د طالبانو تر ادارې لاندې د المپیک، بدني روزنې او سپورټ ریاست وایي، په کابل کې د بدني روزنې او سپورټ ریاست په ۵۰۰ کسیز تالار کې د کابل د هاکي ټاکنیزې سیالۍ د څلورو ورزشي کلپونو او پنځو ښوونځیو د لوبډلو ترمنځ پیل شوې دي.
د ګارډين د راپور له مخې، سعودي او امارات په يمن کې د ايران له ملاتړه د برخمنو حوثيانو پر ضد د پوځي همکاریو پر بيا پيل هوکړه کړې ده. د دې هوکړې پر بنسټ، امارات به په سویل کې د عمالقه ځواکونو مالي لګښتونه پر غاړه واخلي او رياض به د هغوی لپاره هوايي ملاتړ چمتو کړي.
د امریکا د جګړې وزیر پیټ هېګسېت وايي، که څه هم په کابل کې د ناټو په مرکزي دفتر کې د ۵۰ هېوادونو بیرغونه رپېدل، خو په عمل کې یوازې د څو محدودو هېوادونو ځواکونو په افغانستان کې د نړیوالو ځواکونو د حضور تر پای پورې په جګړهییزو عملیاتو کې برخه اخیسته.
له سپوږمکۍ څخه د واخان اخیستل شوي تصویرونه ښيي، چې د دغه سړک د جوړېدو چارې له طالب واکمنۍ مخکې پيل شوې وې. د شنونکو په باور، چین د طالبانو د ادعا برعکس، دغه سړک ته خوښ نه دی، بلکې د یوه «ترهګریز ګواښ» په سترګه ورته ګوري او ورته څېرمه یې کلکې امنیتي تابیاوې نیولي دي.
د پاکستان د هوايي ډګرونو ادارې د هندي ملکي او پوځي الوتکو پر مخ د پاکستان د هوايي حریم د کارولو بندیز د روان کال د نومبر تر ۲۴مې نېټې پورې وغځاوه.
رویټرز خبري اژانس راپور ورکړی، چې د هند په ختیځ ښار کلکته کې د مذهبي مراسمو پر مهال د ګڼې ګوڼې او د خلکو تر پښو لاندې کېدو له امله لږ تر لږه ۱۷ کسان مړه او لسګونه نور ټپیان شوي دي. دغه پېښه د سخت باران پر مهال، هغه وخت رامنځته شوه چې ګډونوالو هڅه کوله د مراسمو له ځایه ووځي.
د اوکراین ولسمشر ولادیمیر زیلېنسکي د امریکا د ولسمشر ډونالډ ټرمپ پر هغې پرېکړې سختې نیوکې کړي، چې لهمخې یې پر روسیې د نویو اقتصادي بندیزونو او تعرفو لګول وځنډول شول. ټرمپ بیا ویلي، چې د بندیزونو دا معافیت د امریکا د متحده ایالاتو ملي ګټې رانغاړي.
په خیبرپښتونخوا کې د والي واکمنۍ له اعمال او په دې اړه له اعتراضونو وروسته، د دغه ایالت والي فیصل کریم کنډي د پښتونخوا له یو شمېر سیاستوالو سره د لیدنو لړۍ پيل کړې او په دې لړ کې له افتاب احمد خان شېرپاو او ایمل ولي خان سره لیدلي دي.
د سعودي عربستان کورنیو چارو وزارت ویلي، چې د شنبې په ورځ د دغه هېواد په الشرقیه سیمه کې د ترهګرۍ په جرم پر پنځو سعودي وګړو د اعدام حکم عملي شوی دی.
متحدې جبهې د شنبې په ورځ ادعا کړې، چې د هلمند په مرکز لښکرګاه ښار کې یې د طالبانو پر یوې ګمرکي پوستې برید کړی دی. د دغې جبهې د څرګندونو له مخې، په دغه وسلهوال برید کې لږ تر لږه دوه طالبان ټپیان شوي دي.
نظامالدین قیصاري چې ځان د جنبش ګوند مشر بولي، په ایران کې د خپلو لسګونه پلویانو په ګډون یوه غونډه کې یوه ایراني مقام ته خطاب کې ویلي، په دغه هېواد کې مېشت ټول پلویان یې د ایران لپاره ځانونه قربانوي. ایران لهپخوا راهیسې د خپلو نیابتي موخو لپاره د افغانانو په کارولو تورن دی.
