د مقاومت جبهې د سیاسي دفتر مشر عبدالله خنجاني ویلي، د ښځو پر وړاندې د طالبانو جنایتونه باید په هېواد کې فرعي مسله ونه ګڼل شي. هغه ټینګار کړی، چې په افغانستان کې د جنایت د مفهوم تاریخي بیا تعریف روان دی او طالبان باید د ښځو پر وړاندې د خپلو کړنو حساب ورکړي.
د افغانستان د پخوانۍ ولسي جرګې غړې فوزیه کوفي د پوښتنې په ډول ویلي، چې نړۍ ولې په افغانستان کې د ښځو او نجونو پر وړاندې له پرلهپسې ګواښونو، ځورونو، نیونو او له ټولنې د هغوی د اېستلو سره عادي شوې ده.
د طالبانو له واک ته رسېدو پنځه کاله وروسته، وسلهواله مخالفه مبارزه د افغانستان له شمالي سیمو ورهاخوا د هېواد نورو برخو ته د پراخېدو په حال کې ده. د مقاومت د ډلو جغرافیایي پراختیا او د پخوانیو افغان ځواکونو د غړو بیا تنظیمېدل د طالبانو لپاره د امنیتي ننګونې نوې بڼه رامنځته کوي.
د طالبانو د کډوالو او راستنېدونکو چارو وزارت وايي، روانه اونۍ ۴۰۶ افغان کډوال د پاکستان له بندخونو ازاد او هېواد ته راستانه شوي دي. دغه وزارت په پاکستان کې د یادو افغانانو د نیول کېدو د لامل په اړه څه نهدي ویلي، خو دغه هېواد کې ډېری افغانان د ویزو د نهلرو له امله نیول کېږي.
د امریکا د خزانې وزارت د ایران له حکومت سره د تړاو او د دغه هېواد د تېلو د لېږد په شبکو کې د فعالیت له امله شپږ کسان، ۲۷ بنسټونه او ۲۲ بېړۍ تحریم کړي دي
په کونړ ولایت کې د طالبانو د اطلاعاتو او کلتور ریاست له یوټیوبرانو غوښتي چې د فعالیت لپاره رسمي جوازونه واخلي. ویوټیوبران وايي، د طالبانو دا شرط کولی شي د بېکارۍ له امله د عاید نوې لارې لټونکو ځوانانو فعالیتونه محدود کړي.
امریکایي میلیاردر اېلان ماسک په هند کې د سټارلېنک د سپوږمکۍ انټرنېټ پر فعالیت د ځنډ له امله پر نوي ډیلي سختې نیوکې کړې دي او د ریلایینس شرکت پر مشر موکېش امباني یې تور پورې کړی، چې د ده د کار مخه نیسي. هغه د پوښتنې په ډول ویلي چې ایا امباني د هند اصلي مشر دی؟.
د ایران د چابهار د ازادې اقتصادي سیمې عامل مدیر محمد سعید اربابي د طالبانو د اقتصاد له وزیر دین محمد حنیف سره په کتنه کې له افغانستان سره د لا زیاتو همکاریو او افغان سوداګرو او پانګوالو ته د فعالیتونو د مناسبو زمینو د برابرولو په برخو کې د یادې اقتصادي سیمې له چمتووالي خبر ورکړ.
په ملګرو ملتونو کې د پاکستان دایمي استازي عاصم افتخار احمد د ملګرو ملتونو د عمومي اسامبلۍ په شپږمه کمېټه کې ادعا کړې، چې هېواد یې د افغانستان په خاوره کې د هند له لوري د تمویلېدونکو وسلهوالو ډلو له دوامداره بریدونو سره مخ دی.
د جرمني د بادن ورتمبرګ ایالت په توتلینګن ښار کې پولیسو یو ۲۷ کلن افغان وروسته له هغه په ډزو وواژه چې نوموړی له تومانچې سره د ښاروالۍ ودانۍ ته ننوتی و او له وتلو وروسته یې پر پولیسو ډزې وکړې.
د رويټرز د راپور له مخې، د پاکستان حکومت د پارلمان له تاييد پرته سعودي عربستان ته د خپلو اضافي پوځي ځواکونو پر استولو موافقه کړې، چې دا چاره د دغه هېواد د پوځ د مشر عاصم منیر تر مشرۍ لاندې د دغه هېواد پر بهرني سیاست د پوځ پراخ کنټرول په ډاګه کوي.
