د ترکیې پولیسو له انساني قاچاق سره د مبارزې د مرکزي دفتر په همکارۍ شاوخوا ۴۰ تنه افغان کډوال نیولي دي. دا کډوال په ارتوین ښار کې په یوه لارۍ کې پټ وو. د پولیسو په وینا، دا کسان افغانستان ته د ستنولو لپاره د دې ښار د کډوالۍ ریاست ته استول شوي.
د ترکیې پولیسو د جمعې په ورځ (د اسد ۲۷ مه) وویل دا کسان ځايي وخت د شپې دوه بجې د پلټنې پرمهال په یوه لارۍ کې نیول شوي دي.
په دې رورستیو میاشتو کې په ترکیه کې د افغان کډوالو د نیولو او شړلو عملیات چټک شوي دي.
د ترکیې پولیسو د روان کال له پیل راهیسې شاوخوا ۴۰۰۰ افغان کډوال په بېلابېلو ښارونو کې نیولي او افغانستان ته یې ستانه کړي دي.
وروسته له هغه چې طالبان پر افغانستان واکمن شول، زرګونو افغانانو له ایران او ترکیې څخه اروپا ته د تللو لپاره سختې لارې غوره کړې دي.
ملا احمد اخوند کوټې ته ننوتلو سره جامې باسي او وروسته بړستن کې پټېږي؛ ورپسې یو ځوان چې د ملا احمد باډیګارډ بلل کېږي خونې ته ننوځي او له کمیس اېستلو وروسته له هغه سره په بړستن کې پټېږي.
یوې سرچینې افغانستان انټرنشنل ته وویل، په دې ویډیو کې هغه ۲۱ کلن ځوان، چې له ملا احمد اخوند سره یو ځای څملي، د نوموړي ساتونکی دی.
افغانستان انټرنشنل ځکه د دې ځوان هویت نه ډاګیزوي، چې معلومه نه ده پخپله خوښه یا له مجبوریت له ملا احمد سره څملي.
ملا احمد اخوند دې وروستیو کې د طالبانو د رییس الوزار ملا حسن اخوند په فرمان د کابل برېښنا شرکت رییس شو.
سرچینو افغانستان انټرنشنل ته وویل، ملا احمد بانفوذ او زورور طالب دی او د دې ډلې له نورو ځوانو غړو سره هم ورته رابطه لري.
دا ویډیو په داسې مهال نشرېږي چې طالبان وايي، د اسلامي شریعت له مخې د دوو نارینه وو جنسي اړیکه لواطت دی او که څوک دا چاره وکړي، باید سزا ور کړل شي.
خو د طالبانو دوه کلنې واکمنۍ ښوده چې دا ډله له ولس سره کوم سخت او ځیږ چلن کوي، له خپلو چارواکو سره یې نه کوي.
