په ناروې کې یوشمېر افغان معترضو ښځو او نارینهو، د مدني ټولنې فعالانو او د بشري حقونو مدافعینو د یکشنبې په ورځ په یوې اعتراضي غونډه کې د طالبانو د مشر هغه نوی فرمان وغانده، چې د کمعمره نجونو د ودونو اسانتیا او رسمیت پېژندنه پهکې شوې ده.
د افغانستان د فوټبال ملي لوبډله به نن دوشنبه (د غبرګولي ۱۱مه) په نړۍوالو څلور اړخیزو سیالیو کې د مالدیف په وړاندې لوبه وکړي. په دغه سیالیو کې د افغانستان، مالدیف، پاکستان او بنګلهدېش تر ۲۳ کلنو کم عمره ځوانانو لوبډلې برخه اخلي.
د امریکا ولسمشر ډونالډ ټرمپ ویلي چې د ایران سره د احتمالي اټومي هوکړې په اړه د سياېناېن راپور ناسم دی او دغه هوکړه په څرګند ډول د اټومي مسایلو په اړه بحث کوي.
د فرانسې ولسمشر امانوېل مکرون د سعودي عربستان په ګډون د څلورو عربي هېوادونو له مشرانو سره په ټیلېفوني خبرو کې ویلي، له تهران سره په هوکړه کې باید د ایران اټومي او د توغندیو پروګرامونه او همداراز د سیمې ثبات شامل وي.
د ښځو د حقونو فعاله او د طالبانو سره پخوانۍ زنداني، ظریفه یعقوبي، د طالبانو د ویاند ذبیحالله مجاهد وروستیو څرګندونو ته په غبرګون کې ویلي چې هغې او د هغې ملګرو د طالبانو د استخباراتو په زندانونو کې بېلابېل ډولونه شکنجې او جبري اعترافونه تجربه کړي دي.
د ایران د ولسمشر د دفتر د ارتباطاتو او اطلاع رسونې مرستیال سيد مهدي طباطبايي د مسعود پزشکیان د استعفا په تړاو اوازې «رسنیزې مضحکې لوبې» وبللې او په واضحو ټکو د پزشکیان د استعفا ورکړې په تړاو له څه ویلو پرته ویلي، پزشکیان به خلکو ته له خدمت کولو شاته نهشي.
د خېبر پښتونخوا اعلی وزیر سهیل اپریدي ادعا کړې چې د تحریک انصاف ګوند د بنسټګر عمران خان د یوې سترګې ۸۵ سلنه لید له منځه تللی دی. هغه ویلي چې یو ځل بیا به د اډیاله زندان مخې ته ورشي.
د تېر جمهوري نظام د دفاع وزارت سرپرست شاه محمود میاخېل له مسکو سره د طالبانو د نظامي- تخنیکي هوکړې لاسلیک کېدل د افغانستان په ګټه نهبولي او زیاتوي، په اوس وخت کې دغه ډول هوکړې افغانستان بیا د سیمې او نړۍ د سیالیو پر مرکز بدلوي.
طالبان ادعا لري، چې په افغانستان کې د نشهيي توکو کرکېله او کاروبار یې صفر ته رسولی، خو په بلخ کې د سلګونه کیلوګرامه نشهيي توکو ترلاسه کول دغه ادعا تر پوښتنې لاندې راولي. د طالبانو کورنیو چارو وزارت وايي، د بلخ په مرکز کې یې نږدې ۲۰۰ کیلوګرامه نشهيي توکي نیولي دي.
په عشقاباد کې د ترکمنستان د قالینو په ملي جشن کې، د کوربه هېواد د دودیزو قالینو تر څنګ افغاني غالۍ هم نندارې ته وړاندې شوې چې د ګډونوالو پام یې ځان ته اړولی دی.
د سوریې د جمهوري ریاست دفتر ویلي چې د دغه هېواد د انتقالي حکومت مشر احمد الشرع د امریکا له ولسمشر ډونالډ ټرمپ سره په ټیلیفوني خبرو کې د سوریې د اقتصاد د ملاتړ او د سیمې د وروستیو بدلونونو په اړه بحث کړی دی.
