د افغانستان د ژغورنې ملي مجمع د مسکو فارمټ اتمې ناستې پر بهیر نیوکه کړې او ویلي یې دي، سیمهییز نوښتونه هغه مهال اغېزمن کېدای شي چې د افغانانو پر پراخ ګډون او د یوه پراخ بنسټه سیاسي نظام پر رامنځته کېدو ولاړ وي.
د افغانستان لپاره د ملګرو ملتونو ځانګړی راپور ورکوونکی ریچارډ بېنېټ د طالبانو د دوو چارواکو په اړه د جرمونو نړۍوالې محکمې د نیولو حکمونو علني کېدل «ډېر مهم» او «د پام وړ» بللي دي.
د ټېسلا او سپېساېکس مشر ایلان ماسک یو ځل بیا تریلیونر شوی او شتمني یې له درېیو میاشتو وروسته د لومړي ځل لپاره له یو ټریلیون ډالرو اوښتې ده.
د امریکا د خزانې وزارت د بهرنیو شتمنیو د کنټرول دفتر «اوفک» خبرداری ورکړی چې له ایران یا د دغه هېواد له مالي سکتور سره معاملې کوونکي بهرني مالي بنسټونه ښايي له مخکېني خبرداري پرته تحریم شي.
امریکا ته د افغانانو د لېږد بنسټ (افغانایواک) په وینا، د افغانستان د لندمهاله خوندي وضعیت قانون د امریکا د استازو جرګې د رایې اخیستو پر لور مهم ګام اخیستی او په ورته وخت کې په قطر کې د السیلکیه کمپ د فعالیت موده هم نهه میاشتې نوره غځول شوې ده.
د ملګرو ملتونو سرمنشي انتونیو ګوترېش د پاکستان د بهرنیو چارو وزارت په بلنه د درېورځني رسمي سفر په موخه اسلاماباد ته رسېدلی، چې د اکتوبر له ۶مې تر ۸مې به دوام وکړي.
د جمهوریت پر مهال د کانونو او پټرولیم وزیره نرګس نهان وايي، د جرمونو نړیوالې محکمې له خوا د طالبانو د څلورو لوړپوړو چارواکو د نیولو حکمونه د افغان ښځو او نجونو د «نه ستړې کېدونکو هڅو» پایله ده او هېوادونه باید د دغو حکمونو په عملي کېدو کې له محکمې سره همکاري وکړي.
د ملګرو ملتونو د بشري حقونو شورا د افغانستان د بشري حقونو په اړه په یوه پرېکړهلیک کې له طالبانو غوښتي چې هغه ټول سیاستونه او اقدامات لغوه کړي چې د ښځو او نجونو اساسي بشري حقونه او ازادۍ محدودوي.
د امریکا ولسمشر ډونالډ ټرمپ وايي، دی فکر کوي چې ایران د فلایدوبۍ د الوتکې د وروستۍ پېښې مسوول دی. هغه د خپلې ادعا لپاره کوم مشخص شواهد نه دي وړاندې کړي.
د افغانستان د سولې او سیاسي جوړجاړي په هڅو کې د ملګرو ملتونو پخوانی استازی بننسوان د ۸۸ کلونو په عمر ومړ. هغه د خپل شاوخوا څلوېښت کلن ملکي خدمت یوه مهمه برخه د افغانستان د جګړې سیاسي حل، د ژنیو تړونونو د عملي کېدو او له افغانستان سره د بشري مرستو د همغږۍ لپاره تېره کړې وه.
د ایران د بهرنیو چارو وزارت د جنوبي اسیا عمومي مدیر محمدرضا بهرامي وايي، تهران چمتو دی چې د طالبانو او پاکستان ترمنځ د روان کړکېچ د کمولو او د دواړو لورو د اړیکو د ښه کېدو لپاره منځګړیتوب وکړي.
د طالبانو په کنټرول کې اریانا افغان هوایي شرکت وايي، د ټکټونو د پلور، عملیاتي سیستم او وېبپاڼې مدیریت یې د «زپ وېز» په نوم د یوې پاکستانۍ کمپنۍ له شاوخوا ۱۵ کلن انحصاره ایستلی او په کم لګښت یې نوی، عصري او معیاري سیستم جوړ کړی دی.
ملاله بنسټ د جرمونو نړیوالې محکمې له خوا د طالبانو د څلورو مشرانو د نیولو حکمونو د عامه کېدو هرکلی کړی او ویلي یې دي چې دغه پرېکړه باید حکومتونه دې ته اړ کړي چې د طالبانو د ښځو او نجونو پر وړاندې د چلند په اړه نور سترګې پټې نه کړي.
مېټا، ټکټاک او اېکس په انګلستان کې د انلاین خوندیتوب د نوي قانون له مخې د معلوماتو د پراخو غوښتنو پر سر د دغه هېواد د مخابراتو له تنظیموونکې ادارې «افکام» سره حقوقي مخالفت څرګند کړی.
د طالبانو د ټرانسپورټ او هوايي چلند وزارت د هوا پوهنې ادارې د هېواد په څو ولایتونو کې د سختو ورښتونو، تېزو بادونو او ناڅاپي سېلابونو راوتلو اتکل کړې دي.
د اوکراین ولسمشر ولادیمیر زیلنسکي وايي، تمه لري امریکا په اکتوبر کې د اوکراین، روسیې او امریکا د درېاړخیزې غونډې د جوړېدو زمینه برابره کړي. د هغه په وینا، روسیه اوس تر ډېره پر اوکراین د بریدونو او په اروپا کې د بېثباتۍ پر هڅو تمرکز لري.
د بشري حقونو څار سازمان له هندي چارواکو غوښتي چې د رایهورکوونکو په نوملړونو کې د پراخو بدلونونو پر ضد د سولهییزو اعتراضونو له امله نیول شوي کسان خوشې کړي.
د امریکا د بهرنیو چارو وزارت په سعودي عربستان کې د روان امنیتي وضعیت له امله خپلو وګړو ته د احتمالي بېپیلوټه الوتکو او توغندیزو بریدونو د پېښېدو اړه د احتیاط سپارښتنه کړې ده.
د طالبانو مخالفې وسلهوالې ډلې، متحدې جبهې ادعا کړې چې د هلمند ولایت په یوه محبس یې د لاسي بم برید کړی، چې په پایله کې یې د طالبانو یو غړی وژل شوی او دوه نور ټپیان شوي دي.
په جینوا کې د افغانستان دایمي استازولۍ ویلي، د ملګرو ملتونو د بشري حقونو شورا له خوا د اجماع پر بنسټ د پرېکړهلیک تصویب د افغانانو ملاتړ څرګندوي. دغې استازولۍ ویلي چې افغانستان د باثباته او ټولشموله حل لپاره نړیوالې اجماع او همکارۍ ته اړتیا لري.
د افغانستان د پخواني ولسمشر مرستیال امرالله صالح وايي، د طالبانو د واک د دوام په اړه د سیمې د هېوادونو د ګډ دریځ له منځه تلل د افغانستان د خلکو لپاره ښه او د خوښۍ وړ خبر دی.