سرچینو افغانستان انټرنشنل ته ویلي چې د طالبانو د امربالمعروف محتسبانو د یکشنبې په ورځ د کندهار د احمدشاهي او سید جمالدین افغان لیسو ۱۸ ښوونکي د ږیرو خرېیلو په تور ونیول او له ۱۲ ساعتونو بند ورسته یې بېرته په ضمانت خوشې کړل.
د ۲۰۰۱م کال نسل د افغانستان د تېرو ۲۵ کلونو له ټولو لویو بدلونونو سره لوی شو؛ له جمهوریت، زدهکړو او کاري فرصتونو تر جګړې، د نظام بدلون، کډوالۍ او اقتصادي ستونزو پورې. ۲۵ کاله وروسته، نن دا نسل د خپل راتلونکي د نامعلوم برخلیک او بایللو فرصتونو له پوښتنې سره مخ دی.
طالبانو په کندهار کې دولتي ادارو ته امر کړی چې په کمپیوټرونو، موبایلونو او ورته وسایلو کې د انځورونو او ویډیوګانو له کارولو ډډه وکړي. افغانستان انټرنشنل ته په رسېدلي مکتوب کې ویل شوي، چې دا امر د امر بالمعروف قانون د عملي کولو لپاره صادر شوی دی.
۲۵ کاله وړاندې، د ۲۰۰۱ کال د اکټوبر د ۷مې په ماښام، د امریکا او د هغې د متحدینو جیټ او بم غورځوونکو الوتکو د افغانستان په بېلابېلو برخو کې د طالبانو پر مرکزونو او د بهرنیو وسله والو ډلو پر اډو بریدونه پیل کړل.
د امریکا په ټکساس ایالت کې مېشت ۳۲ کلن افغان محمد داوود په انلاین ډول د ځانمرګي برید ګواښونکي پیغام د لېږلو جرم ومانه. نوموړي اعتراف کړی، چې په یوه ژوندۍ خپرونه کې یې دغه ګواښ کړی و.
د طالبانو د ریاست الوزرا د اقتصادي مرستیال عبدالغني برادر په مشرۍ د تدارکاتو کمېسیون غونډه کې پر ۳۴ پروژو بحث شوی، خو له دې ډلې د څه باندې ۷ میلیارده افغانیو په ارزښت ۱۶ پروژې منظورې شوې دي.
د طالبانو د اوبو او انرژۍ وزیر محمد یونس اخوندزاده د ایران د برېښنا له وزیر عباس علي ابادي سره په لیدنه کې د اوبو او انرژۍ په برخو کې د همکاریو په تړاو خبرې کړې دي. ایراني وزیر نوموړي د ایران د سفر بلنه ور کړې، څو د دغه هېواد د اوبو او انرژۍ برخې وضعیت وګوري.
د پاکستان د کورنیو چارو وزیر محسن نقوي او د برېتانیا د بهرنیو چارو وزارت مرستیال سټیفن ډاوټي د لیدنې پرمهال د افغانستان او پاکستان ترمنځ پر کرښه د پرتو سیمو د وضعیت په اړه غږېدلي دي.
د روسیې د ترانسپورت وزارت ویلي چې روسي شرکتونه ښايي د افغانستان د رېلپټلۍ او د حیرتان په ګډون د بندرونو د تاسیساتو د پراختیا په برخه کې ګډون وکړي.
د طالبانو د مالیې وزارت وايي، د ثبت شویو متقاعدینو د معاشونو اوولسم پړاو د تلې په ۱۸مه پیلېږي چې په دې پړاو کې به د ټولګټو، کانونو او پيټرولیم او د ټرانسپورټ او هوايي چلند وزارتونو او دغه راز د سیمهییزو ارګانونو خپلواک ریاست متقاعدینو ته معاشونه ورکړل شي.
پر افغانستان د امریکا د بریدونو د ۲۵مې کلیزي په مناسبت د طالبانو مرستیال ویاند حمدالله فطرت دغه بریدونه د افغانستان د تاریخ توره ورځ بللې ده. نوموړي ویلي، « د امریکا پر ضد مبارزې ثابته کړه چې افغانان هېڅ ډول بهرني اشغال ته غاړه نه ږدي».
