د پي ټي ایم غړي: د پاکستان پوځ د پښتنو پر وړاندې له بشري او مدني حقونو سرغړونه کوي

د پاکستاني رسنیو د راپور له مخې، د سیند حکومت دا هم وايي، چې د واکسین بریښنايي ریکارډ هم جوړېږي او تر دې وروسته به هغو کسانو ته زېږلیک یا د زېږېدو سند نه ور کول کېږي چې واکسین یې ثبت شوی نه وي.

د سیند والي کامران ټیسوري پرون - د اګسټ ۲۵- دا لایحه تصویب کړې ده چې موخه یې د پولیو او نورو ناروغیو مخنیوی او د هغو په مقابل کې بدني پیاوړتیا ښودل شوې ده.

افغانستان او پاکستان په نړۍ کې دوه داسې هېوادونه دي چې پولیو پکې شته.

پاکستان کې د پولیو او نورو واکسینونو لپاره هڅې په داسې مهال دي چې په افغانستان کې د طالبانو واکمنېدو سره د دې واکسین هڅې ټکنۍ شوې دي.

د روغتیا نړیوال سازمان تازه خبرداری ور کړی چې په کندهار کې د پولیو ضد کور په کور کمپاین په محدودېدو سره په دغه ولایت کې ماشومان په پراخه کچه د پولیو له سخت خطر سره مخ دي.

دغه سازمان وايي، سږ کال په افغانستان کې د پولیو ۳۲ مثبتې پېښې ثبت شوې دي

د رسمي شمېرو له مخې، د ډالر په مقابل کې تر پرون راهیسې د روپۍ ارزښت ۷۸ پیسې غورځېدلی دی.

د جیو نیوز راپور وايي، په تېره یوه اونۍ کې په رسمي کچه د پیسې په مقابل کې د ډالر ارزښت ۵ روپۍ او ۲۲ پیسې پورته شوی دی.

د پاکستان مرکزي بانک د پنجشنبې په ورځ په اول ځل وویل، چې یو ډالر له درې سوه روپیو سره برابر شوی دی.

دا په تاریخ کې لومړی ځل و چې د ډالر په مقابل کې د روپۍ ارزښت په ریکارډ کچه ټیټ شو.

د روپۍ د ارزښت کمېدو سره په پاکستان کې د خوراکتوکو په ګډون د مختلفو اړتیا وړ شیانو بیې هم زیاتېږي.

د ډالر او نورو پیسو په مقابل کې د روپیو ارزښت له څو میاشتو راهیسې کمېږي او باور دا دی چې دا کرنسي به ارزښت نور هم وبایلي.

همدا وجه ده چې پاکستاني وګړي خپلې روپۍ ډالرو ته اړوي چې دا هم د روپۍ ارزښت کمېدو کې رول لري.

د جیو نیوز د جمعې په ورځ- د وږي ۳- د راپور له مخې، ممتاز زهرا بلوچ په اونیزه غونډه کې خبریالانو ته دا خبره وکړه.

هند او پاکستان دوه اټومي ګاونډي او درې ځلې یې خپلمنځي جګړه کړې ده.

دواړه د کشمیر پر سر اختلاف لري او نوی ډېلی پاکستان په خپله خاوره کې د هند ضد وسلوالو ته په پنا ور کولو تورنوي.

د هند د چاندریان-۳ ستوربېړۍ د چهارشنبې په ورځ (د وږی لومړۍ) د یوه پلټونکي ماموریت لپاره پر سپوږمۍ کېناسته.

هند څلورم هېواد دی، چې سپوږمۍ ته رسېدلی او لومړنی هېواد دی چې د سپوږمۍ پر سویلي قطب کې یې فضايي بېړۍ کېنولې ده.

دا ستوربیړۍ د روان کال د سرطان په ۲۳مه د هند د سویل شرقي ساحلونو څخه فضا یا تشیال ته ولېږل شوه.

یاده یوه ورځینۍ لوبه چې نن پنجشنبه په سرېلنکا کې د افغانستان په توپ وهنې پیل شوه، د پاکستان لپاره یې د ۳۰۱ منډو هدف وټاکه.

د لوبې په پیل کې د پرانیستونکو توپ وهونکو ابراهیم ځدراڼ او رحمان الله ګربز له خوا ۲۲۷ منډې وشوې.

خو پاکستان په ډېر کم توپیر سره د لوبې په وروستي اور د افغانستان له خوا ټاکلی هدف پوره کړ او لوبه یې په خپلې ګټې تمامه کړه.

دا لومړی ځل دی، چې د افغانستان او پاکستان د کرېکټ د ملي لوبډلو ترمنځ د درېیو یو ورځنیو سیالیو لړۍ ترسره کیږي.

دواړه هېوادونه له دې لوبو د راتلونکي اسیا جام لپاره، چې د روانې میاشتې په پای کې په سرېلنکا کې کیږي د چمتووالي په موخه کار اخلي.

د یادونې وړ ده، چې د پنځوس اوریزو لوبو په دغې لړۍ کې لومړۍ لوبه هم پاکستان له افغانستان څخه په ډېر لوړ توپیر ګټلې وه.

د پنجاب د بېړنیو خدماتو ویاند فاروق احمد، د چهارشنبې په ورځ (د وږی لومړۍ) د فرانسې خبري اژانس ته وویل، چې تراوسه یې سلګونه کسان ژغورلي دي.

د پنجاب د اعلی وزیر محسن نقوي په وینا؛ وروسته د موسمي سختو بارانونو له امله، چې د سېلابونو لامل شول، هند د زمري په ۲۹مه د یکشنبې په ورځ له خپلو ذخیرو څخه په ثانیه کې نږدې ۸۵ زره مکعب متره اضافي اوبه ستلج سیند ته وغورځولې، چې له امله یې د پاکستان په ختیځو سیمو کې سېلابونه رامنځ ته شول.

د سیل په وختونو کې هند تر دې پخوا هم خپلې اضافي اوبه هغو سیندونو ته ورپرېښي، چې د پاکستان په لور بهیږي، خو مخکې له دې کار یې خبرداری ورکاوه.

پاکستان تل د هند دغه کار غندلی دی.

د پنجاب د ځايي چارواکو په وينا؛ د سيند د اوبو پر ډېرېدو محافظتي دیوالونو ونه شو کولی چې مقاومت وکړي او د اوبو په بهیدلو سره د سلګونو کلیو د تګ راتګ لارې بندې شوې.

د فرانسې خبري اژانس د پاکستاني چارواکو په حواله ویلي، چې په سیلاب ځپلو سیمو کې د ژغورنې عملیات دوام لري او د ژغورنې ډلې اړ شوي، چې د خلکو او څارویو د ژغورلو لپاره له کښتیو کار واخلي.

د راپورونو له مخې؛ د موسمي بارانونو، سیلابونو، او ځمکې ښویدنې له امله لږ تر لږه ۱۷۵ کسان د غبرګولي میاشت کې مړه شوي دي.

د پاکستاني چارواکو په وینا؛ له دې جملې څخه شپاړس کسان د سرطان له ۱۸مې او د زمري ۳۱ مې د سیلابونو د اوبو په ویستلو کې مړه شول.

د تېر کال د ویجاړونکو سېلابونو په نتیجه کې د پاکستان تقریباً یو پر درېیمه برخه ځمکه اغېزمنه شوې وه او تر ۱۷۰۰ډېر کسان مړه شوي وو.