د پاکستان د لومړي وزیر سیاسي سلاکار رانا ثناءالله وايي، اسلاماباد تر اوسه د شواهدو پر بنسټ د افغانستان په خاوره کې «په محدوده کچه» عملیات ترسره کړي. هغه ویلي، د پاکستان یوازینۍ غوښتنه له طالبانو دا ده چې اجازه ور نهکړي افغان خاوره د پاکستان پر وړاندې د بریدونو لپاره وکارول شي.
په ملګرو ملتونو کې د پاکستان د دایمي استازولۍ سلاکار وایي، چې هند په دغه هېواد کې د وسلهوالو ډلو په ملاتړ او د افغانستان له خاورې څخه د نیابتي ډلو په کارولو سره د پاکستان پر ضد د ناامنۍ په رامنځته کولو کې لاس لري.
د طالبانو لوړپوړي غړي انس حقاني پر افغانستان د امریکا د بریدونو ۲۵مې کلیزي په مناسبت ویلي، د امریکا برید له ډېرو ماشومانو ښکلې شېبې واخېستې او په هماغه معصومیت کې له نړۍ وکوچېدل. داسې حال کې چې په تېرو ۲۵کالونو کې طالبانو په خپلو بریدونو کې لسګونه زره ماشومان او نور افغانان وژلي.
د بښنې نړیوال سازمان د امریکا څانګې د اکتوبر په ۷مه د اسراییل او حماس ترمنځ د جګړې له پیل درې کاله وروسته ویلي، چې د جګړې د ټولو اړخونو لهخوا د ترسره شویو جرمونو قربانیان باید عدالت ته ورسېږي او عاملان یې باید حساب ورکړي.
د طالبانو د مخالفې وسلهوالې ډلې، مقاومت جبهې عمومي قوماندان قدمشاه شهیم وايي، د طالبانو پر وړاندې د وسلهوالې مبارزې لپاره د نورو سیاسي او پوځي جریانونو یوځای کېدو دې جبهې ته هیله ورکړې چې د دغې ډلې پر وړاندې خپله جګړه پراخه کړي.
د پاکستان لومړي وزیر شهباز شریف د ملګرو ملتونو له سرمنشي انتونیو ګوترېش سره په لیدنه کې په افغانستان کې د فعالو ترهګرو ډلو پر وړاندې د عملي اقدام غوښتنه کړې. نوموړي د چهارشنبې په ورځ په دې لیدنه کې د افغانستان د سولې پر ارزښت هم ټینګار وکړ.
د طالبانو مخالفه ډله، متحده جبهه وايي چې ځواکونو یې تېره شپه د غور په پسابند ولسوالۍ کې د طالبانو پر یوې پوستې «چریکي» عملیات ترسره کړي. دغه جبهه ادعا لري، چې په دې عملیاتو کې یو طالب وژل شوی او یو بل یې ټپي شوی دی. طالبانو لا تر اوسه د دغې ادعا په اړه څه نهدي ویلي.
ګلبدین حکمتیار په طالبانو باندې یوازې پر نیوکو بسنه نه کوي، بلکې اوس یې د خپلو ځواکونو او پلویانو د راټولولو او بسیج پړاو ته هم مخه کړې ده. د اسلامي حزب د تشکیلاتو د بیا جوړولو او منظمولو هڅې هم روانې دي.
د سعودي د ملکي هوايي چلند اداره وايي، د دغه هېواد پر دوو هوايي ډګرونو بریدونه شوي چې له امله یې درې کسان وژل شوي او ۳۶ نور ټپیان دي. یادې ادارې د دغو بریدونو پړه پر کومې ډلې نه ده اچولې؛ خو د ایران ملاتړو یمني یاغیانو ادعا کړې چې پر ریاض او ابها هوايي ډګرونو یې بریدونه کړي.
طالبانو په کابل کې د مقاومت جبهې د څلورو غړو د نیولو ادعا کړې او یادو کسانو بیا په خپلو اعترافونو کې ویلي، چې دا ځل یې غوښتل د یوناما دفتر او کارکوونکي یې په نښه کړي. خو مقاومت جبهه یاد کسان د طالبانو د استخباراتو کارکوونکي بولي او د جبهې پر وړاندې یې پروپاګند ګڼي.