کاناډایۍ شاعرې او لیکوالې ان کارسن د پنجشنبې په ورځ د ۲۰۲۶ کال د ادبیاتو نوبل جایزه وګټله. ددې جایزې ارزښت یو میلیون او ۲۰۰ زره ډالره دی. کارسن پر دې خبر حیرانه شوې او ویلي یې دي، چې «فکر کوم هغوی ټول لېوني دي».
د طالبانو د اقتصاد وزیر دین محمد حنیف او په کابل د هند شارژدافیر یتین پټيل د اقتصادي او پراختیايي همکاریو پر پراختیا خبرې کړې دي. د طالبانو د اقتصاد وزیر د هند له شارژدافیر څخه په افغانستان کې ددغه هېواد د نیمګړو پروژو د بېرته پیلولو او بشپړولو غوښتنه کړې ده.
په هلمند کې د طالبانو د اطلاعاتو او کلور رییس خبر ورکړی چې د ملا هبت الله اخوندزاده په امر په یاد ولایت کې د مخالفانو د ځپلو لپاره ځانګړې ۴۰۰ کسیزه قطعه جوړه شوې ده.
د بلوڅ ازادۍ پوځ (بي اېل اې) ویاند ادعا کړې، چې وسله والو یې په تېره يوه اونۍ کې د بلوچستان په بېلابېلو سیمو کې په ۲۲ بریدونو کې ۲۴ پاکستاني پوځیان وژلي او لسګونه نور یې ټپيان کړي دي. د پاکستان پوځ ددې ادعا په اړه تر دې دمه څه نه دي ویلي.
په یمن کې د سعودي عربستان او حوثیانو ترمنځ د جګړې له بیا پراخېدو سره، پاکستان یو ځل بیا له یوې حساسې پوځي او ډېپلوماتیکې معادلې سره مخ شوی دی. اسلاماباد له یوې خوا له سعودي عربستان سره د ګډې دفاع تړون لري، خو له بلې خوا له ایران سره د اړیکو او د منځګړیتوب رول هم ساتل غواړي.
د کرکټ نړیوالې شورا په تازه درجه بندیو کې راشدخان د شل اوریزو او پنځوس اوریزو لوبو د غوره توپ اچوونکو په درجه بندۍ کې لومړي مقامونه او عظمت الله عمرزي بیا د یو ورځنیو لوبو د غوره الراونډرانو په درجه بندۍ کې لومړی ځای خپل کړی دی.
ځايي سرچینې وايي چې په تېره یوه اونۍ کې د بدخشان د شغنان له لارې زرګونه پسونه تاجکستان ته لېږدول شوي دي. سرچینې ادعا کوي چې دغه پسونه د شپې له خوا د سرحد په کمېسارۍ کې د طالبانو د میشتو ځواکونو په همکارۍ تاجکستان ته لېږدول کېږي او د هرې جوپې په بدل کې پیسې ورکول کېږي.
د ترکیې د بهرنیو چارو وزیر هاکان فیدان وايي، انقره ارزوي چې څنګه له سعودي عربستان او پاکستان سره د ګډ دفاعي تړون له مخې د یمني وسله والو د بریدونو پر وړاندې د ریاض په دفاع کې مرسته وکړي، خو زیاتوي، چې په تهاجمي عملیاتو کې برخه نه اخلي.
د طالبانو د کورنیو چارو وزیر سراج الدین حقاني په کابل کې د اروپايي ټولنې له شارژدافیر نیکولا بیلومو سره لیدلي دي. د طالبانو د کورنیو چارو وزارت وايي، په لیدنه کې د دوه اړخیزو همکاریو پر پراختیا، له نشهيي توکو سره پر مبارزې او د افغانستان پر امنیتي وضعیت خبرې شوې دي.
افغان کرکټ بورډ له بنګله دېش سره د یوازینۍ ټیسټ لوبې لپاره د مبصرینو په نوملړ کې د نوین الحق نوم هم اعلان کړی دی. د مصبرینو په نوملړ کې د نوین الحق د نوم له اعلان وروسته د نوموړي مینهوال داسې انګیري چې هغه نور له نړیوال کرکټ سره مخه ښه کړې ده.