د امریکا د بهرنیو چارو وزارت ویاند ټامي پیکوټ د اسراییل او لبنان د سیاسي او امنیتي پلاوي ترمنځ د مستقیمو خبرو اترو څلورم پړاو ته په اشارې وویل، چې خبرې اترې د پرمختګ او پراخ تړون لپاره روانې دي. د نوموړي په خبره؛ د دغه خبرو اترو بل پړاو به د چهارشنبې په ورځ ترسره شي.
د افغان کډوالو پر وړاندې د فشارونو پر دوام، د بلوچستان ایالت د سیفالله کلا ولسوالۍ ځایي ادارې په خبرپاڼه کې راغلي، هغه کسان دې (د غبرګولي ۱۳مه) د مرستیال کمېشنر دفتر کې ځانګړې غونډه کې ګډون وکړي چې د پاکستاني پېژندپاڼو معلومات یې د افغان کډوالو له ثبت شویو معلوماتو سره ورته دي.
په یوه پرانیستي لیک کې ۸۳ افغان او نړۍوالو بشري حقونو سازمانونو له اروپايي ټولنې غوښتي، چې د طالبانو له استازو سره له هر ډول ډیپلوماټیکو اړیکو ډډه وکړي. دغه بنسټونو خبرداری ورکړی، چې دغه ډول تعاملات کولای شي د طالبانو د عادي کېدو او مشروعیت لامل شي.
د امریکا مرکزي قومندانۍ (سينټکام) ويلي، امریکایي ځواکونو د جون پر دويمه په منځني ختیځ کې د ايران د بریدونو په غبرګون کې، څو بالستیک توغندي او ډرون الوتکې په بریالیتوب سره له منځه وړي او د قشم په ټاپو کې یې د ځان په دفاع کې بریدونه ترسره کړي.
د روغتیا نړیوال سازمان د سېشنبې په ورځ اعلان وکړ چې د کانګو ډیموکراتیک جمهوریت کې د ایبولا ناروغۍ د خپرېدو له پیل راهیسې د دې ناروغۍ ۳۲۱ تایید شوې او ۱۱۶ شکمنې پېښې ثبت شوې دي. د دې سازمان د شمېرو له مخې، تر اوسه ۴۸ کسان له دې وبا څخه مړه شوي دي.
د ملګرو ملتونو د ښځو څانګې ویلي، چې د طالبانو او پاکستان ترمنځ د نښتو او د تاوتریخوالي د زیاتېدو له امله د افغانستان په ختیځو سیمو کې څه باندې ۱۰۰ زره کسان بېځایه شوي دي.
په روسیه کې د معاصر ایران د مطالعاتو د مرکز مشر رجب صفروف افغانستان انټرنشنل ته ویلي، چې د روسیې او طالبانو ترمنځ پوځي ـ تخنیکي هوکړهلیک د اوکراین له ملاتړ او له امریکا سره د پاکستان د پټو همکاریو په غبرګون کې لاسلیک شوی دی.
د احسان الله کاریاب په نوم د خواله رسنیو یو فعال وایي چې د کونړ په څوکۍ ولسوالۍ کې د سهشنبې په ماښام د یو طالب وسلهوال له لوري پرته له کوم دلیله ډبول شوی دی. هغه وایي، دی په سوکانو او لغتو وهل شوی او همدا راز یې موټر هم زیانمن کړی شوی دی.
د افغانستان د ښځو د «روښانه راتلونکي خوځښت» غړو د طالبانو له لوري د «زوجینو د تفریق اصولنامې» د توشیح په اړه سخت غبرګون ښودلی او ویلي یې دي چې دغه اقدام د کم عمره ماشومانو ودونو ته لاره هواروي او د بشري حقونو ښکاره نقض دی.
د بشري حقونو ۸۳ افغان او نړیوالو بنسټونو په یوه پرانیستي لیک کې له اروپايي ټولنې غوښتي چې د طالبانو له استازو سره له هر ډول ډیپلوماټیک تعامل څخه ډډه وکړي. دغو بنسټونو خبرداری ورکړی چې دا ډول اړیکې او تعاملات ښايي د طالبانو د عادي کېدو او مشروعیت ورکولو لامل شي.