د ۲۰۰۱ کال د اکتوبر پر ۷مه امریکا د بهرنیو وسله والو د له منځه وړلو او د طالبانو د لومړۍ واکمنۍ د نسکورولو په موخه پر افغانستان برید وکړ. ۲۰ کلنه جګړه د بهرنیو ځواکونو په وتلو او کابل ته د طالبانو په بیا راتګ پای ته ورسېده.
۲۵ کاله وړاندې، چې په افغانستان کې پر طالبانو د امریکا برید پیل شو، له تناقضونو ډک وضعیت و. تناقض له دې اړخه و چې هغه خلک چې د پردیو ضد په نوم مشهور وو او د شلمې پېړۍ په پیل او پای کې یې د دوو زبرځواکونو د ماتولو سابقه لرله، پر خپلې خاورې د یوه پردي هېواد له بریده خوښ وو.
د افغان ـ امریکايي زنداني محمودشاه حبیبي کورنۍ وايي، امریکايي چارواکو ډاډ ورکړی چې «د حبیبي تر خوشې کېدو وړاندې به یې له طالبانو سره اړیکې عادي نه شي». د حبیبي ورور افغانستان انټرنشنل ته وویل چې د طالبانو او واشنګټن ترمنځ د باورجوړونې یوازینۍ لار د امریکايي بندیانو خوشې کول دي.
د افغانستان په اړه د مسکو فارمټ اتمه غونډه د اکتوبر په پنځمه په مسکو کې د افغانستان په ګډون د لسو هېوادونو د استازو په ګډون وشوه، خو د پاکستان او طالبانو ترمنځ د سختو اختلافاتو له امله غونډې په پای کې ګډه اعلامیه خپره نه کړی شوای.
د ۲۰۲۶ کال د فزیک نوبل جایزه بلجیمي ـ امریکايي فزیک پوه فرانسیس هالزن ته د لوړې انرژۍ نیوټرینو د کشف لپاره ورکړل شوه. دغه راز د کیمیا نوبل جایزه هنري کاګان او کینسو سوای ته د «هندارې انځور» مالیکولونو د معما د حل له امله ورکړل شوه.
د جرمونو نړیوالې محکمې له لوري د طالب مشرانو د نیولو حکم ته په غبرګون کې د طالبانو د بهرنیو چارو وزارت ویاند ویلي، چې دا اقدام د افغانستان د ملي حاکمیت، خپلواکۍ او د دولتونو په کورنیو چارو کې د نه لاسوهنې د منل شویو اصولو ښکاره نقض دی.
د طالبانو د بهرنیو چارو وزیر امیرخان متقي د مسکو فارمټ د اتمې غونډې په څنډه کې د ایران د بهرنیو چارو وزارت له استازي محمدرضا بهرامي سره لیدلي او د افغانستان او ایران د اړیکو، سیمه ییزو بدلونونو او ګډې همکارۍ پر پیاوړتیا یې خبرې کړې دي.
د ترکیې د کډوالۍ ادارې تازه شمېرې ښيي چې د روان میلادي کال په لومړیو ۹ میاشتو کې د دغه هېواد پولیسو په ټوله ترکیه کې ۲۹ زره او ۷۱۲ افغان پناهغوښتونکي نیولي دي. د دغو شمېرو له مخې، افغانان په ترکیه کې د نیول شویو پناهغوښتونکو د نوملړ په سر کې دي.
د حزب اسلامي مشر ګلبدین حکمتیار پر روسیې، هند او ایران غږ کړی چې د افغانستان په تړاو دوه ګونې لوبې پای ته ورسوي. نوموړي ویلي چې یاد هېوادونه په تېر کې د افغانستان پر وړاندې د امریکا تر څنګ ولاړ وو، خو نن د پخوانیو څېرو او نیابتي ډلو د ملاتړ له لارې خپلې موخې تعقیبوي.
د طالبانو د بهرنیو چارو وزیر امیرخان متقي د مسکو فارمټ د اتمې ناستې په څنډه کې د افغانستان لپاره د چین له ځانګړي استازي یو شیاویونګ سره لیدلي او د دواړو هېوادونو د اړیکو، سیمه ییز وضعیت او د ګډو همکاریو د پراختیا په اړه یې خبرې کړې دي.