د عوامي نشنل ګوند مشر، ایمل ولي خان، ویلي چې هغه د پښتون مېشتو سیمو د ترهګرۍ له «عفریت» څخه د خلاصون لپاره د هر اقدام ملاتړ کوي، خو پوښتنه یې کړې چې ایا د پاکستان د واک خاوندان دا تضمین ورکولای شي چې طالبان به یو ځل بیا «ښه طالبان» ونه بلل شي؟
د جمهوري نظام پر مهال د افغانستان د ولسمشر لومړي مرستیال امرالله صالح ویلي چې د طالبانو په فورمول کې د «ملي وحدت» طرحه نه یوازې عملي کېدونکې نه ده، بلکې د تمسخر وړ هم ده.
يو امريکايي چارواکي تاييد کړې چېپر ايران د امريکا بريدونه روان دي. دغه چارواکي رویترز خبري اژانس ته ويلي چې د امريکا بريدونه پر ايران د هوا او سمندر له لارې ترسره کېږي.
پر ایران د اسراییلو له برید وروسته، په قطر کې د امریکا سفارت خپلو ټولو کارکوونکو او وګړو ته په امن ځای کې د پناه اخيستلو امر کړی دی.
د اسراییل د دفاع وزیر په وینا، اسراییل په ایران توغنديز بریدونه پیل کړي دي. راپورونه وایي چې په تهران کې څو چاودنې شوې او لوګي پورته کېږي.
د ایران پلازمېنې تهران په مرکزي سیمه کې چاودنې رامنځته شوې، او د پېښې ځای څخه لوګي پورته کېږي. رسنیو راپورونه ورکړي چې څو توغندي د تهران د پوهنتون سړک او د جمهوریت سیمې ته نږدې لګېدلي دي.
د امریکا ولسمشر ډونالډ ټرمپ اعلان وکړ، چې په روانو خبرو اترو کې د ایران د حکومت له دریځ څخه خوښ نه دی او ټینګار یې وکړ، چې د یورانیمو د بډایه کولو هېڅ کچه ان که ۲۰ سلنه هم وي، باید د تهران له لوري ترسره نهشي.
د طالبانو او پاکستان ترمنځ د روانې شخړې تر سیوري لاندې، په تېرو دوو ورځو کې د ننګرهار او سپین بولدک له لارې ۳۳۰ افغان کډوالې کورنۍ افغانستان ته راستنې شوې دي.
د امریکا ولسمشر ډونالډ ټرمپ د ایران پروړاندې د امریکا د احتمالي برید له امله د تېلو د بیو د لوړېدو په اړه اندېښنې رد کړې او ټینګار یې وکړ، چې د خلکو ژوند او د هېواد اوږدمهاله امنیت ورته تر هر څه مهم دي.
د افغانستان لپاره د برېتانیا ځانګړي استازي ریچارډ لېنډسي ویلي، چې د افغانستان د بشري ناورین په اړه یې له نړۍوالو خیریه بنسټونو سره په ناسته کې دغه هېواد ته د مرستو رسولو پر لارو چارو خبرې کړې دي.
پاکستاني رسنیو د سیمهییزو پولیسو له قوله راپور ورکړی، چې د شمالي وزیرستان په میرعلي کې پر یوه پوځي مرکز ۲۰۰ کیلوګرامه وزن لرونکی توغندی توغول شوی دی.
د پاکستان د وروستیو بریدونو په غبرګون کې د تحریک طالبان پاکستان مشر خپلو قومندانانو او جنګیالیو ته په یوه خپاره شوي لیک کې امر کړی چې په پاکستان کې دې داسې بریدونه ترسره کړي چې د دوی په وینا «د دښمن ملا ماته شي». هغه ویلي له افغانستان سره د همدردۍ په موخه دا امر کوي.
ځایي پاکستاني چارواکو ویلي، چې د خیبر پښتونخوا د بنو ولسوالۍ په یوه جومات کې پنځه کسان هغه مهال ټپیان شول، کله چې یوې ډرون څرخکې پر جومات د هاوان مرمۍ وغورځوله.
د طالبانو دفاع وزارت وایي، چې نن غرمه شاوخوا یولس بجې یې «د اسلاماباد فیض اباد ښار ته نږدې پر پوځي کمپ، نوښار کې د پوځ کېنټ، جمرود پوځي کالونۍ او اېبټاباد کې» هوایي بریدونه کړي. طالبانو ویلي، چې دغه عملیات یې د کابل، کندهار او پکتیا د بریدونو په غبرګون کې کړي.
د پکتیا ولایت د ګردېز ښار ځایي اوسېدونکو افغانستان انټرنشنل پښتو ته ویلي، چې په دغه ولایت کې د طالبانو سرحدي لوا قوماندانۍ ته څېرمه زوروره چاودنه شوې ده. ځایي اوسېدونکو ویلي، چاودنه دومره زوروره وه چې د ګڼو کورونو ښیښې یې ماتې کړې او خلک یې د خپلو کورونو پرېښودلو ته اړ اېستي دي.
د افغانستان په چارو کې د روسیې د ولسمشر ځانګړي استازي ضمیر کابلوف ویلي، روسیه چمتو ده چې د پاکستان او طالبانو ترمنځ منځګړیتوب وکړي. هغه څرګنده کړې، که دواړه لوري رسمي غوښتنه وکړي؛ نو روسیه به اقدام وکړي څو د شخړو د حل لپاره د خبرو اترو زمینه برابره او کړکېچ له سیاسي لارې حل شي.
په بادغیس کې د طالبانو د امنیې قوماندانۍ ویاند صدیق الله صدیقي ویلي، چې په دغه ولایت کې یې د «شنې قطعې» ځواکونو د یو لړ عملیاتو پرمهال د غورماچ ولسوالۍ اړوند پنځه کسان د ځنګلي ونو د پرې کولو په تور نیولي دي.
له تورخم نه د افغانستان انټرنشنل خبریال جواد شینواري وایي، د پاکستان او طالبانو ترمنځ تر نښتو وروسته له پاکستان نه د افغان کډوالو د ستنېدو لړۍ درېدلې ده. د هغه په وینا؛ پاکستاني لوري د تورخم لاره د افغان کډوالو پر مخ تړلې او د کډوالو لسګونه موټرونه بېرته لنډي کوتل ته لېږدول شوي.
د ایران د رېل پټلۍ ادارې چارواکي شهریار نقيزاده ویلي، چې د دغه هېواد د شمتیغ د نوې جوړې شوې رېل پټلۍ له لارې د ایران او افغانستان ترمنځ روان کال سوداګریزه راکړه ورکړه د تېرکال پرتله ۱۷ برابره زیاته شوې ده.
په جېنوا کې د ملګرو ملتونو د بشري حقونو شورا په عمومي غونډه کې د افغانستان رسنیو ملاتړ سازمان (AMSO) د ښځو کمېټې اجراییوي مسوولې شګوفه دانش په افغانستان کې د ښځو او رسنیو د وضعیت په اړه ژوره اندېښنه څرګنده کړې او په دې برخه کې یې د نړۍوالې ټولنې د جدي اقدام غوښتنه وکړه.
بېګاه شپه د ډیورنډ کرښې په اوږدو کې د طالبانو او پاکستاني ځواکونو ترمنځ له نښتو سره هممهاله پاکستاني پولیسو د دغه هېواد په ګڼو ښارونو کې د افغان کډوالو پرضد عملیات پیل کړل. دغه وضعیت په پاکستان کې د مېشتو افغان کډوالو پراخې اندېښنې راپارولې دي.