د افغانستان انټرنشنل له څیړنیز راپور وروسته چې طالبانو د ۲۰۲۱ کال له اګست څخه تر ۲۰۲۶ کال پورې پر افغانانو د ۱۰۷ زره دُرو سزا پلې کړې، د طالبانو سترې محکمې د ۱۴۰۵ کال د غويي له دویمې نېټې راهیسې د بدني سزاوو په اړه عامه معلوماتو ته لاسرسی محدود کړی دی.
د افغانانو اکثره تعلیم یافته قشر، په خپل تصور کې د خپلو روانونو د تسکین لپاره، د ځمکني واقعیتونو خلاف، مدینه فاضله په خپلو مغزو کې جوړه کړی ده. د دوی وخت، انرژي او مالي منابع په خپلو منځو کې د یو بل په غندلو او نفې کولو مصرف کیږي.
څلور لسیزې وړاندې افغانستان د جګړو ډګر و، شوروي اتحاد د ببرک کارمل له حکومت سره همکاري کوله او اسلامي ډلو یې پر وړاندې د جهاد تر شعار لاندې د امریکا او غربي بلاک په ملاتړ جګړه کوله. دا یوازې د واک جګړه نه وه؛ بلکې د ایډیولوژۍ، دین او نړۍوال سیاست تر منځ یو څو اړخیز ټکر و.
یو شمېر پخوانیو افغان نظامیانو افغانستان انټرنشنل پښتو ته په خپلو رالیږلو پیغامونو کې ادعا کړې، چې د جمهوري نظام له سقوط وړاندې د دوی د څو میاشتو پاتې معاشونه حواله شوي وو، خو د حکومت له سقوط وروسته تر اوسه نه دي ورکړل شوي.
پخواني ولسمشر کرزي پر اروپايي ټولنې غږ کړی چې د پاکستان د ناامنۍ رېښې د اسلام اباد په افغان ضد سیاستونو کې ولټوي. کرزي ویلي، چې افغانستان او افغانان د پاکستان له لوري رامنځته شوي ترورېزم قرباني دي او اوسنی وضعیت هم باید دې ته په پام وڅیړي.
انډیا ټوډي راپور ورکړی چې د پاکستان او طالبانو ترمنځ د اړیکو ترینګلتیا او د پاکستان له دریځ څخه د امریکا ملاتړ د دې لامل شوی چې طالبان د خپلو سیمه ییزو اړیکو د پراختیا لپاره روسیې ته لا زیات نږدې شي. ورځپاڼه وايي، طالبان مسکو د یوه مهم ستراتیژیک شریک په توګه ارزوي.
د اروپايي پارلمان غړې هانا نیومن خبرداری ورکړی، چې بروکسل ته د طالبانو بلل د اروپا اعتبار او امنیت کمزوری کوي. د هغې په وینا، د کډوالو د بېرته لېږلو لپاره د بشري حقونو د اصولو قرباني کول لویه تېروتنه ده.
د عراق په زندانونو کې د یو شمېر افغان بندیانو کورنۍ وايي، عراقي پولیس د بندیانو د خوشې کولو په بدل کې ۴۰۰ تر ۶۰۰ ډالر غواړي. دوی د طالبانو پر بهرنیو چارو وزارت نیوکې کوي چې ددغو بندیانو د ستونزو په حل کې یې تر دې دمه همکاري نه ده کړې.
لږ تر لږه څلورو پخوانيو بندیانواو د هغوی نږدې خپلوانو افغانستان انټرنشنل ته ویلي چې د طالبانو په زندانونو کې بندیان له شکنجې او ناوړه چلند سره مخ کېږي او له هغوی څخه جبري اعترافونه اخیستل کېږي.
د طالبانو د اطلاعاتو او کلتور وزارت ویلي، چې د لوی اختر په ورځو کې نږدې «څلور میلیونه» کورنیو او بهرنیو سیلانیانو د هېواد له تفریحي سیمو لیدنه کړې ده. دغه وزارت زرغونو سیمو، پارکونونو او تاریخي ځایونو ته تلونکي ټول کسان د سیلانیانو په توګه یاد کړي.
د ازبکستان د کرنې وزارت او د تخمونو د پراختیا مرکز د افغانستان بزګرانو او کرنیزو بنسټونو ته د معیاري کرنیزو تخمونو مرسته لیږلې ده.
