د ازادۍ جبهې په لغمان او کندهار ولایتونو کې د درېيو طالبانو د وژل کېدو ادعا کړې ده
د افغانستان د ازادۍ جبهې ادعا کړې ده، چې په لغمان او کندهار ولایتونو کې يې په دوو جلا،جلا بريدونو کې درې تنه طالبان وژلي او اوه نور بیا ټپيان دي.
د افغانستان د ازادۍ جبهې ادعا کړې ده، چې په لغمان او کندهار ولایتونو کې يې په دوو جلا،جلا بريدونو کې درې تنه طالبان وژلي او اوه نور بیا ټپيان دي.
دغې جبهې نن په اېکس شبکه کې د یوې خبرپاڼې په خپرولو سره ویلي، چې د دوی ځواکونو تیره شپه د لغمان ولایت په دولت شاه ولسوالۍ کې د "شادو چملیس" په نوم د طالبانو پر یوې پوستې برید کړی، چې په پایله کې دوه طالبان وژل شوي او درې نور یې ټپیان دي؛ خو تر دې دمه کومې خپلواکې سرچینې د دغو ادعاوو پخلی نه دی کړی.
"د افغانستان د ازادۍ جبهې" همداراز په یوې بلې خبرپاڼه کې ویلي، چې تېره ورځ ماسپښین مهال د دې جبهې ځواکونو د کندهار ښار په اوومه ناحیه کې د پنجوايي ـ میرویس مېنې په څلورلارې کې د طالبانو پر یوې پوستې برید وکړ.
د دغې جبهې د خبرپاڼې له مخې، په دې برید کې یو طالب وژل شوی او د دغې ډلې څلور نور جنګیالي ټپیان شوي دي.
د افغانستان د ازادۍ جبهې ویلي، چې په دې برید کې د دوی ځواکونو ته زیان نه دی رسېدلی.
"د افغانستان د ازادۍ جبهې" تر دې مخکې هم د هېواد په بېلابېلو برخو کې د طالبانو پر ضد بریدونه کړي وو.
افغانستان انټرنشنل ته ځینو سرچینو ویلي، چې د طالبانو د اطلاعاتو او فرهنګ د ځوانانو چارو معنیت، دوه زدهکړیالان د ږېرو خریلو له امله «وهلي ډبولي» او د دغه معنیت له لیلیې یې شړلي دي.
طالبانو د یوه مکتوب په لېږلو، د دغې لیلیې مسوولینو ته دغه پرېکړه اورولې ده.
په دغه مکتوب کې چې د دوشنبې په ورځ د( زمري ۳۰مه) د طالبانو تر کنټرول لاندې د ځوانانو چارو معنیت ته لېږل شوی راغلي، چې دغه دوه زدهکړیالان« د ږېرو نه لرلو او په دې برخه کې د بیاځلي سپارښتنو ته د دوی د ناپامۍ له امله، له لیلیې شړل شوي او په دغه لیلیه کې د اوسېدو حق نه لري.»
لږ تر لږه درېیو سرچینو د دغه خبرې پخلی کړی، چې دغه مکتوب د ځوانانو چارو چار معنیت د لیلیې په دهلیز کې ځونډ شوی دی.
سرچینو ویلي، چې دغه دوه تنه د ادارې او حسابدارۍ انسټیټيوټ زدهکړیالان دي، چې د ځوانانو د چارو معنیت په لیلیې کې اوسېدل.
د سرچینو په وینا، هغه وخت چې دغو دوو زدهکړیالانو په دغې لیلیه کې د اوسېدو لپاره ټینګار وکړ د دغې ډلې د کسانو لخوا وډبول شول.
دغه لیلیه چې د طالبانو د اطلاعاتو او فرهنګ وزارت د ځوانانو معنیت تر چتر لاندې فعالیت کوي، د هغو زده کړیالانو لپاره چې له ولایتونو کابل ته راځي جوړه شوې ده.
د سرچینو د مالوماتو له مخې، شاوخوا ۲۵۰ زدهکړیالان چې د کابل په بېلابېلو پوهنتونونو کې پر زده کړو بوخت دي، په دغې لیلیه کې اوسیږي.
