د افغانستان لپاره د ملګرو ملتونو د بشري حقونو ځانګړي راپو رورکوونکي له طالبانو دا وضاحت وغوښت چې ولې یې ښځې په بامیان کې بند امیر پارک ته له تګ منع کړې دي. ریچارډ بنټ خپل اېکس ټوېټر کې لیکلي، دا بندیز له شریعت او افغان کلتور سره څه تړاو لري.
د طالبانو امر بالمعروف او نهې له منکر وزیر محمد خالد حنفی د شنبې په ورځ وویل، ښځې تر دې وروسته بند امیر ملي پارک ته تر هغه نشي تللی، چې د دې ډلې حکومت ورته اصول برابر کړي نه وي.
دغه طالب چارواکي زیاته کړه، ښځو ته « سیاحت نه فرض دی او نه هم واجب.»
د نوموړي له وینا څو ګړۍ وروسته په بامیان کې د طالبانو د والي ویاند صبور فرزان سیغاني افغانستان انټرنشنل ته وویل، چې امیربند ته د تګ بندیز یوازې پر«بې حجابه ښځو» پلی کیږي.
بند امیر پارک ته د ښځو پر تګ بندیز ته د بشري حقونو فعالانو هم غبرګون ښودلی دی.
د انساني حقونو د څارډلې څېړونکې پرښته عباسي دا بندیز افغان مېرمنو ته بې احترامي بللې ده.
سپینې ماڼۍ د کابل په هوايي ډګر کې د عملیاتو پر مهال د ۱۳ امریکايي پوځیانو د وژل کېدو د دویم تلین په پار یوه خبرپاڼه خپره کړې. جوبایډن ویلي، امریکا به هېڅکله د افغانستان په دوه لسیزو جګړه کې د ۲۴۶۱ امریکايي پوځیانو د قربانیو زیان جبران نه کړي.
په هغه برید کې چې د ۲۰۲۱ کال د اګست په ۲۶مه له افغانستانه د ناببره وتلو په ورځو کې وشو، ۱۳ امریکايي پوځیان او نږدې دوه سوه افغان ولسي وګړي ووژل شول.
داعش خراسان ډلې د دغه برید مسوولیت په غاړه واخیست.
د امریکا ولسمشر د شنبې په ورځ (د وږي په څلورمه) وویل، چې د دغو ۱۳ پوځیانو په یاد ویاړي چې په افغانستان کې یې «ویاړلی ماموریت» ترسره کړ.
تر دې وړاندې د امریکا د استازو جرګې د وسلهوالو ځواکونو د کمېټې مشر ویلي وو، چې د کابل پر هوايي ډګر د خونړي برید دوه کاله وروسته هم د بایډن ادارې د هغې پېښې په اړه، نه سپیناوی د منلو وړ نه دي.
مایک راجرز زیاته کړه، چې له افغانستانه د بایډن حکومت د وتلو عملیاتو د څرنګوالي په اړه به خپلو څېړنو ته دوام ورکړي.
د امریکا د کانګرس د بهرنیو چارو د کمېټې د غړو په ګډون یو شمېر امریکايي چارواکو د بایډن اداره له افغانستانه د ځواکونو د اېستلو په عملیاتو کې په بې غورۍ تورنه کړې ده.
د افغانستان د ازادۍ جبهې ادعا کړې ده، چې په لغمان او کندهار ولایتونو کې يې په دوو جلا،جلا بريدونو کې درې تنه طالبان وژلي او اوه نور بیا ټپيان دي.
دغې جبهې نن په اېکس شبکه کې د یوې خبرپاڼې په خپرولو سره ویلي، چې د دوی ځواکونو تیره شپه د لغمان ولایت په دولت شاه ولسوالۍ کې د "شادو چملیس" په نوم د طالبانو پر یوې پوستې برید کړی، چې په پایله کې دوه طالبان وژل شوي او درې نور یې ټپیان دي؛ خو تر دې دمه کومې خپلواکې سرچینې د دغو ادعاوو پخلی نه دی کړی.
