د نایجیریا د ولسمشر ویاند وايي، د هند حکومت او پانګوالو په دغه هېواد کې «د ۱۴ میلیارده ډالرو پانګونې» ژمنه کړې ده. اجوري نګلال وايي، دوی هڅه کوي چې له نوي ډېلي سره په دې برخه کې د اقتصادي همکاریو تړون وکړي.
د نوموړي په خبره، هندي پانګوال د نایجیریا د انرژۍ، اوسپنې او پیترو کیمیکل صنعت د پیاوړتیا په برخه کې د ۱۳.۳ میلیارد ډالرو په ارزښت پانګه اچوي.
د هند حکومت د نایجیریا دفاعي برخه کې د یو میلیارد ډالرو پانګونې سره غواړي د دغه هېواد دفاعي صنعت او تولید په ځان بسیا کړي.
د نایجیریا ولسمشر بولا تینوبو په نوي ډېلي کې د جي شل سرمشریزې په اوږدو کې د هند د ولسمشر په ګډون له لوړپوړو چارواکو او پانګوالو سره پر دې موضوع خبرې کوي.
د افریقا تر ټولو ډېر وګړی هېواد نایجیریا هڅه کوي چې له سوېلي افریقا وروسته د دې وچې د دویم هېواد په توګه په جي شل کې غړیتوب ترلاسه کړي.
