د ملګرو ملتونو د بشري حقونو عالي کمېشنر فولکر ترک وايي، د افغانستان د خلکو وضعیت د خرابېدو په حال کې دی او نړیوالې ټولنې د افغانانو ستونزو ته کافي پاملرنه نه ده کړې؛ په داسې حال کې چې د ښځو پر حقونو محدودیتونه، لوږه او د نړیوالو مرستو کمښت بشري بحران لا پراخوي.
د طالبانو له ویاند ذبیح الله مجاهد وروسته د طالبانو د ریاستالوزرا اقتصادي مرستیال ملا عبدالغني برادر هم ادعا کړې چې د یوناما تحلیلي راپورونو له عیني واقیعتونو لري دي او دغه اداره یې په بې عدالتۍ او د بې طرفۍ په پام کې نه نیولو تورونه کړې.
د پاکستان بلوچستان ایالت د زیارت ولسوالۍ د انزرګۍ دانې په سیمه کې د جمعې په مازدیګر د ډرون برید له امله یو شپون وژل شوی او دوه نور ټپیان شوي دي.
د اسلامي همکاریو سازمان وايي، په افغانستان کې د نجونو او ښځو د زدهکړې او کار د حقونو په اړه له طالبانو سره خبرې روانې دي. د دغه سازمان عمومي منشي هم د افغانستان د خلکو د بشري او اقتصادي اړتیاوو د ملاتړ پر اهمیت ټینګار کړی دی.
د طالبانو کورنیو چارو وزارت وايي، د نشه یي توکو پر وړاندې د مبارزې ځواکونو یې په کابل کې ۱۲ زره او ۴۳۹ نشهیي ګولۍ نیولي دي او همداراز یې په غور کې د نشهیي توکو د تولید دوه کارخونې له منځه وړي چې د دواړو پېښو په تړاو اووه کسان نیول شوي دي.
د امریکا د بهرنیو چارو وزیر مارکو روبیو په خپل ۳۱م بهرني سفر کې له منځنۍ او جنوبي اسیا سره د امریکا د اقتصادي او امنیتي اړیکو د پیاوړتیا په موخه ازبکستان ته روان شوی او ټاکل شوې، چې نوموړی په سمرقند کې د«سی۵+۱» غونډې کې له ګډون وروسته هند ته ولاړ شي.
د روسیې د بهرنیو چارو وزیر ویلي، د افغانستان وضعیت لا هم د سیمې پر امنیت منفي اغېز لرلای شي، په ځانګړي ډول که بهرني لوري ترې د خپلو سیاسي او ستراتیژیکو موخو لپاره استفاده وکړي.
د طالبانو د اوسپنې پټلۍ ادارې وايي، د اقتصادي همکاریو سازمان په څوارلسمه سیمهییزه غونډه کې د افغان ټرانس او بلخ–هرات–کندهار اوسپنې پټلیو پروژو د پلي کېدو، د پانګوالو د راجلبولو او د سیمهییزې سوداګرۍ او ټرانزیټ د پراختیا په اړه خبرې کړې دي.
د طالبانو د عامې روغتیا وزارت خبر ورکړی چې له روسیې څخه راغلي یوه پلاوي د دغې ډلې د عامې روغتیا وزیر نور جلال جلالي سره په لیدنه کې د سرطان او زړه ناروغیو د تشخیص او درملنې په برخو کې د افغان روغتیايي کارکوونکو د مسلکي ظرفیت لوړولو په برخه کې د همکارۍ ډاډ ورکړی دی.
د منیر فاروقي په نامه برېتانوی تبعه چې د طالبانو لپاره د کسانو د جلبوجذب او د افراطي نظریاتو د خپرولو په تور د برېتانیا د محکمو له خوا په بند محکوم شوی و، د بند تېرولو پر مهال په زندان کې مړ شوی دی.
د پاکستان د بلوچستان ایالت د خضدار ولسوالۍ په نال سیمه کې ناپېژاندو وسلهوالو د مرمرو د پروسس پر یوې فابریکې برید کړی او ۱۸ کارګران یې تښتولي دي.