د سياېناېن ټلوېزیوني شبکې د یوه تازه راپور پر بنسټ، د افغانستان پلازمېنه کابل ښار ښايي تر ۲۰۳۰ کال پورې په بشپړ ډول د څښاک له اوبو بېبرخې شي. راپور زیاتوي چې دا به د نړۍ په کچه لومړنۍ پلازمېنه وي چې د څښاک له اوبو بې برخې کېږي.
د طالبانو د کورنیو چارو وزارت د کابل په بېلابېلو سیمو کې له یو شمېر وسلو او نظامي تجهیزاتو سره د «مقاومت جبهې» د څلورو غړو د نیولو ادعا کړې ده. دغه وزارت د یادو کسانو د اعترافونو په خپرولو سره ادعا کړې، چې دغو کسانو له نورو فعالیتونو سربېره غوښتل د «یوناما» دفتر په نښه کړي.
د طالبانو د اطلاعاتو او کلتور وزیر شیراحمد حقاني د دې ډلې د مشرانو د نیولو د حکمونو د علني کېدو په غبرګون کې ویلي چې طالبان د جرمونو د نړیوالې محکمې پر عدالت باور نه لري.
د طالبانو د لوړو زدهکړو وزیر وايي، افغانستان یو اسلامي هېواد دی او په دې کې یوازې هغه کسان کامیابېږي او خدمت کولای شي، چې «اسلامي فکر او اعمال» ولري. دا په داسې حال کې ده، چې پرون د جرمونو نړیوالې محکمې د جنسیت پر بنسټ د بشریت ضد ځورونې په تور د ندیم د نیولو حکم صادر کړ.
د اسلامي حزب د مشر ګلبدین حکمتیار زوی، حبیبالرحمن حکمتیار وایي، طالبانو واک انحصار کړی او د افغان ولس سیاسي حقونه نه مني. هغه زیاتوي، طالبان باید سیاسي واک ملت ته وسپاري، د اساسي قانون او د یوې منتخبې ملي شورا په رامنځته کولو سره د هېواد د سیاسي برخلیک ټاکلو حق ولس ته ورکړي.
د افغانستان د ملي جنبش ګوند مشر عبدالرشید دوستم د چهارشنبې په ورځ د تلې په ۱۵مه افغانستان انټرنشنل ته په یوه لیکلي مطلب کې څرګنده کړې چې ۲۵ کاله وړاندې د طالبانو د نسکورولو لپاره امریکا څه ډول له ده سره اړیکه ونیوله.
د فرانسې د بهرنیو چارو وزارت وايي، په فرانسه کې د زدهکوونکو د اعتراضونو په اړه د «ناسمو معلوماتو د خپرولو د کمپاین» په تړاو یې په پاریس کې د ایران سفیر احضار کړی دی.
د ایران د انرژۍ وزیر د طالبانو د صنعت او سودګرۍ له وزیر نورالدین عزیزي سره کتنه کې افغانستان ته د برېښنا د صادراتو د کچې زیاتوالي، اقتصادي اړیکو او ګډو پانګونو په تړاو خبرې وکړې. نوموړي نورالدین عزیزي ته بلنه ورکړه، چې ایران کې د اوبو او برېښنا په راتلونکي نندارتون کې ګډون وکړي.
د طالبانو مخالفې وسلهوالې ډلې، ازادۍ جبهې اعلان وکړ چې ځواکونو یې د نورستان په کامدېش ولسوالۍ کې د طالبانو پراخ بریدونه پر شا تمبولي. د دغې جبهې د معلوماتو له مخې، نښته د چهارشنبې په سهار پیل شوه او شاوخوا شپږ ساعته یې دوام وکړ. یادې جبهې د ۱۱طالبانو د وژل کېدو ادعا هم کړې ده.
د ډیپلوماتیکو سرچینو د معلوماتو له مخې، فرانسې له افغان طالبانو سره خبرې پیل کړې دي، چې افغانستان ته د افغانانو د ایستلو بهیر اسانه شي.
سرچینو افغانستان انټرنشنل ته ویلي چې د طالبانو د امربالمعروف محتسبانو د یکشنبې په ورځ د کندهار د احمدشاهي او سید جمالدین افغان لیسو ۱۸ ښوونکي د ږیرو خرېیلو په تور ونیول او له ۱۲ ساعتونو بند ورسته یې بېرته په ضمانت خوشې کړل.