د بلوچستان ایالت په چمن ولسوالۍ کې د پښتونخوا ملي عوامي ګوند د مرکزي مشر او د پاکستان د ملي اسمبلۍ د اپوزیسیون د مشر محمود خان اڅکزي پر ضدد پولیسو په یوهحوزه کې قضیه ثبت شوې ده. اڅکزي په یوه غونډه کې ویلي چې پښتانه باید د افغانستان تذکرې هم واخلي.
د طالبانو د بامیان ولایت د چارواکو په وینا، د لوی اختر د رخصتیو پر مهال نږدې ۳۰۰ زره کورنیو او بهرنیو سیلانیانو د بامیان ولایت له تاریخي او تفریحي سیمو لیدنه کړې، چې د بند امیر ملي پارک هم پکې شامل دی.
د ملګرو ملتونو د ماشومانو د حقونو کمېټې د زوجینو د تفریق په تړاو د طالبانو نوې اصولنامه چې د کمکیو نجونو ودونو ته قانوني بڼه ورکوي، غندلې ده. دغې کمېټې دا پرېکړه د بشري حقونو له نړیوالو قوانینو څخه یوه لویه او سیستماتیکه سرغړونه بللې ده.
ټاکل شوې د جون میاشتې پر اتمه او ۱۶مه د ملګرو ملتونو د امنیت شورا په غونډه کې د افغانستان د روان سیاسي، امنیتي او بشري وضعیت ترڅنګ د ملګرو ملتونو د مرستندویه پلاوي (یوناما) د ماموریت پر بیا غځولو بحث وشي.
د اروپايي ټولنې لوړپوړې ډیپلوماټې ویلي چې پاکستان له افغانستان سره په شخړه کې ښکېل پاتې شوی او وروستیو نښتو جدي بشري پایلې رامنځته کړې، چې د لا بېثباتۍ او افراطیت د زیاتېدو خطر لري. هغې له دواړو خواوو د زغم او تاوتریخوالي د کمولو غوښتنه کړې ده.
د حزب تحریر ډلې د افغانستان څانګې د یوې خبرپاڼې په خپرولو سره د طالبانو او روسیې ترمنځ د پوځي او تخنیکي همکاریو د هوکړې په تړاو اندېښنه ښودلې ده. یادې ډلې ویلي، چې له روسیې سره هر ډول همکاري د مسلمانانو له ګټو سره په ټکر کې ده.
د افغانستان لپاره د روسیې ځانګړي استازي ضمیر کابلوف ویلي، چې له طالبانو سره د مسکو پوځي او تخنیکي هوکړه لیک یوازې په افغانستان کې د پخوانیو روسي پوځي وسایلو او چورلکو د ترمیم لپاره دی. هغه زیاته کړه چې دا یو عملي چوکاټ دی او په راتلونکي کې د نورو تړونونو لار پرانیزي.
د طالبانو د امر بالمعروف، نهی عن المنکر وزیر خالد حنفي په افغانستان کې د کډوالو عالي کمېشنرۍ له رییس عرفات جمال سره په خبرو کې ویلي، چې دوی چمتودي «۲۴ ساعته د ښځو ستونزې واوري».
په ۲۰۲۵ کال کې جرمني ته د پخوا په پرتله لږ کسان کډه شوي دي. د جرمني د احصایې فدرالي ادارې په وینا، په دغه کال کې ټولټال شاوخوا ۱،۴۸ میلیونه کسان جرمني ته داخل شوي، چې د ۲۰۲۴ کال په پرتله نږدې ۱۳ سلنه کموالی ښيي. له افغانستان څخه خالصه کډوالي۴۱ سلنه کمه شوې.
د طالبانو د ننګرهار والي رسنیز دفتر وايي، چې د درونټې برښناکوټ د بند کاسې د خټو او رسوباتو د پاکولو په موخه به د غبرګولي له ۱۲مې تر ۱۴مې نېټې پورې د بند اوبه خوشې شي. د دغو درېیو ورځو په لړ کې به هره ورځ د سهار له شپږو د ماښام تر شپږو بجو پورې د اوبو د خوشې کېدو بهیر دوام ولري.
د طالبانو د خوست والي عبدالرحمن حقاني له یو شمېر سوداګرو او پانګوالو سره د خوست پر اقتصادي وده، ابادۍ او د نویو پانګونو پر راجلبولو خبرې کړې دي. نوموړي په دې ناسته کې سوداګر د هېواد اقتصادي لښکر وباله او زیاته یې کړه چې د طالبانو اداره د سوداګرو ملاتړ ته ژمنه ده.