افغانستان د فوټسال د ملتونو جام ۲۰۲۶ سیالیو پایلوبې ته په رسېدو سره د اتلولۍ ګټلو ته یو ګام نږدې شوی او په وروستۍ لوبه کې به له برازیل سره مخ شي. افغان لوبډلې نیمه پایلوبه کې کېپ ورډ ته په ماتې ورکولو پایلوبې ته لاره موندلې ده.
د طالبانو د عامې روغتیا وزارت وایي، د اوړي په موسم کې د انتاني ناروغیو روغتون ته هره ورځ له ۳۰۰ تر ۵۰۰ ناروغان مراجعه کوي، دغه شمېرې د ساري ناروغیو د وضعیت او د روغتیايي خدمتونو د ظرفیت په اړه اندیښنې راپورته کوي.
د سعودي عربستان په سوېل لوېدیځ نجران سیمه کې د دغه هېواد په مشرۍ د یمن په جګړه کې د ښکېل ایتلاف یوه کشفي چورلکه لوېدلې چې دوه کسیزه عمله یې وژل شوې ده.
ترکمنستان وايي د ټاپي ګازو نللیکه کې هغه برخه چې د ترکمنستان له سرحده تر هرات ولایت پورې غځېږي، شاوخوا ۸۰ سلنه بشپړه شوې او ټاکل شوې چې د ۲۰۲۶ کال تر پایه بشپړه شي.
د وینزویلا سرپرستې ولسمشرې ډیلسي روډریګز ویلي، دغه هېواد تمه لري چې د وروستیو لاسلیک شویو هوکړو له مخې به په راتلونکو پنځو کلونو کې د تېلو په برخه کې نږدې ۷۶ میلیارد ډالره پانګونه راجلب کړي؛ په دې کې له امریکا سره د ۲۵۰ برمهکوونکو دستګاوو د فعالیت پلان هم شامل دی.
د امریکا د مرکزي استخباراتو ادارې (سيایاې) پخوانۍ مامورې سارا اډمز ویلي، چې د القاعدې د ۳۷ تر تعقیب لاندې غړو په اړه خپاره شوي لېست کې یو کس چې د دې ډلې د پوځي کمېسیون اوسنی غړی دی په افغانستان کې اوسیږي او سعودي عربستان باید د دغې ډلې د غړو نیولو لپاره انعامونه وټاکي.
د ملګرو ملتونو د چاپېریال پروګرامپه وینا، په نړۍ کې ۲،۲ میلیارد وګړي د څښاک پاکو اوبو ته، ۳،۴ میلیارد د خوندي حفظالصحې خدمتونو ته او ۱،۷ میلیارد نور په خپلو کورونو کې د لومړنیو حفظالصحې اسانتیاوو ته لاسرسی نه لري.
د ملي استقلال جبهې ادعا کړې چې د بادغیس په بالامرغاب ولسوالۍ کې یې د طالبانو د والي ملا محمد اخوند، پر مېلمستون د راکټي برید په پایله کې د هغه دوه ساتونکي وژلي او څلور نور یې ټپیان کړي دي.
د خیبر پښتونخوا د وکیلانو شورا په دغه ایالت کې د والي واکمنۍ او بېړني حالت پر ضد د قانوني اقداماتو اعلان کړی او پرېکړه یې کړې، چې سبا (دوشنبه د تلې ۲۷- د اکتوبر ۱۹مه) به په پښتونخوا ایالت کې وکیلان کار ونهکړي او د محکمو چارې به بایکاټ کړي.
د طالبانو تر ادارې لاندې د المپیک، بدني روزنې او سپورټ ریاست وایي، په کابل کې د بدني روزنې او سپورټ ریاست په ۵۰۰ کسیز تالار کې د کابل د هاکي ټاکنیزې سیالۍ د څلورو ورزشي کلپونو او پنځو ښوونځیو د لوبډلو ترمنځ پیل شوې دي.