څانګې ویلي، په افغانستان کې د طالبانو له بیا واکمنېدو پنځه کاله وروسته هم د بشري حقونو سرغړونې په پراخه کچه دوام لري او عاملان یې له حساب ورکولو پرته پاتې دي.
د «عدالتغوښتونکو ښځو شبکې» او یو شمېر نورو افغانانو د یکشنبې په ورځ د سویس په جینوا ښار کې د ملګرو ملتونو د دفتر مخې ته اعتراضي لاریون ترسره کړ. لاریونوالو د افغانانو او په ځانګړي ډول د ښځو او نجونو د وضعیت په اړه د نړیوالې ټولنې د پاملرنې غوښتنه وکړه.
د سعودي عربستان، مصر، اردن، پاکستان، اندونیزیا، ترکیې، قطر او متحده عربي اماراتو د بهرنیو چارو وزیرانو د اسراییل له لوري د غزې جګړې د پای ته رسولو لپاره د امریکا د ولسمشر ډونالډ ټرمپ د «سولې نقشه» د ردولو اقدام غندلی دی.
د اروپايي پارلمان غړې هانا نیومن وايي، اروپا له افغانستان او طالبانو سره د تعامل لپاره روښانه او اغېزمنه تګلاره نه لري. هغې زیاته کړې چې د بشري او پراختیايي مرستو کمول به یوازې او یوازې د افغان ولس وضعیت لاپسې خراب کړي.
د پښتون ژغورنې غورځنګ په امریکا کې د «له امو تر اباسینه: یو ملت، یو هدف» تر سرلیک لاندې په کلوراډو ایالت کې د افغانانو په پراخ ګډون سره یوه غونډه ترسره کړې ده. یادې غونډې ته د پښتون ژغورنې غورځنګ مشر منظور احمد پشتین په خپله وینا کې په ملي یوالي ټینګار کړې دی.
د امریکا ولسمشر ډونالډ ټرمپ د سعودي عربستان، ترکیې او پاکستان ترمنځ د «مکې ګډ دفاعي تړون» له لاسلیک کېدو هرکلی کړی او دا یې د منځني ختیځ د هېوادونو ترمنځ د لا نږدې کېدو نښه بللې ده.