"د افغانستان د ازادۍ جبهې" همداراز په یوې بلې خبرپاڼه کې ویلي، چې تېره ورځ ماسپښین مهال د دې جبهې ځواکونو د کندهار ښار په اوومه ناحیه کې د پنجوايي ـ میرویس مېنې په څلورلارې کې د طالبانو پر یوې پوستې برید وکړ.
د دغې جبهې د خبرپاڼې له مخې، په دې برید کې یو طالب وژل شوی او د دغې ډلې څلور نور جنګیالي ټپیان شوي دي.
د افغانستان د ازادۍ جبهې ویلي، چې په دې برید کې د دوی ځواکونو ته زیان نه دی رسېدلی.
"د افغانستان د ازادۍ جبهې" تر دې مخکې هم د هېواد په بېلابېلو برخو کې د طالبانو پر ضد بریدونه کړي وو.
افغانستان انټرنشنل ته ځینو سرچینو ویلي، چې د طالبانو د اطلاعاتو او فرهنګ د ځوانانو چارو معنیت، دوه زدهکړیالان د ږېرو خریلو له امله «وهلي ډبولي» او د دغه معنیت له لیلیې یې شړلي دي.
طالبانو د یوه مکتوب په لېږلو، د دغې لیلیې مسوولینو ته دغه پرېکړه اورولې ده.
په دغه مکتوب کې چې د دوشنبې په ورځ د( زمري ۳۰مه) د طالبانو تر کنټرول لاندې د ځوانانو چارو معنیت ته لېږل شوی راغلي، چې دغه دوه زدهکړیالان« د ږېرو نه لرلو او په دې برخه کې د بیاځلي سپارښتنو ته د دوی د ناپامۍ له امله، له لیلیې شړل شوي او په دغه لیلیه کې د اوسېدو حق نه لري.»
لږ تر لږه درېیو سرچینو د دغه خبرې پخلی کړی، چې دغه مکتوب د ځوانانو چارو چار معنیت د لیلیې په دهلیز کې ځونډ شوی دی.
سرچینو ویلي، چې دغه دوه تنه د ادارې او حسابدارۍ انسټیټيوټ زدهکړیالان دي، چې د ځوانانو د چارو معنیت په لیلیې کې اوسېدل.
د سرچینو په وینا، هغه وخت چې دغو دوو زدهکړیالانو په دغې لیلیه کې د اوسېدو لپاره ټینګار وکړ د دغې ډلې د کسانو لخوا وډبول شول.
دغه لیلیه چې د طالبانو د اطلاعاتو او فرهنګ وزارت د ځوانانو معنیت تر چتر لاندې فعالیت کوي، د هغو زده کړیالانو لپاره چې له ولایتونو کابل ته راځي جوړه شوې ده.
د سرچینو د مالوماتو له مخې، شاوخوا ۲۵۰ زدهکړیالان چې د کابل په بېلابېلو پوهنتونونو کې پر زده کړو بوخت دي، په دغې لیلیه کې اوسیږي.
تېرکال د طالبانو د اطلاعاتو او فرهنګ وزارت په یوې خبرپاڼه کې لیکلي و، چې شاوخوا زر زدهکړیالان د ځوانانو د چارو معنیت په لیلیه کې اوسیږي.
سرچینو ویلي، چې په وروستیو کې ګڼ زدهکړیالان د طالبانو له سختو قانونو له امله اړ شوي، چې دغه لیلیه خوشې کړي.
په یوه خصوصي پوهنتون کې یو زدهکړبال هم افغانستان انټرنشنل ته ویلي، چې طالبان درسي ټولګیو ته ورځي او زدهکړیالانو ته خبرداری ورکوي، چې ږېرې به نه خریي.
پر افغانستان د طالبانو د بیاواکمنۍ د لومړي کال په وروستیو کې د طالبانو د امر بالمعروف وزارت اعلان وکړ، چې د ږېرو خریول حرام دي او له نایانو یې وغوښتل چې دغه امر پر ځای کړي.
