په بلوچستان کې د ټي ټي پي څلور غړي وژل شوي او دوه پولیس ټپیان دي
د پاکستان د بلوچستان صوبې پولیس وايي، چې د ځانګړو عملیاتو پر مهال یې څلور وسلوال مخالفین وژلي او په مقابلو ډزو کې دوه پولیس ټپیان شوي دي.
د پاکستان د بلوچستان صوبې پولیس وايي، چې د ځانګړو عملیاتو پر مهال یې څلور وسلوال مخالفین وژلي او په مقابلو ډزو کې دوه پولیس ټپیان شوي دي.
د کوټې د پولیسو د ترهګرۍ ضد ادارې رسنیو ته ویلي، چې دوی د سې شنبې په ماښام د پښین په سرخاب کې ځانګړي عملیات درلودل، چې له امله یې څلور پولیس وژل شوی دي او په ډزو کې د دوی دوه پولیس یې ټپیان شوي دي.
د پولیسو د ترهګرۍ ضد د ادارې په خبره؛ یاد وسلوال مخالفین د تحریک طالبان پاکستان پورې اړوند وو، چې د دوی یو مهم قوماندان عمر خالد هم د وژل شویو کسانو په ډله کې شامل دی.
پولیس زیاتوي، چې په دغو عملیاتو کې ډزې شوي، چې له امله یې دوه پولیس هم ټپیان شوي دي.
تر دا دمه د تحریک طالبان پاکستان ډلې د دغو عملیاتو او وژنو په تړاو رسنیو ته څه نه دي ویلي.
په دې وروستیو کې د پاکستان په پښتون مېشتو سیمو کې امنيتي پېښې ډېرې شوي، چې پاکستاني امنیتي ادارې یې پړه پر ټي ټي پي او داعش وسلوالې ډلې ور اچوي او د دغو سیمو په مختلفو برخو کې امنیتي تدابیر جدي شوي دي.