د خېبر پښتونخوا اعلی وزیر سهیل اپریدي ویلي، په افغانستان کې د طالبانو واک ته رسېدو پر مهال په پاکستان کې خوشحالۍ وې او حتی خواږه پرې وېشل کېدل، خو اوس له هغوی سره هم اړیکې خرابې کړل شوې دي.
د طالبانو تر ادارې لاندې د المپیک، بدني روزنې او سپورټ ریاست اعلان کړی، چې د پکتیکا په کوربهتوب د څلورو ولایتونو د اتو لوبډلو ترمنځ د فوټبال سیالۍ پیل شوې دي. د دغه ریاست په وینا، دا لوبې د ځوانانو ترمنځ د یووالي او همغږۍ د رامنځته کولو په موخه تنظیم شوې دي.
د طالبانو د ترانسپورټ او هوايي چلند وزارت د هوا پوهنې ادارې خبر ورکړی، چې د چهارشنبې په ورځ به د هېواد په ۱۸ ولایتونو کې د بارانونو، تالندې او برېښنا ترڅنګ د سېلابونو د راوتلو احتمال موجود وي.
په هرات کې د طالبانو د والي رسنیز دفتر اعلان کړی، چې په دغه ولایت کې د روغتیايي چارو د څارنې او ارزونې په لړ کې شپږ درملتونونه تړل شوي او مهر لاک شوي دي. د چارواکو په وینا، دغه اقدام په یادو درملتونونو کې د تاریخ تېرو او بېکیفیته درملو د پلورلو او وېشلو له امله شوی دی.
د سکای نیوز عربي څانګې د راپور له مخې، لبناني سرچینو ویلي چې د لبنان او اسراییل استازي تر اوسه نه دي توانېدلي چې د اوربند د ټینګښت په اړه مهمو او پرېکړهکوونکو ټکو ته ورسېږي.
په جنوبي ايټالیا کې د څلورو پاکستاني کارګرانو مړي د يو سوځېدلي موټر څخه ترلاسه شوي دي، د دغو کسانو د وژلو په تور دوه نور پاکستاني وګړي نيول شوي، خو د پاکستان د بهرنيو چارو وزارت ويلي، د وژل شویو کسانو «دقیق هویت» لا نه دی تایید شوی.
د امریکا د بهرنیو چارو وزیر مارکو روبیو د سېشنبې په ورځ وویل، چې په اوسنیو شرایطو کې هېڅ افغان کډوال ته امریکا ته د ننوتلو اجازه نه ورکول کېږي.
د اټومي انرژۍ نړیوالې ادارې مشر رافایل ګروسي، په ابوظبۍ کې اعلان وکړ چې د ایران ډېری هغه اټومي فعالیتونه چې له دې وړاندې روان وو، اوس درېدلي دي.
یو شمېر افغان ورزشکارانو په مسکو کې د طالبانو له سفیر ګل حسن حسن سره کتلي دي. دغه ورزشکاران د روسیې فدراسیون په کوربتوب د المپیکي مډال ګټونکو ځوانانو د تشویق په اتم نړیوال فورم کې د ګډون لپاره روسیې ته تللي.
د خيبرپښتونخوا په مرکزي ښار پېښور کې د توپاني بادونو او دوړو له امله رامنځته شوو پېښو کې لږ تر لږه ۱۵ کسان ټپيان شوي دي.
ځوانان او پېغلې د هرې ټولنې تر ټولو ارزښتناکه بشري پانګه او د راتلونکي اصلي استازي ګڼل کېږي. د هغوی انرژي، خلاقیت او نوښتګر فکر نه یوازې د ټولنیز بدلون او پرمختګ لپاره لاره هواروي، بلکې د ستونزو پر وړاندې د مقاومت او نوو فرصتونو د رامنځته کولو مهم ځواک هم بلل کېږي.