د بالیووډ مشهور فلمي ستوري سلمان خان پر ټویټر د ټایګر۳ فلم انځور خپور کړی او ویلي یې دي چې یاد فلم د ۲۰۲۳ کال په دیوالي کې په هندي، ټامل او ټیلګو ژبو خپور شي. ټایګر ۳ د هندي سینما اکش فلم دی چې لوبغاړي یې سلمان خان، کټریناکیف او عمران هاشمي دي.
دغه فلم په ۳۸ میلیونه ډالر جوړ شوی او تر ټولو د لوړ مصرف لروونکو فلمونو له جملې حسابیږي.
د سلمان خان مینه وال د یاد فلم خپرویدو ته په بې صبرۍ اتنظار کوي، یاد فلم د روان کال د نومبر پر لسمه په ډیوالي کې خپریږي.
دا به په روان کال کې د سلمان خان دوهم فلم وي چې د سینما پر پرده خپریږي، د سلمان خان وروستی فلم (کیسي کې بهایي کیسي کې جان) په نوم چې و چې لیدوونکو يې نه و خوښ کړی.
ټایګر د سلمان خان د استخباراتي فلمونو سلسه ده چې کیسه یې د هند او پاکستان د استخباراتو او د دواړو هيوادونو د دوه جاسوسانو تر منځ د مینې په اړه را څرخي.
تر دې وړاندې د ټایګر فلمونو د سلسې لومړی فلم د سلمان خان خان او کټریناکیف په اداکارۍ او د کبیر خان په لارښونه په ۲۰۱۲ کال کې خپور شوی و.
د ټایګر لومړي فلم په باکس آفس کې ریکارډونه جوړ کړه، دغه فلم ټولټال (۶۲،۵۸ ) میلیونه ډالر ګټلي و.
یاد فلم په ۲۰۱۲ کال کې تر ټولو لوړ عاید لروونکی هندي فلم و.
همدارنکه د سلمان خان او کټریناکیف په اداکاری ټایګر ۲ ( ټایګر زنده هی) فلم په ۲۰۱۷ کال کې په سینمګانو کې خپور شو، یاد فلم هم د سلمان خان یو له بریالیو فلمونو څخه و شمیرل شو.
دا فلم هم په ۲۰۱۷ کې د باکس آفس ډیر ریکارډونه مات کړه، او ۸۷.۵۳ میلیونه ډالر عاید ور څخه تر لاسه شوه.او د کال د غوره فلم جایزه یې ګټلي وه.
