موټر پلورونکي: د برېښنایي موټرو د پېرودونکو کچه کمه شوې ده

ټرمپ د امریکا په تاریخ کې لومړنی ولسمشر دی، چې په خپله ځان زندان ته سپاري. زندان ته تر رسېدو څو شېبې وروسته، د فولټون کانتي دفتر اعلان وکړ، چې په زندان کې د ټرمپ څخه د نېولو عکس واخېستل شو.

له شلو دقېقو وروسته، د ډونالډ ټرمپ د ساتونکو د موټرو کاروان له زندانه ووت.
ټرامپ له زندانه تر ستنېدو وروسته، د اتلانتا په هوایي ‌‌‌‌‌‌ډګر کې خبریالانو ته د هغه پر ضد د اعلان شویو جرمونه «ټاکنیز دخالت» وباله او ټينګار یې وکړ، چې هېڅ ‌‌‌‌‌‌ډول تېروتنه یې نه ده کړې.

هغه وویل:«موږ له هر پلوه دا حق لرو، که فکر کوو ټاکنې رښتینې او رڼې نه وې، هغه باید وننګوو.»

د امریکا د استازیو جرګې غړي مارجري ټېلور وویل، د ‌‌‌‌‌‌ډونلډ ټرمپ د نېونې عکس د ۲۰۲۴ کال په ولسمشریزو ټاکنو کې د هغه د بریالیتوب لامل ګرځي.

د استازیو د جرګې د جمهوري غوښتونکي ګوند غړي تروی نلز هم د ټرمپ د نېولو د عکس په غبرګون کې وویل: «دا د امریکا د اووه څلوېښتم ولسمشر عکس دی.»

زندان ته د ټرمپ له رسېدو وړاندې، د هغه ګڼ شمېر پلویان د فولټون کانټي زندان مخې ته راغونډ شوي وو؛ خو د هغه د مخالفانو یوه کوچنۍ ‌‌‌‌‌‌ډله هم د زندان مخې ته راټوله شوې وه.

په همدې حال کې، د دغه ښار پولیسو د فولټون کانټي زندان په شاوخوا کې کوټلي امنیتي ګامونه اخیستي وو او دغه زندان ته یې ټولې ورغلې لارې تړلې وې.

جمهوري غوښتونکي سناتور مارکو روبیو په جورجیا کې زندان ته د ټرمپ د سپارلو په اړه وویل: هغوی چې پریکړه کړې د څارنوالۍ له خوا د سزا د ورکولو، او له اخیستل شویو عکسونو څخه په ټاکنېزو منډو ترړو کې ګټه پورته کړي، د امریکا د سیاست په تاریخ کې یې یوه ویجاړوونکې دوره پيل کړې ده.

د امریکا د استازیو جرګې جمهوري غوښتونکی غړي الیز اسټفنیک هم وویل: بایډن غواړي، چې د ټرامپ پر ضد له دولتي امکاناتو کار واخلي او سپينې ماڼۍ ته د خپل دغه ټاکنیز سیال مخه ونیسي.

جمهوري غوښتونکي سناتور مارشا بلکبرن هم وویل، زندان ته د ‌‌‌‌‌‌ډونالد ټرمپ تسلیمېدنې امریکا ته «خطرناک تاریخ» پر ځای پرېښود.

هغه وویل: «امریکایان کولای شي ټرمپ ته د سزا ورکولو جوړه شوې دسیسه په سترګو وویني.»

تر دې مهاله له لسو تر اتلسو کسان چې د ټرمپ سره یو ځای په دغه جرم ګرم ګڼل شوي، ځانونه یې تسلیم کړي چې له هغې ‌‌‌‌‌‌ډلې یې کولای شو د ټرمپ وکیل رودي جولیاني او د هغه د دفتر پخواني رییس مارک مدوز نومونو ته اشاره وکړو.

ټرمپ تل پر هغه لګول شوي تورونه د جوبایدن له خوا د ۲۰۲۴ کال په ټاکنو کې د هغه د بریالیتوب د مخنیوي هڅې بللي.

د روسیې ولسمشر پوتین د پریګوژین د الوتکې له لوېدو یوه ورځ وروسته خپله خاموشي ماته کړه او د نوموړي د وژنې په اړه یې خپل پیغام خپور کړ.

وروسته له څلرویشتو ساعتونو د روسیې حکومت د اجیرې پوځي ډلې د مشر واګنر مړینه تایید کړه، چې په خونړۍ جګړه او د باخموت په سقوط کې یې مهم رول درلود.

هغه د روسیې له دفاع وزیر او اوکرایني جنګسالارانو سره د اختلافاتو له امله بغاوت وکړ.

ولادیمیر پوتین د اوکراین په جګړه کې د پریګوژین او د هغه د جنګیالیو ونډه وستایله او په افریقا کې یې د دې ډلې د رول ستاینه وکړه.

د مسکو په شمال کې د خپلې شخصي الوتکې د غورځېدو په پېښه کې د پریګوژین ناڅاپي مړینې د نړۍوالو پام پوتین ته اړولی او منتقدین یې وايي، چې پوتین په روسیه کې خپل مخالفین ځپلي او د ګڼو مخالفینو پر وژنې تورن دی.

رویټرز د دوو امریکایی چارواکو په حواله راپور ورکړی، چې د واګنر ګروپ د مشر الوتکه د روسیې په خاوره کې دننه له ځمکې څخه هوا ته د راکټ په واسطه ویشتل شوې ده.