د طالبانو د اقتصاد وزارت مرستیال، عبداللطیف نظری ویلي چې د لوی اختر په مناسبت یې په بامیان ولایت کې له یو شمېر غار مېشتو کورنیو سره لیدلي او له هغوی سره خواخوږي یې خپله ديني، انساني او ټولنیزه دنده بللې ده.
د بلوچستان ايالت د هرنايي ولسوالۍ په شاهرګ سیمه کې په یوه وسله وال برید کې د ۵ کسانو د وژل کېدو له پېښې وروسته خلکو اعتراضي پرلت پيل کړی دی. پرلت والو د دغو کسانو په وژنه کې د ککړو د نيولو او په سیمه کې د هر ډول ناامنۍ د مخنيوي غوښتنه کړې.
د اختر په ورځو کې د نورستان د منظرو لیدلو ته ګڼ هېوادوال ورمات شوي وو. په دې لړ کې په هوايي ډزو او سقوطي مرمیو کې یو ځايي اوسېدونکی وژل شوی او پرون بیا د سیلانیانو یوه موټر یو ټرافیک وهلی او پښه یې ورماته کړې ده. د نورستان اوسېدونکي له سیلانیانو د نظم مراعاتولو غوښتونکي دي.
طالبانو وایي چې د لوی اختر په ورځو کې د هېواد په څلورو ولایتونو کې له ۸۰ زیاتې ترافیکي پېښې ثبت شوي چې له امله یې لسګونه کسان مړه او ټپیان شوي. دوی ویلي، دغه پېښې تر ډېره د موټر چلوونکو د بېاحتیاطۍ، له ټاکلي حده د زیات سرعت او د ترافیکي قوانینو د نه مراعات له امله رامنځته شوي.
د هند د کرکټ غوره لیګ (ای پي ایل) پایلوبه د رویال چلنجرز بنګلور او ګجرات ټایټنز لوبډلو ترمنځ ترسره شوه چې په پای کې بنګلور لوبډلې د بریا په خپلولو سره د دغه سیالیو اتلولي وګټله.
د عوامي نېشنل ګوند مشر اېمل ولي خان وايي، دین د انسان او د هغه د خالق ترمنځ شخصي اړیکه ده او هېڅوک د دین د انحصار یا مطلق واک ادعا نه شي کولای. نوموړي دا څرګندونې د «رښتیا رښتیا دي»په نوم د خپلې نوې پوډکاسټ خپرونې په اړه د تبصرو پر مهال کړې دي.
د ناروې د کډوالو شورا مشر یان ایګلنډ، خبرداری ورکړی، چې په ایران کې مېشت میلیونونه افغانان د جګړې او اقتصادي بحران له امله له سختو شرایطو سره مخ دي او بېړنیو بشري مرستو ته اړتیا لري.
په کابل کې د ترکیې سفارت په لغمان کې د ټرافیکي پېښې له امله خپله ژوره خواشیني څرګنده کړې ده. دغه سفارت د یوې خبرپاڼې په خپرولو سره د یادې پېښې له امله افغان ولس ته تسلیت هم ویلی دی. په یاده ټرافیکي پېښه کې له پاکستانه راستنېدونکي له ۲۰ ډیر کسان وژل شوي او ۳۳ نور ټپيان شوي دي.
په جرمني کې مېشتو یو شمېر افغانانو د دغه هېواد په پلازمېنه برلین کې د افغانستان د ښځو او نجونو د حقونو په ملاتړ اعتراضي لاریون ترسره کړی او ویلي یې دي چې نړۍ دې د افغان ښځو غږ واوري.
د پاکستان د جماعت اسلامي ګوند د بلوچستان ایالت مشر هدایتالرحمن بلوڅ پر ځوانانو غږ کړی چې وسلې دې نه اخلي، غرونو ته دې نه خېژي، بلکې د خپلو حقونو لپاره دې ډیموکراټیکه مبارزه وکړي. هغه له خلکو وغوښتل، «سړکونو ته راووځئ. دا پارلمان د کوم خان، سردار او پانګهوال شخصي ملکیت نه دی.