په تېرو دوو کلونو کې هېوادوالو طالبان او په ځانګړې توګه د دغې ډلې د امر بالمعروف اداره د خلکو د ژوند« په خصوصي» چارو کې پر مداخلې تورنه کړې ده.
په دغه مکتوب کې چې د دوشنبې په ورځ د( زمري ۳۰مه) د طالبانو تر کنټرول لاندې د ځوانانو چارو معنیت ته لېږل شوی راغلي، چې دغه دوه زدهکړیالان« د ږېرو نه لرلو او په دې برخه کې د بیاځلي سپارښتنو ته د دوی د ناپامۍ له امله، له لیلیې شړل شوي او په دغه لیلیه کې د اوسېدو حق نه لري.»
لږ تر لږه درېیو سرچینو د دغه خبرې پخلی کړی، چې دغه مکتوب د ځوانانو چارو چار معنیت د لیلیې په دهلیز کې ځونډ شوی دی.
سرچینو ویلي، چې دغه دوه تنه د ادارې او حسابدارۍ انسټیټيوټ زدهکړیالان دي، چې د ځوانانو د چارو معنیت په لیلیې کې اوسېدل.
د سرچینو په وینا، هغه وخت چې دغو دوو زدهکړیالانو په دغې لیلیه کې د اوسېدو لپاره ټینګار وکړ د دغې ډلې د کسانو لخوا وډبول شول.
دغه لیلیه چې د طالبانو د اطلاعاتو او فرهنګ وزارت د ځوانانو معنیت تر چتر لاندې فعالیت کوي، د هغو زده کړیالانو لپاره چې له ولایتونو کابل ته راځي جوړه شوې ده.
د سرچینو د مالوماتو له مخې، شاوخوا ۲۵۰ زدهکړیالان چې د کابل په بېلابېلو پوهنتونونو کې پر زده کړو بوخت دي، په دغې لیلیه کې اوسیږي.
تېرکال د طالبانو د اطلاعاتو او فرهنګ وزارت په یوې خبرپاڼه کې لیکلي و، چې شاوخوا زر زدهکړیالان د ځوانانو د چارو معنیت په لیلیه کې اوسیږي.
سرچینو ویلي، چې په وروستیو کې ګڼ زدهکړیالان د طالبانو له سختو قانونو له امله اړ شوي، چې دغه لیلیه خوشې کړي.
په یوه خصوصي پوهنتون کې یو زدهکړبال هم افغانستان انټرنشنل ته ویلي، چې طالبان درسي ټولګیو ته ورځي او زدهکړیالانو ته خبرداری ورکوي، چې ږېرې به نه خریي.
پر افغانستان د طالبانو د بیاواکمنۍ د لومړي کال په وروستیو کې د طالبانو د امر بالمعروف وزارت اعلان وکړ، چې د ږېرو خریول حرام دي او له نایانو یې وغوښتل چې دغه امر پر ځای کړي.
په تېرو دوو کلونو کې هېوادوالو طالبان او په ځانګړې توګه د دغې ډلې د امر بالمعروف اداره د خلکو د ژوند« په خصوصي» چارو کې پر مداخلې تورنه کړې ده.
د کډوالو چارو وزارت په اېکس (ټوېټر) کې د یوې خپرې شوې خبرپاڼې کې راغلي، چې په تېرو دوو ورځو کې څلوېښت کسان د پاکستان له زندانونو تر خوشې کېدو وروسته د تورخم له لارې افغانستان ته استول شوي دي.
د تورخم د کډوالو چارو مشر د مالوماتو له مخې، دغه کسانو له يوې مياشتې څخه تر شپږو مياشتو پورې په زندانونو کې تېرې کړې دي.
د سرچينې په خبره، دغه کسان تر ثبت او راجستر وروسته د مرستو د تر لاسه کولو په موخه د کډوالو نړۍوال سازمان ته هم ورپېژندل شوي دي.
دغو کسانو ته تر ستنېدو وروسته، د ناروې د کډوالو ټولنې له لورې د حقوقي مسايلو او د ډنمارک د کډوالو ټولنې لهخوا د چاودېدونکو توکو په اړه هم پوهاوی ورکړل شوی دی.