تېرکال د طالبانو د اطلاعاتو او فرهنګ وزارت په یوې خبرپاڼه کې لیکلي و، چې شاوخوا زر زدهکړیالان د ځوانانو د چارو معنیت په لیلیه کې اوسیږي.
سرچینو ویلي، چې په وروستیو کې ګڼ زدهکړیالان د طالبانو له سختو قانونو له امله اړ شوي، چې دغه لیلیه خوشې کړي.
په یوه خصوصي پوهنتون کې یو زدهکړبال هم افغانستان انټرنشنل ته ویلي، چې طالبان درسي ټولګیو ته ورځي او زدهکړیالانو ته خبرداری ورکوي، چې ږېرې به نه خریي.
پر افغانستان د طالبانو د بیاواکمنۍ د لومړي کال په وروستیو کې د طالبانو د امر بالمعروف وزارت اعلان وکړ، چې د ږېرو خریول حرام دي او له نایانو یې وغوښتل چې دغه امر پر ځای کړي.
په تېرو دوو کلونو کې هېوادوالو طالبان او په ځانګړې توګه د دغې ډلې د امر بالمعروف اداره د خلکو د ژوند« په خصوصي» چارو کې پر مداخلې تورنه کړې ده.
په دغه مکتوب کې چې د دوشنبې په ورځ د( زمري ۳۰مه) د طالبانو تر کنټرول لاندې د ځوانانو چارو معنیت ته لېږل شوی راغلي، چې دغه دوه زدهکړیالان« د ږېرو نه لرلو او په دې برخه کې د بیاځلي سپارښتنو ته د دوی د ناپامۍ له امله، له لیلیې شړل شوي او په دغه لیلیه کې د اوسېدو حق نه لري.»
لږ تر لږه درېیو سرچینو د دغه خبرې پخلی کړی، چې دغه مکتوب د ځوانانو چارو چار معنیت د لیلیې په دهلیز کې ځونډ شوی دی.
سرچینو ویلي، چې دغه دوه تنه د ادارې او حسابدارۍ انسټیټيوټ زدهکړیالان دي، چې د ځوانانو د چارو معنیت په لیلیې کې اوسېدل.
د سرچینو په وینا، هغه وخت چې دغو دوو زدهکړیالانو په دغې لیلیه کې د اوسېدو لپاره ټینګار وکړ د دغې ډلې د کسانو لخوا وډبول شول.
دغه لیلیه چې د طالبانو د اطلاعاتو او فرهنګ وزارت د ځوانانو معنیت تر چتر لاندې فعالیت کوي، د هغو زده کړیالانو لپاره چې له ولایتونو کابل ته راځي جوړه شوې ده.
د سرچینو د مالوماتو له مخې، شاوخوا ۲۵۰ زدهکړیالان چې د کابل په بېلابېلو پوهنتونونو کې پر زده کړو بوخت دي، په دغې لیلیه کې اوسیږي.
تېرکال د طالبانو د اطلاعاتو او فرهنګ وزارت په یوې خبرپاڼه کې لیکلي و، چې شاوخوا زر زدهکړیالان د ځوانانو د چارو معنیت په لیلیه کې اوسیږي.
سرچینو ویلي، چې په وروستیو کې ګڼ زدهکړیالان د طالبانو له سختو قانونو له امله اړ شوي، چې دغه لیلیه خوشې کړي.
په یوه خصوصي پوهنتون کې یو زدهکړبال هم افغانستان انټرنشنل ته ویلي، چې طالبان درسي ټولګیو ته ورځي او زدهکړیالانو ته خبرداری ورکوي، چې ږېرې به نه خریي.
پر افغانستان د طالبانو د بیاواکمنۍ د لومړي کال په وروستیو کې د طالبانو د امر بالمعروف وزارت اعلان وکړ، چې د ږېرو خریول حرام دي او له نایانو یې وغوښتل چې دغه امر پر ځای کړي.
په تېرو دوو کلونو کې هېوادوالو طالبان او په ځانګړې توګه د دغې ډلې د امر بالمعروف اداره د خلکو د ژوند« په خصوصي» چارو کې پر مداخلې تورنه کړې ده.
