آرشیف

اوکرایني چارواکو ویلي، د سې‌شنبې په سهار د اوکراین د څو لویو ښارونو په ګډون پر کیف، دنیپرو او خارکیف د روسیې د هوايي بریدونو له امله لږترلږه پنځه کسان وژل شوي او لسګونه نور ټپیان دي.

د پاکستان د بهرنیو چارو وزارت خبر ورکړی، چې د دغه هېواد د بهرنیو چارو وزیر محمد اسحاق ډار او د ایران د بهرنیو چارو وزیر عباس عراقچي د ټیلیفون په کرښه د «سیمې روان وضعیت او د تازه پرمختګونو» په اړه خبرې کړې دي.

یو افغان چې پخوا یې له برېتانوي ځواکونو سره کار کړی افغانستان انټرنشنل ته ویلي، چې د برېتانیا د دفاع وزارت له لوري د معلوماتو تر افشا کېدو وروسته هغه او د کورنۍ غړي یې په افغانستان کې له جدي امنیتي اندېښنو سره مخ شوي دي.

د اختر په ورځو کې په کندوز او بغلان ولایتونو کې د ټرافیکي پېښو له امله ۴ کسان مړه او ۴۳ نور ټپیان شوي دي. په کندوز کې د طالبانو د امنیې قوماندانۍ ویاند جمعه‌الدین خاکسار خبر ورکړی، چې په دغه ولایت کې د بېلابېلو ټرافیکي پېښو له امله ۳ کسان مړه او ۳۱ نور ټپیان شوي دي.

افغان لوبغاړی احمدسهیل جعفري به (د چنګاښ په ۱۷مه) د اتلولۍ کمربند ګټلو لپاره د پاکستان له عظیم خان سره مخ شي. دغه لوبه به د «اېنفېنیټ» اتلولۍ په ۷۰ کیلوګرامه وزن کې د پاکستان د اسلام‌اباد په لیاقت لوبغالي کې ترسره شي.

د جرمني پولیسو اعلان کړی، یو افغان چې د زاکسن ایالت د کمنیتس په ښار کې د خپلې پخوانۍ مېرمنې د وژنې په تور تورن دی، له تېښتې وروسته په چک جمهوریت کې نیول شوی او ټاکل شوې جرمني ته وسپارل شي.

د پاکستان د شخړو او امنیتي مطالعاتو د انسټیټیوټ «پيکس» ويلي، د دوو پرله پسې میاشتو له ښه والي وروسته، د ۲۰۲۶م کال د می په میاشت کې د پاکستان امنیتي وضعیت په ځانګړې توګه په خیبر پښتونخوا او بلوچستان کې د وسله والو فعاليتونو له امله خورا خراب شوی دی.

د مکسیکو چارواکي وایي چې د تیخوانا ښار په یوه سیمه کې یې ۸۶۹ فوټه (شاوخوا ۲۶۵ متره) اوږد تونل موندلی، چې ګومان کېږي د امریکا د سان ډیاګو ښار له یوې مشهورې کوڅې سره نښلول شوی وي.

د پاکستان د دفاع وزیر خواجه محمد اصف ویلي، چې د طالبانو له لوري د پاکستاني طالبانو تحریک (ټي‌ټي‌پي) ملاتړ لا هم دوام لري او د دې ډلې د بریدونو د درولو په اړه د طالبانو پر «متضادو پیغامونو» باور نه شي کېدای.

د بښنې نړیوال سازمان په یوه راپور کې د فاطمې اوزګن نصرت کیسه خپره کړې، چې وایي هغې د افغانستان د نجونو لپاره یو انلاین ښوونځی جوړ کړی څو هغوی د طالبانو تر بندیزونو لاندې هم له زده‌کړو بې‌برخې پاتې نه شي.

د افغانستان د فوټبال ملي لوبډلې د ۲۰۲۶ کال د څلور اړخیزو سیالیو په لومړۍ لوبه کې د کوربه هېواد مالدیف لوبډلې ته ۱–۰ ماتې ورکړې او خپل سیالیز سفر یې په بریا پیل کړی دی.

