د ټرانزیټي سوداګرۍ د ناوړه ګټې اخیستنې د مخینوي او روڼتیا ډاډمنتیا، په موخه د پاکستان حکومت د امریکا، ناټو او ایساف ځواکونو ته د تېلو محصولاتو او نورو توکو د رسولو د څارنې لپاره د سوداګریزو توکو د لېږد او څارنې قانون معرفي کړ.
پاکستان د افغانستان د ټرانزیټي سوداګرۍ لپاره نويې تګلاره اعلان کړې ده.
د ټرانزیټي سوداګرۍ د ناوړه ګټې اخیستنې د مخینوي او روڼتیا ډاډمنتیاپه موخه د پاکستان حکومت د امریکا، ناټو او ایساف ځواکونو د تېلو محصولاتو او نورو توکو د رسولو د څارنې لپاره د سوداګریزو توکو د لېږد، او ۲۰۲۳ کال د سوداګریزو توکو د څارنې قانون معرفي کړ.
د پاکستان د عوایدو فدرالي بورډ(ایف بي آر) د اګسټ په لومړۍ نیټه د ۲۰۰۱ کال د ګمرکي اصولو د تعدیلولو لپاره یو قانوني تنظیمي حکم (اېس آر او) د روان ۲۰۲۳ کال د اګسټ پر لومړۍ نېټه خپور کړ.
د پاکستان د عوایدو فدرالي بورډ یوه چارواکي د جمعې په ورځ اېکسپرېس ټرېبیون ته وویل، چې نوې تګلاره به د تېلو محصولاتو او په نورو هغو توکو پلې شي چې افغانستان ته لېږدول کېږي.
نوموړی زیاتوي، که په ګاونډي هېواد کې ناټو او ایساف ته د اکمالاتو لړۍ بیا پیل شي، نو د نویو تګلارو له مخې به یې څارنه وشي.
دغه چارواکي دا هم ویلي، یوازې هغه شرکتونه چې جواز لري کولای شي ټرانزیټ وڅاري.
د دغه نوي قانون له مخې شرکتونو ته نوي اصول وړاندې شوي دي، چې له مخې یې هغه شرکتونه چې غواړي په دې برخه کې کار وکړي، باید د جواز ورکولو کمیټې څخه د جواز تر لاسه کولو لپاره غوښتنه وکړي.
د دغه نویو اوصولو له مخيې ټول قوانین به د جواز ورکولو پر کمېټه هم پلي شي.
او په کراچۍ کې د ټرانزیټ سوداګرۍ د مرکزي دفتر مشر به د جواز ورکولو کمیټې د مشر په توګه دنده ترسره کوي.
هر غوښتونکی باید ددې توان ولري چې لږ تر لږه د ۱۷۵ ملیونه پاکستانۍ روپیو په ارزښت پروژه ترسره کړي.