د طالبانو د ټولګټو چارو وزارت وايي، چې ددغه وزارت وزیر ملا محمد عیسی ثاني د سالنګونو د لویې لارې له بېلابېلو برخو لیدنه وکړه. نوموړي د قراردادي شرکتونو له مسوولینو وغوښتل چې د سالنګونو ټولې پلان شوې چارې د ژمي د سړې هوا له رارسېدو وړاندې بشپړې کړي.
د طالبانو د پروان ولایت امنیه قوماندانۍ خبر ورکړی چې د یاد ولایت په شینواري ولسوالۍ کې د یوې ترافیکي پېښې له امله د ۴ ماشومانو په ګډون ۸ تنه مړه شوي او ۱۶ نور ټپیان دي.
د افغانستان لپاره د چین ځانګړی استازی یو شیاویونګ د طالبانو او پاکستان ترمنځ د ارومچي خبرو د دویم پړاو پیلېدو په تړاو له پاکستاني چارواکو سره غږېدلی. یو شیاویونګ له دې وړاندې په کابل او قطر کې د طالبانو او قطر له استازو سره هم لیدلي.
د روغتیا نړۍوال سازمان وایي، چې په روان ۲۰۲۶کال کې په افغانستان کې له پنځو کلونو کم عمره ۳.۷ مېلیونه ماشومان د سختې خوارځواکۍ له ګواښ سره مخ دي. د یاد سازمان په وینا؛ د بشري مرستو صندوق په ملاتړ د خوارځواکۍ په ټولو مرکزونو کې د ژوند ژغورونکي تغذیوي خدمتونه برابر شوي.
د امریکا د کورني امنیت وزارت ویاند افغانستان انټرنشنل ته تایید کړې ده، چې د پخوانۍ ولسي جرګې مرستیال میرزا کټوازی د واشنګټن په ډالس نړیوال هوايي ډګر کې نیول شوی. د یاد وزارت د ویاند په وینا، کټوازی د کډوالۍ او تابعیت قانون د ۲۴۰مې مادې له مخې د ایستلو وړ دی.
د افغانستان لپاره د پاکستان ځانګړي استازي محمدصادق خان له خپل چینايي سیال یو شیاویونګ سره د سیمهییزو امنیتي ګواښونو او په افغانستان کې د وسلهوالو ډلو د فعالیتونو په اړه خبرې کړې دي.
د فرانسې په امبر ښار کې له ۷۵۰ زیاتو زدهکوونکو د افغانستان او عراق د لوږې ضد ځغاستې سیالیو کې ګډون کړی دی. د دغه سیالیو موخه په نړۍ کې د لوږې د ناورین په اړه د عامه پوهاوي لوړول او په خیریه فعالیتونو کې د فرانسوي ځوانانو د ونډې اخیستنې هڅول بلل شوي دي.
د بلوچستان ایالت د عبدالله کلا ولسوالۍ د توبه اڅکزي اړوند د ګردۍ شاخه کلي په سیمه کې د دوو ډلو ترمنځ وسلهواله نښته شوې، چې له امله یې څلور کسان وژل شوي او یو بل ټپي دی. ځایي پولیسو ویلي، دوه وسلهوال له کوټې ښار څخه سیمې ته ورغلي او پر خپلو ترهزامنو یې ډزې کړې دي.
د متحده عربي اماراتو د ولسمشر ډیپلوماتیک سلاکار انور قرقاش پر اېکس پاڼه لیکلي، چې «له فارس خلیج نه تر یمن، لبنان او عراق پورې موږ ټول د ایران د مخ پر زیاتېدونکو سیمهییزو غوښتنو او سیاستونو بیه پرې کوو».
د طالبانو د کورنیو چارو وزارت وایي، چې د نشهیي توکو پر ضد د مبارزې ځواکونو یې په غور او روزګان ولایتونو کې د نشهیي توکو د تولید څو کارخونې کشف او لهمنځه وړې دي. د یاد وزارت په وینا؛ یوازې په غور ولایت کې د نشهیي توکو له څو تولیدي مرکزونو ۱۶۰۰ کیلوګرامه «ومان» کشف شوي دي.