د فنلنډ لومړي وزیر پیتري اورپو د هزاره کلتور د ورځې په نړیوال جشن کې ویلي چې کلتور، ژبه او هویت د انسان د پېژندنې اساسي برخې دي او ټینګار یې کړی چې نړیواله ټولنه باید په افغانستان کې د بشري حقونو له وضعیت، په ځانګړي ډول د ښځو او نجونو له محدودیتونو سترګې پټې نه کړي.

د امریکا بهرنیو چارو وزارت وایي، چې د امریکا ځواکونو تیره شپه په کویټ کې د مېشتو امریکايي ځواکونو پر ضد ویشتل شوي دوه بالستیک توغندي په بریالیتوب سره شنډ کړي او کوم امریکايي سرتېری ته په کې زیان نه دی اوښتی.

د طالبانو تر ادارې لاندې د المپیک، بدني روزنې او ورزش ادارې مشر احمدالله وثیق د روسیې په بلنه د المپیک مډال ګټونکو ځوانانو د تشویق په نړیوال فورم کې ګډون کړی او د ورزش د ودې او د هېوادونو ترمنځ د ورزشي اړیکو پر پیاوړتیا یې ټینګار کړی دی.

په افغانستان کې د اروپایي ټولنې استازولۍ ویلي، چې د لغمان ولایت د وروستۍ خونړۍ ترافيکي پېښې له امله ژوره خواشیني څرګندوي او د قربانیانو کورنیو ته یې د خواخوږۍ پیغام وړاندې کړی دی.

د امریکا فضايي ادارې ناسا ویلي، چې د ۲۰۲۶ کال د جون میاشت به د اسمان‌څارونکو لپاره له مهمو او نادرو ستوریزو پېښو ډکه وي. ناسا زیاته کړې، چې په دغه میاشت کې د زهره او مشتري نږدې کېدل، د سپوږمۍ ځانګړی حرکت او د اوړي د موسم پیل شامل دي.

د ننګرهار د طالبانو د اطلاعاتو او کلتور ریاست ادعا کړې چې د لوی اختر په ورځو کې شاوخوا ۲۰۰ زره سیلانیانو دغه ولایت ته سفر کړی او د جلال‌اباد ښار ترڅنګ یې د تورې بوړې، کږې منځې، شینوارو، بټي کوټ، درې نور، خوږیاڼو، شیرزادو، حصارک، کامې او نورو سیمو څخه لیدنه کړې ده.

د طالبانو د کډوالو ستونزو ته د رسېدنې عالي کمېسیون ویلي، چې د دوشنبې په ورځ له بېلابېلو لارو شاوخوا ۳۰۰۰ کډوال هېواد ته جبري راستنه کړل شوي او همداراز سلګونو کورنیو ته د استوګنې د ځمکو نمرې هم وېشل شوې دي.

پاکستان کې د حکومت مخالفه ډلو اتحاد «د اساسي قانون د ساتنې غورځنګ» د اپوزیسیون پر مشر محمود خان اڅکزي باندې قضیه ثبت کېدل غندلي او ويلي يې دي، د چمن په غونډه کې د حقایقو د بیانولو په تور د قضيې ثبت کول د افسوس ځای او د بیان پر ازادۍ ښکاره برید دی.

د افغانستان د پخواني جمهوري نظام د دفاع وزارت د پالیسي او ستراتیژۍ مرستیال تمیم عاصي ویلي چې د ځینو پخوانیو جهادي او جمهوري سیاستوالو ګډ او منظم غبرګونونه د افغانستان د هویت، خپلواکۍ او ملي نوم په اړه د «بهرنیو لارښوونو» له مخې تنظیم شوي دي.

د لبنان په پارلمان کې د حـ . ـزب‌الله استازي حسن فضل‌الله ویلي چې د لبنان په ټوله خاوره کې د بشپړ اوربند د ټینګښت ملاتړ کوي.