ځانګړې پانه
تر ټاکنو پورې۰۰ورځې۰۰ساعته۰۰دقیقې
د امریکا په سیاسي تاریخ کې منځمهاله ټاکنې ډېری وخت د ولسمشرۍ د لومړیو دوو کلونو په اړه د خلکو د قضاوت په توګه تعبیرېږي. خو د ۲۰۲۶ کال د نومبر درېیمې ټاکنې د ډونالډ ټرمپ لپاره تر دې هم پراخ اهمیت لري. د جمهوري غوښتونکو ګټه د ټرمپ راتلونکی واک تضمینولی شي خو ناکامي یې سرخوږی جوړوي.
د امریکا ولسمشر ډونالډ ټرمپ ژمنه کړې، چې که جمهوريپال ګوند د استازو جرګې او سنا په منځمهالو ټاکنو کې بریا ترلاسه کړي، هر بالغ امریکایي ته به له ۵ زره ډالرو ډېرې نغدې پیسې ورکړي.
رویټرز خبري اژانس راپور ورکړی، چې سپینه ماڼۍ د کانګرس په منځمهاله ټاکنو کې د ډیموکراتانو د بریا سناریو ارزوي او د هغه اقداماتو په اړه غور کوي چې ټرمپ یې د کانګرس له ملاتړ پرته هم ترسره کولای شي.
د امریکا ولسمشر ډونالډ ټرمپ د سېشنبې ورځې منځمهاله ټاکنې د دغه هېواد په تاریخ کې تر ټولو مهمې بللې دي. نوموړي ویلي، د جمهوريپاله نوماندانو د ملاتړ لپاره به لومړی ایوا او وروسته کانزاس ایالت ته سفر وکړي.
په امریکا کې یوې فدرالي قاضۍ د ډونالډ ټرمپ د ادارې هغه حقوقي دعوه رد کړې، چې موخه یې د الاسکا ایالت په منځمهاله ټاکنو کې د جمهوريپال سناتور ډان سالیوان د احتمالي ماتې د پایلو د تصدیق مخنیوی و.
رویټرز خبري اژانس د خپلو سرچینو له قوله ویلي، چې د امریکا ولسمشر ډونالډ ټرمپ او سلاکارانو یې داسې پلانونه جوړ کړي، چې د کانګرس ټاکنو د احتمالي بایلې په صورت کې د ولسمشرۍ له ځانګړو فرمانونو څخه په کار اخیستلو سره خپلې ځینې تګلارې پلي کړي.
د امریکا ولسمشر ډونالډ ټرمپ د یکشنبې په ورځ یو ځل بیا ټاکنیز کمپاین پیلوي او په ایوا او کانزاس ایالتونو کې غونډې کوي. دا دواړه هغه ایالتونه دي چې په دودیز ډول جمهوريغوښتونکي پکې پیاوړي دي، خو د ټرمپ ګوند هڅه کوي په منځمهالو ټاکنو کې د مشرانو جرګې څوکۍ وساتي.
د امریکا منځمهالو ټاکنو ته تر یوې اوونۍ په کم وخت کې، تر ۴۳ میلیونو ډېرو امریکایانو مخکې له وخته خپلې رایې کارولې. د شمېرو له مخې، له وخت مخکې د رایې ورکولو په بهیر کې د ګډون کچه د تېرو ټاکنو په پرتله په څرګند ډول لوړه شوې، ټکساس ایالت پکې د زیاتوالي تر ټولو لوړه کچه ثبت کړې ده.
ولسمشر ټرمپ د پنجشنبې په ورځ په جنوبي کارولینا کې په دوو اونیو کې د دویم ځل لپاره د ټاکنیز کمپاین غونډه کوي. نوې نظرپوښتنې ښيي، چې د دغه ایالت د مشرانو جرګې څوکۍ لپاره د جمهوري غوښتونکو د نوماندې ډارلین ګراهام او ډیموکراټې نوماندې اېني اېنډروز ترمنځ نږدې سیالي روانه ده.
