آرشیف

د طالبانو ویاند ذبیح الله مجاهد تایید کړه، چې د پاکستان پوځ بېګاه شپه ناوخته د افغانستان په ختیځو او سوېل ختیځو ولایتونو (کنړ، خوست او پکتیا) کې هوايي بریدونه ترسره کړي دي.

د بلخ ولایت د طالبانو د والي ویاند، عطاالله زید، د ښځو د حجاب په اړه د روانو بحثونو او اعتراضونو په غبرګون کې ویلي چې د افغان ښځو د «بې‌حجابه کولو» او د ډیموکراسۍ پر لور د سوق کولو هڅې ناکامې شوې دي.

په هرات کې ځايي سرچینو افغانستان انټرنشنل ته ویلي، چې د طالبانو د امر بالمعروف مامورین د سې‌شنبې په ورځ د نجونو یو شمېر ښوونځیو ته ورغلي او د زده‌کوونکو د پوښاک په اړه یې نوې سپارښتنې کړې دي.

د طالبانو یو قوماندان حاجي نجیب الله چې د امریکايي خبریال ډېوېډ روهډ او د هغه د دوو ملګرو په تښتونه کې یې لاس درلود، د سې شنبې په ورځ د امریکا د نیویارک یوې محکمې په ۴۲ کاله بند محکوم کړ.

د افغانستان د ملي امنیت شورا پخواني سلاکار رنګین دادفر سپنتا ویلي، چې د هرات له ښځو او نارینه‌وو سره همغږي او د روانو پېښو پر وړاندې چوپ نه پاتې کېدل یوه ملي او وطنپاله دنده ده.

د افغانستان د کانونو او پټرولیم پخوانۍ وزیرې نرګس نهان په هرات کې د ښځو او نارینه وو د وروستیو اعتراضونو ملاتړ کړی او د هغوی زړورتیا یې ستایلې ده. مېرمن نهان ویلي چې افغان ښځې به د خپلو بشري حقونو د دفاع لپاره له مبارزې او ودرېدلو څخه لاس وانخلي.

د ښځو د حقونو لومړیتوب سازمان (ډبلیو ار ایف) په افغانستان کې د ښځو او نجونو پر وړاندې د طالبانو وروستي اقدامات، په ځانګړې توګه په هرات کې د ښځو نیول او په کندهار کې تفریحي ځایونو ته د هغوی پر ورتګ نوي بندیزونه په کلکه غندلي دي.

د امریکا ولسمشر ډونالډ ټرمپ ویلي، چې د تهران حکومت ته د امریکا ځواب باید «قوي او پیاوړی» وي.

د ملګرو ملتونو د ښځو پر وړاندې د تاوتریخوالي په برخه کې ځانګړې راپور ورکوونکې ریم السالم د هرات په ولایت کې د طالبانو له لوري د ښځو د نیولو او د لاریونوالو د ځپلو په اړه اندېښنه څرګنده کړې ده.

د افغانستان د تېر جمهوري نظام پر مهال د مشرانو جرګې پخوانۍ غړې راحله دوستم په هرات ولایت کې د طالبانو پر وړاندې د ښځو او نجونو د وروستیو اعتراضونو ملاتړ وکړ. هغې د طالبانو له لوري د معترضو ښځو ځپل او پر هغوی ډزې کول په کلکه وغندل.

د افغانستان د ډیپلوماتیکو او قونسلي ماموریتونو د همغږۍ شورا د ۱۴۰۵ کال د غبرګولي په ۱۹مه په هرات کې د طالبانو له خوا د ښځو او نجونو نیول او د سوله ییزو لاریونوالو سخت ځپل په کلکه وغندل.

د هرات ولایت پخواني جهادي قوماندان محمد اسماعیل خان په هرات کې د ښځو د نیولو او د هغوی د ځورولو د راپورونو په اړه توند غبرګون ښودلی او ویلي یې دي چې هېڅ حکومت د زور، ځپنې او د خلکو د سپکاوي له لارې دوام نه شي کولی.

د افغانستان د جمهوري نظام پر مهال د عامې روغتیا پخوانۍ وزیرې ثریا دلیل په هرات کې د طالبانو له خوا د ښځو پر وړاندې وروستي اقدامات سپکاوی بللی او ویلي یې دي چې په هرات کې اوس ښځې د خپلو جامو اغوستلو او حجاب له امله د ځپلو سره مخ دي.

د پاکستان د فدرالي تحقیقاتو د ادارې چارواکو ویلي، چې برېتانيا ته د زده‌کړو لپاره تللو ۱۰ زره پاکستاني وګړو هلته پناه غوښتې ده. دا څرګندونې د دغه هېواد د ملي اسمبلۍ د کورني امنیت کمېټې د مشر راجا خُرم نواز په مشرۍ جوړه شوې ناسته کې شوې دي.

د افغانستان د تېر جمهوري نظام یو لوړپوړي پوځي جنرال سمېع سادات د طالبانو د ظلمونو پر وړاندې د ولسي پاڅون غوښتنه کړې او ویلي یې دي چې له بدخشان څخه تر هرات پورې خلک د دغه ډلې د استبداد پر وړاندې راپورته کېدونکي دي.

په ملګرو ملتونو کې د افغانستان دایمي استازي نصیر احمد فایق په هرات کې د طالبانو پر وروستیو کړنو سخته نیوکه کړې. هغه وایي، چې د ښځو نیول، پر لاریونوالو ډزې او د بې‌ګناه خلکو وژل د هغوی د ځواکمنۍ نښه نه، بلکې د وېرې، بې‌وسۍ او د خلکو له بیدارۍ څخه د ډار څرګندونه کوي.

د طالبانو مخالفې ډلې «مقاومت جبهې» په هرات ولایت کې د طالبانو له لوري د خلکو، په ځانګړې توګه د ښځو سیستماتیک ځپل په کلکه غندلي دي. دغه ډلې د غبرګولي ۱۹مه په یوې خبرپاڼه کې ویلي، چې د هرات د ټولنې پر وړاندې د طالبانو دا ډول بریدونه او تاوتریخوالی به بې ځوابه پاتې نه شي.

د بښنې نړیوال سازمان وایي، په ازاد کشمیر کې د چارواکو لخوا د اعتراضي لاریون پراخ ځپل، د انټرنېټ بندول، ډله‌ییز خپلسري نیول او د وژونکي ځواک کارول په سیمه کې د بشري حقونو د اندېښمنونکي خرابوالي دوام دی.

د بشري حقونو د مدافعانو پلس ټولنې (ایچ ار ډي +) د هرات په جبرئیل سیمه کې د طالبانو د ځواکونو له لوري د معترضو ښځو او د دغه ولایت د اوسېدونکو غیرقانوني او تاوتریخجن ځپل غندلي او دغه چلند یې د بیان ازادۍ، سوله ییزو غونډو او د افغانانو د انساني کرامت د حقونو ښکاره سرغړونه بللې ده.

د اروپايي پارلمان غړې هانا نیومن په هرات کې د طالبانو له خوا د جامو د طرز یا حجاب په پلمه د ښځو پر نیول کېدو او د هغوی د خوشې کېدو لپاره د لاریونوالو پر ځپلو سخت غبرګون ښودلی او پر اروپایي هېوادونو یې غږ کړی چې د ښځو حقونو د تضمین پرته طالبانو ته مشروعیت مه ورکوئ.

باخبره سرچینو افغانستان انټرنشنل ته د سې‌شنبې په ورځ ویلي، چې طالبانو او پاکستان ته نږدې استازو ترمنځ د ترکیې په استانبول ښار کې غونډه پیل شوې ده.