د افغانستان د څېړونکو شبکې په یوه نوي څېړنیز راپور کې څرګنده کړې، چې ایټالیا په تېرو دوو لسیزو کې اروپا ته د افغان کډوالو د تګ راتګ او تېرېدو یو له مهمو لارو پاتې شوې ده. دغه بنسټ زیاتوي، چې لا هم افغان پناهغوښتونکي د ایټالیا له لارې اروپايي هېوادونو ته ننوځي.
نظامالدین قیصاري چې د جنبش ګوند د مشرۍ ادعا لري، د طالبانو د لوړو زده کړو وزیر ندا محمد ندیم ته خبرداری ورکړی، چې د ازبکۍ خولۍ د په سرولو له امله د یوه محصل د وهلو غچ به ورڅخه واخلي. د دغه خبرداري پر مهال، له قیصاري سره د ندیم له لوري د ۷ میاشتې مخکې وهل شوی محصل هم ولاړ وو.
د ترکیې پولیسو په ادرنه او قیصریه ښارونو کې په جلا جلا عملیاتو کې ۵۸ افغان او پاکستاني پناه غوښتونکي دې هېواد ته د «غیرقانوني» ننوتلو له امله نیولي دي. په قیصریه ښار کې د پولیسو په عملیاتو کې څلور کسان یادو پناهغوښتونکو ته د «جعلي اسنادو» د جوړولو په تور هم نیول شوي دي.
د فرانسې ولسمشر امانوېل مکرون د نننیو تاوتریجنو اعتراضونو په غبرګون کې ویلي، چې په جمهوریت کې د تاوتریخوالي ځای نهشته. هغه ټینګار وکړ، چې پر دولتي ادارو او هټیو بریدګر او لوټماران به مجازات شي.
د خیبرپښتونخوا د کوز سویلي وزیرستان ولسوالۍ په انګور اډه کې د بیړني حالت یا والي واکمنۍ له لګېدو وروسته لومړۍ سیمهییزه جرګه کې د پاکستان او افغانستان تر منځ له جګړې سره مخالفت شوی او ګډونوالو یې په سیمه کې د سولې او ثبات غوښتنه وکړه.
د ازبکستان د روغتیا وزارت چارواکو افغانستان کې د یونیسف له استازي سره په یوې ګډې غونډه کې افغانستان ته د درملو د رسولو پر اسانتیا ټینګار وکړ. هممهاله په افغانستان کې د درملو د بیو بېسارې لوړېدو او په بازارونو کې د درملو کمښت روغتیايي خدمتونو ته د ناروغانو لاسرسی ستونزمن کړی دی.
طالبانو په لوګر کې د انسان تښتونې په تور د ۳ کسانو له نیولو خبر ورکړی دی. د دوی په وینا، د دغو عملیاتو پر مهال ۲ تښتوونکي ټپیان شوي او له منګلو یې یو ماشوم هم ژغورل شوی دی. دوی په کندوز کې د قمار په تړاو د ۸ کسانو له نیولو هم خبر ورکړی دی.
ډیپلوماټ مجلې په یوه تازه تحلیلي راپور کې ویلي، طالبانو که څه هم له ایډیالوژیک پلوه بدلون نهدی کړی، خو واک ته له بیا رسېدو پنځه کاله وروسته یې د خپلې «لومړۍ دورې» له تېروتنو درس اخیستی او د ټولنې د کنټرول او مدیریت چارې یې لا پیاوړې کړې دي.
د اتریش او ډنمارک د سره صلیب ادارو استازو په کابل کې د افغاني سرې میاشتې له طالب مشر سره لیدنه کې ویلي، چې ډېر ژر به د راستنېدونکو افغان کډوالو د ځانبسیاینې په موخه یو نوی ګډ پروګرام پیل کړي. دوی له افغاني سرې میاشتې ټولنې سره له نورو همکاریو خبر هم ورکړی دی.
د بنګله دېش د نولس کلنو کرېکټ لوبډلې افغان لوبډلې ته په لومړۍ لوبه کې د ۳۳ منډو په توپیر ماتې ورکړه. د افغانستان او بګله دېش د نولس کلنو لوبډلو ترمنځ د څلورو یو ورځینو سیالیو لوبلړۍ په عمان کې د افغانستان په کوربه توب ترسره کېږي.