طالبان وايي په کابل او ولایتونو کې یې لسګونه کوډګر ونیول

د سره صليب نړۍوالې کميټې د افغانستان اقتصادي وضعيت خراب بللی او ويلي يې دي، چې د افغانستان ۵۵ سلنه وګړي بشري مرستو ته اړتيا لري.
دغه بنسټ په افغانستان کې له میلیونونو خلکو سره مرستو ته پر دوام ټینګار کوي؛ خو سره خبرداری ورکوی، چې اقتصادي بندیزونه به د افغانستان وضعیت نور هم خراب کړي.
په دغه راپور کې سره صلیب د افغانستان په بېلابېلو سیمو کې د روغتیايي خدمتونو، بېړنیو مرستو، له معلولینو سره مرسته،او د بیارغونې او د اوبو د بنسټونو جوړولو په برخو کې د خپلو خدمتونو په اړه معلومات ورکړي دي.

د دغه خدمتونو په تشریح کې ویل شوي، چې په ۴۷ روغتیايي مرکزونو کې څه باندې ۵۸۱ زره ناروغان چې ډېری یې ښځې او ماشومان دي، له روغتیايي خدمتونو برخمن شوي دي.

په راپور کې دا هم ویل شوي، چې سره صلیب ۶۰ په لاس لیکل شوي لیکونه او ۱۹ شفاهي پیغامونه د بندیانو او د هغوی د کورنیو ترمنځ تبادله کړي دي.

دغه سازمان د بندیانو د ۹۵ نورو لیکونو په رسولو کې هم مهمه ونډه لرلې ده.

ښاغلی کرزی وايي، هند او افغانستان په یوه سیمه کې پراته هېوادونه دي؛ خو د هند د ستر پرمختګ عامل زده‌کړه او علم ته د هغوی پاملرنه ده.

نوموړی وايي، پر طالبانو غږ کوم چې د نجونو له پاره د ښوونځیو او پوهنتونونو دروازې ژر تر ژره پرانیزي او کار ته دې د ښځو د بېرته ستنېدو زمینه برابره کړي، چې افغانستان د علم او پوهې په رڼا کې د روښانه راتلونکې په لور ګړندي ګامونه اوچت کړي.

د هند د چاندریان-۳ فضايي بېړۍ د چهارشنبې په ورځ (د وږی لومړۍ) د یوه پلټونکي ماموریت لپاره سپوږمۍ ته ښکته شوه.

هند څلورم هېواد دی، چې سپوږمۍ ته رسېدلی او لومړنی هېواد دی چې د سپوږمۍ پر سویلي قطب کې یې فضايي بېړۍ کېنولې ده.

دا فضایي بیړۍ د روان کال د سرطان په ۲۳مه د هند د سویل شرقي ساحلونو څخه فضاء ته ولېږدول شوه.

د طالبانو په کنټرول کې د باختر خبري اژانس د خبر له مخې، ملا عبدالحق اخند په دغې لیدنه کې د سره صلیب د نړۍوالې کمېټې د لازیاتو همکاریو غوښتنه وکړه چې د روږدو کسانو د درملنې له مرکزونو سره لا زیاته همکاري او ملاتړ وکړي.

د دغې رسنۍ په لیکنه، د سره صلیب نړۍوالې کمېټې هم ژمنه کړې چې په یادې برخه کې به د طالبانو لاس نیوی کوي.

دغه غوښتنه داسې مهال شوې، چې د درملنې مرکزونه په تېره بیا د روږدو کسانو مرکزونه د بودجې او کارپوهه کسانو له کمي سره مخامخ دي.

د طالبانو د حکومت د روغتیا وزارت ویلي و، چې په افغانستان کې درې نیم ملیونه کسان په نشه یي توکو روږدي دي.

د روږدو کسانو د درملنې په اړه د دغې ‌‌‌‌‌‌ډلې تګلاره دا ده، چې روږدي کسان راټول او په جبري توګه هغوی له نشه یي توکو څخه راوګرځوي.

د جرمني د بهرنیو چارو وزارت پنجشنبه د شپې ناوخته (د وږي په دویمه) په یو ټویټ کې ولیکل، چې النا بربوک او ریچار‌‌‌‌‌‌ډ بېنټ په افغانستان کې پر روان وضعیت او د هغه هېواد له خلکو په ملاتړ خبرې وکړې.

د جرمني د بهرنیو چارو وزیر سږ کال د چنګاښ مېاشتې په وروستیو کې د اروپایي ټولنې له خوا د طالبانو په د پوهنې او عدلیې پر وزیرانو او د طالبانو پر قاضي القضات له بندیزونو سره سم ویلي و، چې هغوی په افغانستان کې د بشري حقونو ستر سرغړوونکي دي.

اروپایي تولنې پر دغو درې تنو طالب چارواکو د بشري حقونو په سرغړونې، د ښځو او نجونو سره په توپيري چلند او د هغوی پر زده‌کړو د لګول شویو بندیزونو له امله بندیزونه لګولي دي.

د دغې خبرپاڼې له مخې چې د چهارشنبې په ورځ (د وږي لومړۍ نېټه) خپره شوې، په ترکیه کې مېشتو افغان هنرمندانو خپل هنري اثار لکه انځورګري، خطاطي، د لرګو نه په کار اخیستنې هنري اثار، افغاني غالۍ او لاسي صنایع نندارې ته وړاندې کړې.

په ترکیه کې افغان سفارت وایي، دغو اثارو د افغانستان د بېلابېلو سیمو د فرهنګي او تاریخي ارزښتونو څرګندونه کوله.

100%

په انقره کې د افغانستان سفارت خبرپاڼه لیکي، چې یوشمېر ‌‌‌‌‌‌ډيپلوماټانو، د پارلمان غړیو، د سیاسي ګوندونو استازیو او د ترکیې ښاروالانو له دغه نندارتون څخه لېدنه وکړه.