د ننګرهار په سره رود ولسوالۍ کې پنځو کسانو ته مرګ ژوبله اوښتې
د ننګرهار امنیه قوماندانۍ تایید کړه، چې د دوشنبې په ورځ (د زمري ۱۶مه) د دغه ولایت په سره رود ولسوالۍ کې د یوه لاسي بم په چاودنه کې د یوې کورنۍ دوه غړي وژل شوي او درې نور ټپیان دي.
د ننګرهار امنیه قوماندانۍ تایید کړه، چې د دوشنبې په ورځ (د زمري ۱۶مه) د دغه ولایت په سره رود ولسوالۍ کې د یوه لاسي بم په چاودنه کې د یوې کورنۍ دوه غړي وژل شوي او درې نور ټپیان دي.
د ننګرهار د امنیې قوماندانۍ ویاند عبدالبصیر زابلی وايي؛ چې یاده پېښه تېره ورځ د سره رود ولسوالۍ د شېخ مصري کمپ په سیمه کې رامنځته شوې ده.
نوموړی وايي چې د ناپېژاندو کسانو له خوا یوه کور ته لاسي بمونه ورغورځول شوي؛ چې له امله یې دوه ماشومان وژل شوي او درې نور ټپیان دي.
دی زیاتوي چې ټپیان روغتون ته وړل شوي او د پېښې په اړه پلټنې روانې دي.
د یادونې وړ ده، چې تېر کال په همدغې سیمې کې یوې سراچې موټر ته لاسي بم ورغورځول شوی و، چې له امله یې ډرېور او یوه سپرلۍ زخمیان شوي وو.
