بريتانيا وايي، له ترکيې سره يېداسې هوکړه کړې، چې له مخې یې د دېمديترانه يي هېواد له لارې اروپا ته د ناقانونه کډوالو د تګ بهیر ورو شي. د رویټرز خپري اژانس د راپور له مخې، په دې تړون کې د قاچاقیانو او د کډوالو لېږدوونکو کښتیو پرضد د پوليسو ګډ عمليات هم شامل دي.
د رویټرز خبري اژانس د چارشنبې ورځې د راپور له مخې، د بریتانیا حکومت وايي،د دې هوکړه لیک له مخې به دوی د ترکیې د پولیسو د هغه نوي مرکز ملاتړ وکړي چې د قانون پلي کولو په برخه کې د همکارۍ لپاره ایجاد شوی دی.
د بریتانیاد کورنیو چارو وزیرخ سویلا برېورمن د سې شنبې په ورځ دا هم وویل، چې د نوي هوکړه لیک له مخې به د ګمرکونو معلومات ډیر ژر تبادله کېږي.
سویلا برېورمن زیاتوي: «له نږدې ملګرې او متحدې ترکیې سره زموږ ملګرتیابه زموږ د قانون پلي کوونکو ادارو ته دا وړتیا ورکړي چې په دې نړیواله ستونزه کې په ګډه کار وکړي او د کوچنیو کښتیو د لېږد لړۍ ودروي.»
د راتلونکي کال له احتمالي ټاکنو مخکې په بریتانیا کې د بې قانونهکډوالۍ مسله په سیاسي ایجنډا کې مهمه ده.
د بریتانیا لومړي وزیر رشي سونک دغه هېواد ته د بې قانونهکډوالو د شمیر کمول د دې کال مهمه ژمنه بللې.
دې کار سره هغه هڅه کوي چې نظر پوښتنو کې د اپوزیسیون کارګر ګوند برلاسی کم کړي.
دې ورستیو ورځو کې بریتانیا ځینې پناغوښتونکي سوېلي سمندرغاړه کې یوې بېړۍ ته ولېږدول.
برینانیا دې پلان سره غواړي د کډوالۍ برخې لګښت او هوټلونو کې د بې قانونه کډوالو مېشتول کم کړي.
