د ملګرو ملتونو د خوړو او کرنې سازمان خبرداری ورکړی، چې په افغانستان کې د کرنیزې سرې لوړې بیې او کرنیزو توکو ته د لاسرسي ستونزې د بزګرانو لپاره جدي ننګونې رامنځته کړې او که اوسنی وضعیت همداسې دوام وکړي؛ نو د ۲۰۲۷کال د غنمو حاصلات او د هېواد د خوړو خوندیتوب به زیانمن شي.
د روغتیا نړۍوال سازمان په خپل تازه راپور کې ویلي، افغانستان په ۲۰۲۶کال کې د ماشومانو د ګوزڼ (پولیو) د مثبتو پېښو له پلوه د نړۍ تر ټولو ډېر اغېزمن هېواد پاتې شوی دی. د راپور له مخې، تراوسه په افغانستان کې د ګوزڼ ۳۵ مثبتې پېښې ثبت شوې دي.
د روسیې د بهرنیو چارو وزیر سرګي لاوروف د سېشنبې په ورځ (د تلې ۱۴مه) د مسکو فارمټ ۸مې ناستې د ګډې اعلامیې د نه خپرېدو په اړه د طالبانو او پاکستان ترمنځ پر اختلافاتو اندېښنه څرګنده کړې.
په هند کې لاریون کوونکو د ټاکنو کمېسیون تورن کړی، چې د حکومت په ګټه یې د رای ورکوونکو نوملړ بدل کړی؛ خو یاد کمېسیون او واکمن ګوند دغه ادعا رد کړې ده. د هند پولیسو هغه لاریون کوونکي پاشلي، چې د ټاکنو کمېسیون د مشر د استعفا غوښتنه یې کوله.
اېنپيار رسنۍ په یوه راپور کې ویلي، د طالبانو له بیا واکمنېدو پنځه کاله وروسته لاهم کوم لوېدیځ هېواد د یادې ډلې حکومت په رسمیت نهدی پېژندلی او دغه وضعیت د افغانستان پر اقتصاد او د خلکو پر ژوند ژور اغېز کړی دی.
د اروپايي ټولنې د بشري مرستو او ملکي خوندیتوب ادارې ویلي، د ۲۰۲۰ او ۲۰۲۴ کلونو ترمنځ یې په افغانستان کې شاوخوا ۷۷۱ مېلیونه یورو بشري مرستې لګولې؛ خو د طالبانو تر واک لاندې د ښځو او نجونو پر وړاندې محدودیتونو د مرستو رسولو او د بشري پروګرامونو اغېز له جدي ننګونو سره مخ کړی دی.
د بښنې نړۍوال سازمان څېړونکې اېریکا ګویرا روساس وايي، د طالبانو د لوړپوړو چارواکو د نیولو په اړه د جرمونو نړۍوالې محکمې حکم د نړۍوال عدالت لپاره یو مهم پړاو دی. هغې ټینګار کړی، چې د جنسیتي توپیر او د ښځو د ځورونې عاملان باید بېسزا پاتې نهشي.
د عدن امنیت ریاست د رسنیو دفتر اعلان کړی، چې یمني وسلهوالو د چهارشنبې په سهار دوه توغندي د یمن پر عدن نړۍوال هوايي ډګر توغولي دي؛ خو د اوښتې مرګ ژوبلې په اړه یې څه نهدي ویلي.
اریانا افغان هوايي شرکت اعلان کړی، چې له نږدې ۱۵ کلونو وروسته یې د ټکټونو پلور او د عملیاتي سیسټمونو او وېبپاڼې د مدیریت په برخه کې له یوه پاکستاني شرکت سره خپل قرارداد پای ته رسولی.
د عوامي نېشنل ګوند مرکزي مشر ایمل ولي خان د پنجاب پر اعلیٰ وزیرې مریم نواز نیوکه کړې او ویلي یې دي چې د پاکستان د تېرو څو لسیزو د امنیتي او افغان پالیسۍ پایلې باید پر خیبر پښتونخوا ونه تپل شي.
