له کاپیسا نه یو درمل پلورونکي افغانستان انټرنشنل ته په رالېږلي پیغام کې ویلي، چې طالبانو د درملو شرکت د فعالیت جواز لپاره ترې پیسې او درمل د بډې په توګه اخیستې دي؛ خو د هغه سربېره یې هم ورته د درملو شرکت تړلی دی.
د پاکستان د بشري حقونو کمېسیون (اېچ ار سي پي) د مذهبي ازادۍ په اړه په خپل اووم راپور کې ویلي، چې په دغه هېواد کې مذهبي لږکۍ له سخت تبعیض، جبري ودونو، سپکاوي او ناوړه ګټې اخیستنې سره مخ دي.
د جوزجان ولایت د خماب ولسوالۍ اوسېدونکي وايي، له پاخه سړکونو او برېښنا بېبرخې دي او د بنسټیزو اسانتیاوو له کمښت سره مخ دي. دغه اوسېدونکي زیاتوي، د خلکو یوه جدي ستونزه د سړکونو خرابوالی دی چې د دوی ورځنی ژوند یې له ګڼو ستونزو سره مخ کړی دی.
د افغانستان د فوټسال ملي لوبډلې د برازیل د شپږ اړخیزو سیالیو په لومړۍ لوبه کې له جاپان سره لوبه مساوي پای ته ورسوله او په دې توګه د یوه امتیاز په ترلاسه کولو سره نیمهپایلوبې ته له لار موندنې یوازې څو ګامه لرې ده.
په خیبر پښتونخوا کې پر افغان ډاکټرانو او محصلانو نوي بندیزونه لګول شوي دي. د خیبرپښتونخوا په بنو طبي انسټیټیوټ کې ټول افغان ډاکټران له عملي طبي دورې منع شوي او په نوښار کې هم درېیو افغان ډاکټرانو ته افغانستان ته د بېرته ستنېدو امر شوی دی.
د امریکا ولسمشر ډونالډ ټرمپ وایي، ایران ته د امریکايي ځواکونو د لېږد په اړه فکر نهکوي او د دغه هېواد پر وړاندې به اټومي وسلې ونه کاروي. دغه څرګندونې داسې مهال کېږي، چې د امریکا او ایران ترمنځ د جګړې د پراخېدو احتمال او پر تهران د فشار لپاره د واشنګټن هڅې د سیمې مهم بحثونه دي.
د بشري حقونو فعالانو له طالبانو سره د فرانسې د اړیکو پراختیا په اعتراض کې د یوې راټولېدنې پرمهال د دغه هېواد د بهرنیو چارو له وزیر څخه په یوه پرانیستي لیک کې غوښتي، چې په پاریس کې دې د افغانستان ډیپلوماتیکه استازولي د طالبانو استازو ته نه سپاري.
د طالبانو د کار او ټولنیزو چارو وزارت ویلي، په ۱۴۰۴کال کې په کابل کې ۱۲۰ ماشومان او تنکي ځوانان ورک شوي چې ۸۵ یې نجونې دي. د طالبانو د یاد وزارت ویاند صدیق توحیدي بيبيسي ته ویلي، تېرکال ۵۰۵ ماشومان افغانستان ته ستانه شوي او ۸۵ نور د وزارت د ملاتړ په یوه مرکز کې ساتل کېږي.
د کابل په ارزانقیمت کې یوه کونډه مور د ورځې په ۱۵۰ افغانیو د خپلو درېیو ماشومانو د مړولو هڅه کوي.
د امریکا سپینې ماڼۍ او پنټاګون د ولسمشر ډونالډ ټرمپ په امر د ایران پر پوځي اهدافو د برید لپاره د ټولو بمونو مور په نوم د دروند هوايي بم د کارولو پلانونه چمتو کړي دي. سيبياېس نیوز د موضوع له جزییاتو د باخبره سرچینو په حواله دا خبر ورکړی دی.
د طالبانو له پېښو سره د مبارزې ادارې د پنجشنبې په ورځ بامیان ولایت په بشپړ ډول له ماینونو او ناچاوده توکو څخه پاک اعلان کړ. د دغې ادارې د ویاند په وینا، په دغه ولایت کې په تېرو څه باندې ۳۰ کلونو کې د ماینونو او ناچاودو توکو د چاودونو له امله ۳۳۰ کسانو ته مرګژوبله اوښتې ده.