د کډوالو چارو وزارت په اېکس (ټوېټر) کې د یوې خپرې شوې خبرپاڼې کې راغلي، چې په تېرو دوو ورځو کې څلوېښت کسان د پاکستان له زندانونو تر خوشې کېدو وروسته د تورخم له لارې افغانستان ته استول شوي دي.
د تورخم د کډوالو چارو مشر د مالوماتو له مخې، دغه کسانو له يوې مياشتې څخه تر شپږو مياشتو پورې په زندانونو کې تېرې کړې دي.
د سرچينې په خبره، دغه کسان تر ثبت او راجستر وروسته د مرستو د تر لاسه کولو په موخه د کډوالو نړۍوال سازمان ته هم ورپېژندل شوي دي.
دغو کسانو ته تر ستنېدو وروسته، د ناروې د کډوالو ټولنې له لورې د حقوقي مسايلو او د ډنمارک د کډوالو ټولنې لهخوا د چاودېدونکو توکو په اړه هم پوهاوی ورکړل شوی دی.
په دې وروستیو کې له ایران څخه هم ډېر شمېر کډوال د ستونزو او د کوربه هېواد د ځورونو له امله بېرته هېواد ته ستانه شوي او یا هم په جبري توګه اېستل شوي دي .
دا په داسې حال کې ده، چې پر افغانستان د طالبانو له بیا واکمنۍ وروسته زرګونه افغانان د ایران او پاکستان په ګډون ځینو ګاونډیو هېوادونو ته په ناقانونه توګه کډوال شوي چې هره ورځ په دغه هېوادونو کې له لسګونو ستونزو سره مخامخ کېږي.
د طالبانو د بهرنیو چارو وزارت مرستیال ویاند په یوه ټوبټ کې لیکلي، چې سرپرست وزیر امیرخان متقي د ایران د ولسي جرګې له ۷ کسیز پلاوي سره د امنیت، له نشهيي توکو سره د مبارزې، د قاچاق پر مخنیوي، د پولو د ساتنې او سوداګرۍ په اړه خبرې کړې دي.
د طالبانو د بهرنیو چارو وزرات مرستیال ویاند ضياء احمد په وينا، متقي له دغه پلاوي سره په ليدنه کې ویلي دي، چې پر افغانستان د طالبانو له واکمنۍ وروسته بشپړ امنيت ټينګ شوى او د طالبانو امنیتي ځواکونه توانېدلي چې داعش له منځه یوسي.
متقي زياته کړې چې، په افغانستان کې سراسري امنيت نه يوازې د دغه هېواد په ګټه، بلکې د سيمې او نړۍ د هېوادونو په ګټه دى.
هغه همداراز ویلي، چې د طالبانو حکومت د نشهيي توکو پر وړاندې هم د مبارزې په برخه کې اغېزمن ګامونه پورته کړي او د تریاکو کښت یې نږدې صفر ته راټیټ کړی دی.
د طالبانو د بهرنیو چارو وزارت سرپرست ویلي دي، چې په افغانستان کې د طالبانو د واکمنۍ په پخوانۍ دوره کې په دغه هېواد کې زرګونه کسان په نشهيي توکو روږدي وو؛ خو په تېرو شلو کلونو کې په نشهیي توکو د روږدو کسانو شمېر څلور میلیونو ته رسیدلی دی.
هغه زياته کړه، چې طالبانو په نشهيي توکو د روږدو کسانو درملنه پيل کړې او په تېرو څو مياشتو کې د لسګونو زرو روږدو کسانو درملنه شوې ده.
د طالبانو د بهرنیو چارو وزارت سرپرست د سوداګرۍ او ټرانزیټ په اړه هم ویلي، چې افغانستان اوسمهال د هېوادونو ترمنځ د اړیکو په مرکز بدل شوی او افغانستان د ایران د صنعتي توکو لپاره ښه بازار دی.
د طالبانو د بهرنیو چارو وزارت مرستیال ویاند وايي، ایراني پلاوي ویلي چې دواړه لوري باید د قاچاق د مخنیوي، د سرحدي ستونزو د مدیریت او د نا مسووله کسانو د تګ راتګ د مخنیوي لپاره سره همکاري وکړي.