په یوې بیانیه کې یوناسګار استوره وویل؛ د جنګي الوتکو د شمېر او د ورکړې د وخت په اړه به وروسته معلومات وړاندې کړي.

د دې ژمنې له اعلان سره سم؛ استوره (د وږی دویمه) د اوکراین د خپلواکۍ د ورځې په مناسبت په یوه ناڅاپي سفر کیف ته ولاړ.

مخکې له ناروې ډنمارک او هالند هم د یکشنبې په ورځ (د زمري ۲۹مه) ویلي وو، چې ورته جنګي الوتکې به اوکراین ته ورکوي.

دغه پوځي الوتکې کولای شي د اوکراین پوځ په لوړه کچه پیاوړی کړي.

د جنګ متخصصین وايي، چې د دوی کارول پېچلې روزنې او پاملرنې ته اړتیا لري. ځینو بیا د امریکا جوړو شویو جنګي الوتکو لپاره د روسیې پرمختللی هوایي دفاعي سیستم ستره ننګونه ګڼلې ده.

ډنمارک پلان لري، چې تر ۲۰۲۵میلادي کال پورې ټولټال ۱۹، ایف ۱۶ الوتکې اوکراین ته ورکړي. په همدې حال کې هالنډ وايي، چې کیف ته به د دغو جنګي وسایلو د شمېر په اړه له خپلو نړۍوالو ملګرو سره سلا مشورې وکړي.

پوځي کارپوهان په دې باور دي، چې دا الوتکې به په سږني اوړي کې د اوکراین د برید ضد ځواکونو د وړتیاوو پر زیاتولو اغېز ونه کړي.

دا ممکنه ده، چې د اوکراین پوځ شاید د کال په پای کې له هغوی څخه په پوځي عملیاتو کې کار واخلي؛ ځکه چې د دغو نویو الوتکو د ساتلو او کارولو لپاره د پیلوټانو او د ټول اړین پرسونل روزنه وخت ته اړتیا لري.

د متحده عربي اماراتو د الحبتور خیریه بنسټ له خوا نېږدې سلو افغانو جونو ته په اماراتو کې د زده کړو زمینه برابره شوې وه، خو د تېرې چهارشنبې په ورځ طالبانو د دغو نجونو د سفر مخه ونیوله.
عرب میلیاردر خلف بن احمد الحبتور ویلي، چې درې نجونې دوبۍ ته ور سېدلي او ډېر ژر به خپلو زده کړو پیل وکړي، نوموړي تېره ورځ (چهارشنبه) په یوه ویډیويي پیغام کې افغانو نجونو ته یې د زدکړو زمینه برابره کړې وه؛ خو طالبانو له افغانستان څخه د وتلو اجازه ورنه کړه.

الحبتور د طالبانو دا ګام یوه تراژیدي او پر انسانیت، زدکړو، برابرۍ او عدالت ګوزار بولي او له ښکېلو لورو غواړي چې د دې نجونو «د ژغورلو هڅې وکړي.»

دغې پېښې په نړۍواله کچه پراخ غبرګونونه راپارولي؛ خو طالبانو تراوسه په دې اړه چې ولې یې ددغو نجونو زده کوونکو د سفر مخه نیولې رسنیو ته څه نه دي ویلي.

د دغو دوو امریکایی چارواکو هویت چې د رویټرز لخوا د موضوع د حساسیت له امله نه دی ښودل شوی ویلي؛ لومړني معلومات نیمګړي دي او په اړه یې د امریکا د حکومت څېړنې روانې دي.

خو د امریکا ولسمشر د چهارشنبې په ورځ (د وږی لومرۍ) د یوګني پریګوژین د الوتکې د غورځېدو په اړه وویل، چې په روسیه کې د ډېرو پېښو تر شا د پوتین لاس دی.

د پوتین ډیری مخالفین او متحدین د روسیې په دننه او بهر کې د هغه له سرغړونې او یا هم په هغه د نیوکېو وروسته وژل شوي دي.

یوګني پریګوژین چې یو وخت د روسیې د ولسمشر ډېر نږدې متحد و، د سرطان په میاشت کې د اوکراین د جګړې له قوماندې سره د نا خوښۍ له امله د روسیې د حکومت پر ضد پاڅون وکړ او د اوکراین د جګړې لپاره یې د روسیې مهم پوځي مرکز ونیو.

په ځواب کې پوتین پریګوژین په خیانت «له شا په خنجر وهلو» تورن کړ.

ځینې ​​شنوونکي په دې باور دي چې د واګنر د ډلې د مشر د الوتکې غورځېدل په روسیه کې دننه د پوتین منتقدینو او مخالفینو ته ښکاره پیغام ورکوي.

بلخوا په برازیل کې د امبرایر الوتکې شرکت په وینا؛ یاده الوتکه چې پریګوژین یې لېږدلو، تر دېرش ثانیو مخکې له غورځیدو یې هېڅ فني ستونزه نه لرله.

د روسیې د هوايي چلند ادارې د هغې خصوصي الوتکې د ټولو سپرلیو مړینه تایید کړې، چې پریګوژین پکې و. خو روسي چارواکو تر اوسه په رسمي ډول د هغه د مړینې خبر نه دی ورکړی.