د پکتیکا ولایت یوې اوسېدونکې افغانستان انټرنشنل ته ویلي، چې طالبانو د اختر په ورځو کې د ښځو د حضور له امله کورنیو ته د سردې بند له سیمې د لیدنې او ورتګ اجازه نهده ورکړې.
د طالبانو عدلیې وزارت د غایبو اشخاصو د منقولو او غیرمنقولو ملکیتونو د بررسۍ نوی قانون خپور کړی، چې په ۹مه، ۲۳مه او ۲۸مه ماده کې یې د «ساعین بالفساد» په نامه د مخالفانو او بغاوت کوونکو د ملکیتونو او د هغو د عوایدو او شرعي وکیل درلودو حق د هبت الله په حکم پورې مشروط کړی.
له افغانستان نه لسګونه نجونو په لیکل شویو لیکونو کې د ملګرو ملتونو له سرمنشي انتونیو ګوترېش غوښتي، چې د نجونو پر زدهکړو د محرومیت او پر ښځو د لګېدلو محدودیتونو پر وړاندې چوپ پاتې نهشي.
له فراه ولایت نه یو کروندګر افغانستان انټرنشنل ته په دغه لېږلي غږیز پیغام کې ویلي: «طالبان جبري عشر غواړي؛ که یې ورنه کړو بندیانوي مو». نوموړي زیاته کړې، چې طالبان پر هر ۱۰۰۰ متره کرنیزې ځمکې ۶زره افغانۍ عشر اخلي.
د روسیې او طالبانو ترمنځ د پوځي-تخنیکي همکارۍ د تړون تر لاسلیک وروسته په افغانستان کې د روسیې د سوداګرۍ مرکز مشر ویلي، چې د تاتارستان جمهوریت شرکتونه کولای شي د طالبانو تر واک لاندې پوځي تجهیزات ترمیم او بیاورغوي.
یوې افغانې مېرمنې افغانستان انټرنشنل ته په لېږلي غږیز پیغام کې د طالبانو ویاند ذبیحالله مجاهد هغه ادعا رد کړې، چې د طالبانو په زندانونو کې هیڅ ډول ناوړه چلند نهکېږي. یادې مېرمنې ویلي: «تر ټولو بد ځای، بد تاوتریخوالی او ناوړه چلند د طالبانو لهخوا له زندانیانو سره کېږي».
د طالبانو د ارشاد، حج او اوقافو وزارت وایي، چې له سعودي عربستان نه د افغان حاجیانو د بېرته ستنېدو لړۍ د دوشنبې په ورځ (د غبرګولي ۱۱مه) پیل شوه. د دغه وزارت د معلوماتو له مخې؛ د حاجیانو لومړۍ الوتنه نن سهار له جدې نه د کابل نړۍوال هوايي ډګر ته ورسېده.
اکسیوس راپور ورکړی، چې په لبنان کې د اوربند لپاره د امریکا نوې هڅه ناکامه شوې او هممهاله اسراییل خپل ځمکني عملیات پراخ کړي. اکسیوس ته سرچینو ویلي، چې تر دغه ناکامۍ وروسته اسراییل د امریکا لهخوا د شین څراغ په لټه کې دی؛ ترڅو په بیروت کې د حزبالله پر اهدافو پراخ بریدونه وکړي.
د ملګرو ملتونو د بشري مرستو د همغږۍ دفتر (اوچا) وایي، افغانستان لاهم د هغو هېوادونو په ډله کې شامل دی چې د مېندو د مړینې کچه پهکې لوړه ده. د اوچا د معلوماتو له مخې؛ په افغانستان کې د هرو ۱۰۰زره زېږونونو پرمهال شاوخوا ۶۰۰ مېندې خپل ژوند له لاسه ورکوي.
د اسراییل پوځ په لبنان کې پر ملیخ او کفرحون ښارونو د بریدونو خبرداری ورکړی او د یادو سیمو له اوسېدونکو یې غوښتي، چې سملاسي خپل کورونه پرېږدي او له سیمې ووځي. ورته مهال الجزیرې راپور ورکړی، چې د لبنان په سویل کې د نښتې پرمهال یو اسراییلی پوځي وژل شوی او درې نور ټپیان شوي دي.