د امریکا د متحده ایالتونو مرستیال ولسمشر جي ډي ونس له رویټرز خبري اژانس سره په یوه ځانګړې مرکه کې وویل چې د اووه میاشتنۍ جګړې د پای ته رسولو لپاره باید د ایران اسلامي جمهوریت د یورانیمو د بډاینې کچه په بې ساري ډول راټیټه کړي.
د پښتونخوا په لنډي کوتل کې د حمزه بابا په نوم د افغان کډوالو د بېرته ستنولو د کمپ مسوولین وایي چې له دغه مرکز څخه یې تېره ورځ له ۲۸۰ ډېر افغانان د تورخم له لارې افغانستان ته په جبري ډول جبري ستانه کړي دي.
د برېټانیا د محافظهکار ګوند یوه لوړپوړي چارواکي کریس فلیپ ویلي، که دغه ګوند په راتلونکو ټاکنو کې واک ته ورسېږي، د اوسني حکومت هغه پروګرام به سمدستي لغوه کړي چې د افغانانو او فلسطینیانو لپاره د پناه غوښتنې نوې او خوندي لارې رامنځته کوي.
پر طالب ویاندویانو د پرله پسې نیوکو وروسته، د حکومت د رسنیو مرکز لپاره د طالبانو مشر له رسنیزو بنسټونو غوښتي، چې د ویاندویانو په ظرفیت لوړولو کې ورسره مرسته وکړي.
د سعودي عربستان په مشرۍ ایتلاف وايي، د یمني یاغیانو له لوري د دغه هېواد د سوېل لوېدیځ خمیس مشیط ښار پر لور توغول شوی یو بالستیک توغندی یې شنډ او ویجاړ کړی دی.
د پاکستان پنجاب ایالت د امنیتي ګواښونو له امله پر هر ډول عامه غونډو، لاریونونو او غونډېدو ۱۰ ورځنی بندیز لګولی دی. دا پرېکړه پر داسې مهال کېږي چې د مالي او سیاسي قضیو له امله د زنداني شوي پخواني لومړي وزیر عمران خان د پلویانو لاریون د اسلاماباد پر لوري روان دی.
د پاکستان ولسمشر اصف علي زرداري د سې شنبې په ورځ د ملګرو ملتونو سرمنشي انتونیو ګوترېش سره اسلاماباد کې د لیدنې پر مهال وویل، په افغانستان کې مېشتې ترهګرې ډلې لا هم پاکستان په نښه کوي. هغه زیاته کړې چې اسلاماباد د دې ډلو د بهرني ملاتړ په اړه شواهد له اړوندو لورو سره شریک کړي دي.
د برېتانیا پولیسو یو ۲۲ کلن برېتانیایي وګړی د فیرفورډ هوایي اډې تر څنګ د امنیتي پېښې او د ترهګریزو هڅو په شک نیولی دی. دغه اډه د امریکا د جنګي الوتکو کوربه توب کوي.
پنجشېر کې د طالبانو والي محمداغا حکیم د سې شنبې په ورځ (تلې ۱۴مه ) وویل، دیني عالمان باید له منبرونو څخه د خلکو د پوهاوي لپاره کار واخلي او ځوانان له هغو بهیرونو سره له یوځای کېدو راوګرځوي چې نوموړي «د باطل لار» بللې ده.
د امریکا ولسمشر ډونالډ ټرمپ د مریلینډ ایالت په یوه وینا کې د ایران حکومت د منځني ختیځ «شریر او زورور» وباله، خو ویې ویل چې دغه حکومت اوس «نور دومره زورور نه دی».
په کابل کې ځايي سرچینې وايي، طالبانو د کابل په لویدیځ کې د امید سبز ښارګوټي هغه درې استازي چې د سې شنبې په ورځ یې نیولي وو، له تضمین اخیستلو وروسته خوشې کړي دي.