د منځني ختیځ د سولې بهیر لپاره د ملګرو ملتونو سرپرست ځانګړي همغږيکوونکي رامیض الاکبروف وايي، په غزه کې د اوربند له اعلان راهیسې شاوخوا ۱۵۰۰ فلسطینیان وژل شوي او د ژمي په رانږدې کېدو سره سلګونه زره کسان د سېلابونو او د سرپناه د نړېدو له ګواښ سره مخ دي.
په پاکستان کې د طالبانو سفیر سردار احمد شکېب د خیبرپښتونخوا په پېښور ښار کې د یوه ښوونځي د چت لوېدو له امله د یو شمېر زدهکوونکو ماشومانو او نورو کسانو پر مړینې ژوره خواشیني څرګنده کړې ده. په یاده پېښه کې څه باندې ۳۰ زدهکوونکي مړه شوي دي.
د افغانستان د کانونو او پټرولیم پخوانۍ وزیرې نرګس نهان له اروپايي ټولنې غوښتي چې له طالبانو سره خپل تعامل د بشري حقونو په برخه کې د څرګند او عملي پرمختګ پورې مشروط کړي او د ښځو د حقونو سرغړونې د دې تعامل په څنډه کې نه پرېږدي.
د امریکا ولسمشر ډونالډ ټرمپ د پنټاګون هغه طرحه لغوه کړې، چې له مخې یې د امریکا د پوځ د پخواني رواني ډاکټر نضال حسن د اعدام مراسم باید په ژوندۍ بڼه خپاره شوي وای.
د طلبانو تر چتر لاندې د افغانستان د سوداګرۍ او پانګونې خونې مرستیال حبیبالله عمر د یو سوداګریز پلاوي په مشرۍ د اندونېزیا په یو څلوېښتم نړیوال نندارتون کې ګډون کړی. دغه طالب پلاوي له اندونیزیايي سوداګرو غوښتي چې په افغانستان کې پانګونې وکړي.
د ماشومانو د ساتنې نړیوال بنسټ وايي، افغانستان کې به په ۲۰۲۷ کال کې تر پنځو کلونو کم عمر لرونکي شاوخوا ۴،۰۴ میلیونه ماشومان د خوارځواکۍ درملنې ته اړتیا ولري. دا شمېر د ۲۰۲۶ کال په پرتله ۹ سلنه زیاتوالی ښيي. همداراز د مرستو کمښت د روغتیا او تغذیې خدمتونه له جدي فشار سره مخ کړي دي.
د روسیې د جودو فدراسیون استازو د طالبانو د سپورټ ادارې له مسوولینو سره په کتنه کې د دواړو هېوادونو تر منځ د جودو د ګډو لیګونو د جوړولو وړاندیز کړی. دغو استازو همداراز په روسیې کې د افغان جودوکارانو لپاره د تمریناتو په موخه د فرصتونو د برابرولو ټټر وهلی.
د یمن حکومت وايي، یاغیانو د عدن ښار پر جمهوري ماڼۍ د توغندیو برید کړی، چې له امله یې پنځه کسان وژل شوي او ۱۶ نور ټپیان شوي دي.
د افغان ایواک مشر شان وانډيور وايي، د امریکا د پنسلوانیا ایالت په یوه توقیف ځای کې شاوخوا ۳۰ افغانانو ته ویل شوي چې لویزیانا ایالت ته لېږدول کېږي او د نومبر په پیل کې به له امریکا وشړل شي. نوموړی وايي، له هغې وروسته یې له شپږو ایالتونو څخه ورته راپورونه ترلاسه کړي دي.
د پښتون ژغورنې غورځنګ مشر منظور پشتین د هاګ عدالت ډیالوګ کې ویلي، پاکستان پوځ او استخباراتي ادارې په پښتونخوا کې وسلهوالې ډلې جوړوي، تمویلوي، روزي او بیا د ترهګرۍ ضد عملیاتو په نامه خلک جبري بېځایه کوي. د پشتین د خبرو پرمهال د اعتراض په توګه د پاکستان استازي له غونډې ووتل.