د طالبانو د بهرنیو چارو سرپرست وزیر امیرخان متقي د ایران د بهرنیو چارو له وزیر حسین امیرعبداللهیان سره تېره ورځ ټیلیفوني خبرې وکړې او دواړو لوریو د افغانستان او ایران ترمنځ د پولې په ساتنې، د اوبو پر سر د رامنځته شوي کړکېچ د حل او د دواړو هېوادونو ترمنځ د اړیکو پر ښه کېدو ټینګار وکړ.
په افغانستان کې د طالبانو له واکمنۍ وروسته ایران د دوو بریدونو شاهد و، چې داعش ډلې یې مسوولیت پر غاړه واخیسته.
د ایراني رسنیو د راپورونو له مخې په شېراز کې د شاه چراغ پر زیارت د وروستي برید عامل هم په افغانستان کې روزل شوی و.
د "کیهانې" په نوم د اتو افغان نارینه او ښځینه زدهکونکو لهخوا ډیزاین شوي پوسټر په پولنډ کې د ستور پېژندنې د ۱۶م المپیاډ د "غوره ډیزاین" جایزه وګټله. په دغه پوسټر کې مات شوی تلسکوب او له وسلهوالو طالبانو څخه یوه وېرېدلې زدهکوونکې ښودل شوې.
په دغه ډیزاین شوي پوسټر کې د یوې وېرېدلې نجلۍ انځور د یوې ودانۍ په هېنداره کې لیدل کېږي، چې د هغې په تابلو کې لیکل شوي؛ "موازي نړۍ".
دغه پوسټر چې د شپږو ښځینه و او دوه نارینه و زدهکوونکو لهخوا ډیزاین شوی په داسې حال کې یوه نړۍواله جایزه ترلاسه کوي، چې طالبانو په تېرو دوو کلونو کې په افغانستان کې د نجونو لپاره د لېسو او منځنیو ښوونځیو دروازې تړلې دي.
د کیهانې مسوولې امنه کریمیان افغانستان انټرنېشنل ته وویل، چې د دغې ډلې اوو غړو د ویزو د نه ترلاسه کولو له امله په دې پروګرام کې ګډون ونه شو کړای.
د کيهان په فيسبوک پاڼه کې ويل شوي، چې افغانستان له ۱۶ کلونو وروسته د لومړي ځل لپاره په دې وتوانېد چې د اخترپېژندنې په نړۍوال المپياډ کې ګډون وکړي.
کریمیان په دې لاسته راوړنې د خوښۍ په څرګندولو سره وویل، چې د دې ډلې د نورو غړو په شتون کې به یې ممکن مډال هم ترلاسه کړی و .
مېرمن کریمیان د خپلو ګروپي ملګرو د ویزو په نه ترلاسه کولو د اندېښنې په څرګندولو سره وویل، له ډېرو هڅو سره سره یې ونه شو کړای ویزې ترلاسه کړي.
اغلې کریمیان د افغانستان اړوند د پوسټر په اړه د وضاحت په ترڅ کې وویل، چې د پوسټر له وړاندې کولو وروسته به بېلابېل هېوادونه رایه ورکړي او غوره پوسټر به وټاکل شي.
د دغه پوسټر منځپانګه د افغانستان او په ځانګړې توګه د ښځو له وضعیت سره تړلې وه، له همدې امله د بېلابېلو هېوادونو د استازو د پام وړ ګرځیدلې او ډېرې رایې یې ترلاسه کړې دي.
انس حقاني د طالبانو له ډلې څخه د «حقاني شبکې» جلاوالی رد کړ. هغه د برېتانوي ډیپلوماتې د وروستیو خبرو په غبرګون کې چې د حقاني شبکه یې له طالبانو جلا ښودلې، په یوه ټوېټ کې لیکلي، چې په افغانستان کې د "شبکې" په نوم هېڅ شی نشته، بلکې "یو نظام او یو مشر" دی.
پاکستاني رسنیو په دې وروستیو کې په اسلام اباد کې د برېتانیوي د عالي کمېشنرې جین میریټ له خولې لیکلي، چې هغې په افغانستان کې د پاکستاني طالبانو او د حقاني شبکې په ګډون د نورو وسلهوالو ډلو د فعالیتونو پر دوام اندېښنه څرګنده کړې ده.