په دې وروستیو کې له ایران څخه هم ډېر شمېر کډوال د ستونزو او د کوربه هېواد د ځورونو له امله بېرته هېواد ته ستانه شوي او یا هم په جبري توګه اېستل شوي دي .
دا په داسې حال کې ده، چې پر افغانستان د طالبانو له بیا واکمنۍ وروسته زرګونه افغانان د ایران او پاکستان په ګډون ځینو ګاونډیو هېوادونو ته په ناقانونه توګه کډوال شوي چې هره ورځ په دغه هېوادونو کې له لسګونو ستونزو سره مخامخ کېږي.
د طالبانو د بهرنیو چارو وزارت مرستیال ویاند په یوه ټوبټ کې لیکلي، چې سرپرست وزیر امیرخان متقي د ایران د ولسي جرګې له ۷ کسیز پلاوي سره د امنیت، له نشهيي توکو سره د مبارزې، د قاچاق پر مخنیوي، د پولو د ساتنې او سوداګرۍ په اړه خبرې کړې دي.
د طالبانو د بهرنیو چارو وزرات مرستیال ویاند ضياء احمد په وينا، متقي له دغه پلاوي سره په ليدنه کې ویلي دي، چې پر افغانستان د طالبانو له واکمنۍ وروسته بشپړ امنيت ټينګ شوى او د طالبانو امنیتي ځواکونه توانېدلي چې داعش له منځه یوسي.
متقي زياته کړې چې، په افغانستان کې سراسري امنيت نه يوازې د دغه هېواد په ګټه، بلکې د سيمې او نړۍ د هېوادونو په ګټه دى.
هغه همداراز ویلي، چې د طالبانو حکومت د نشهيي توکو پر وړاندې هم د مبارزې په برخه کې اغېزمن ګامونه پورته کړي او د تریاکو کښت یې نږدې صفر ته راټیټ کړی دی.
د طالبانو د بهرنیو چارو وزارت سرپرست ویلي دي، چې په افغانستان کې د طالبانو د واکمنۍ په پخوانۍ دوره کې په دغه هېواد کې زرګونه کسان په نشهيي توکو روږدي وو؛ خو په تېرو شلو کلونو کې په نشهیي توکو د روږدو کسانو شمېر څلور میلیونو ته رسیدلی دی.
هغه زياته کړه، چې طالبانو په نشهيي توکو د روږدو کسانو درملنه پيل کړې او په تېرو څو مياشتو کې د لسګونو زرو روږدو کسانو درملنه شوې ده.
د طالبانو د بهرنیو چارو وزارت سرپرست د سوداګرۍ او ټرانزیټ په اړه هم ویلي، چې افغانستان اوسمهال د هېوادونو ترمنځ د اړیکو په مرکز بدل شوی او افغانستان د ایران د صنعتي توکو لپاره ښه بازار دی.
د طالبانو د بهرنیو چارو وزارت مرستیال ویاند وايي، ایراني پلاوي ویلي چې دواړه لوري باید د قاچاق د مخنیوي، د سرحدي ستونزو د مدیریت او د نا مسووله کسانو د تګ راتګ د مخنیوي لپاره سره همکاري وکړي.
د طالبانو د بهرنیو چارو سرپرست وزیر امیرخان متقي د ایران د بهرنیو چارو له وزیر حسین امیرعبداللهیان سره تېره ورځ ټیلیفوني خبرې وکړې او دواړو لوریو د افغانستان او ایران ترمنځ د پولې په ساتنې، د اوبو پر سر د رامنځته شوي کړکېچ د حل او د دواړو هېوادونو ترمنځ د اړیکو پر ښه کېدو ټینګار وکړ.
په افغانستان کې د طالبانو له واکمنۍ وروسته ایران د دوو بریدونو شاهد و، چې داعش ډلې یې مسوولیت پر غاړه واخیسته.
د ایراني رسنیو د راپورونو له مخې په شېراز کې د شاه چراغ پر زیارت د وروستي برید عامل هم په افغانستان کې روزل شوی و.