مېرمن میریټ چې پخوا د ترهګرۍ پر وړاندې د مبارزې د ګډې نړۍوالې څانګې مشره وه، وویل چې طالبانو په افغانستان کې امنیت ټينګ کړی او د نشه یي توکو قاچاق کم شوی دی.
دغې برېتانوي ډیپلوماټې چې په افغانستان کې یې هم کار کړی، له افغان طالبانو وغوښتل چې د وسلهوالو ډلو پر وړاندې ګام پورته کړي.
انس حقاني د شنبې په ورځ د وږي میاشتې په ۴مه نېټه، پرته له دې چې د اغلې میریټ خبرو ته اشاره وکړي لیکلي وو: «هغه کسان چې د هېوادونو او بنسټونو لهخوا په تور لېست کې دي، اوس د دې خاورې واکمنان او په خپلو خلکو ګران دي.»
انس حقاني د حقاني شبکې د مشر سراج الدین حقاني ورور دی. سراج الدین حقاني وروسته له هغه چې د طالبانو د کورنیو چارو وزیر شو، د امریکا فدرال پولیسو (FBI) د هغه د نیولو په برخه کې د معلوماتو ورکولو په بدل کې انعام له پنځو میلیونو څخه لسو میلیونو ډالرو ته لوړ کړ.
په ۲۰۱۲ کال کې امریکا د حقاني شبکه لا قانونه او یوه ترهګره ډله اعلان کړه. حقاني شبکه په پرلپسې ډول د ملکي وګړو پر ضد په مرګوني بریدونو تورنه ده.
پر افغانستان د طالبانو د بیا کمنېدو وروسته، چې د اګسټ میاشتې وروستۍ ورځې وې، امریکا یو ځل بیا اعلان وکړ چې حقاني شبکه او طالبان دوه جلا ډلې دي.
انس حقاني لیکلي، چې لویدیځې رسنۍ له تېرو دوو لسیزو راهیسې د طالبانو پر ضد تبلیغات کوي او خلک له حقیقته لرې ساتي.
هغه لیکلي، «د مېرمن جین میریټ په څېر سیاستوال لاهم د دې تبلیغاتو د لويې پردې تر شا دي او نشي کولای واقعیتونه سم تحلیل او بیا قضاوت کړي.»
انس حقاني تر دې مخکې هم دا خبره رد کړې وه، چې حقاني شبکه له طالبانو جلا ده.
حقاني شبکه
د سراج الدین حقاني پلار جلال الدین حقاني د حقاني شبکې بنسټګر و.
په ۱۳۹۷ ل کال کې د جلال الدین حقاني د مړينې خبره رابرسېره او پخلی يې وشو، هغه د پخوانیو مجاهدینو له ډلې څخه و چې د پخواني شوروي پر وړاندې د جګړې پر مهال یې دغه شبکه جوړه کړه.
جلال الدین وروسته د خپلې شبکې د ساتلو په موخه له طالبانو سره یو ځای شو او د طالبانو په لومړنۍ دوره کې د قومونو او قبایلو وزیر وټاکل شو.
د جلال الدین تر مړینې وروسته د هغه زوی سراج الدین حقاني د حقاني شبکې مشري پر غاړه واخیسته.
سراج الدین حقاني په وروستیو کلونو کې د طالبانو په ډله کې د دې ډلې مرستیال و.
که څه هم انس حقاني لږ تر لږه دوه ځله د طالبانو له ډلې څخه د حقاني شبکې د جلاوالي خبره رد کړې ده؛ خو داسې راپورونه شته چې د حقاني شبکې او طالبانو تر منځ ژور اختلافات تر سترګو کېږي.
دا مهال حقاني شبکه د طالبانو په حکومت کې ټاکونکی رول لوبوي او د کورنیو چارو وزارت په ګډون مهم پوسټونه د دغې شبکې په واک کې دي.
سراج الدین حقاني د طالبانو یو له ځواکمنو غړو څخه دی، چې په دې ډله کې پام وړ اغېز لري.
له افغانستان د پخواني ولسمشر له وتو وروسته د حقاني شبکه لومړنۍ ډله وه، چې کابل ته ننوته او مهمې ادارې یې ونیولې.