ځايي سرچينې وايي، د خير پښتنخوا اړوند د ټانګ په سیمه کې د دغې ولسوالۍ د خلکو له لوري د يوې غونډې پر مهال د امن جرګه جوړه شوه. امن جرګې او لاريونونه په پښتونخوا کې د امن راوستو په موخه جوړيږي چې په دې ورستيو کې يې تر هر وخت ښه اغېز لرلی.
دغه امن جرګه په دې موخه جوړه شوې چې په سیمه کې وروستیو نا امنیو ته په کتو د خلکو ژوند وژغوري او له بهره د نا امنۍ جوړونکو ډلو مخه ونیسي.
په ټانګ کې هم په دې وروستيو يې د نا امنۍ پېښې زیاتې شوې دي.
همدا پرون هم د پښتونخوا په سر ښار پېښور کې د چاودنې او بريدونو راپورونه ورکړل شوي و.
تر دې وړاندې هم د سیمې خلکو د خیبر پښتونخوا په نورو سیمو کې ورته غونډې کړې او د امن غوښتنه يې کړې.
په دې وروستيو کې یو ځل بیا د خیبر پښتونخوا په ډیرو سیمو کې نا امني زیاته شوې، له هدفي وژنو نيولې بیا تر ځانمرګو بریدونو پورې هره ورځ د سیمې د خلکو ژوند اخلي او ګواښي يې.
په سیمه کې آزاد خبریال لال وزیر وايي: «تر اوسه پورې چې د دغه ایالت په کومو سیمو کې د امن جرګه جوړه شوې د نا امنيو په مخنیوي کې يې رغنده رول لوبولی دی.»
د پښتنو د دود له مخې د هرې ټولنېزې موضوع په اړه چې ښه یا بد اغېز يې د خلکو په ژوند پریوځي سره جرګه کيږي او په یوه خوله د هرې پرېکړې ملاتړ کوي.
له ۲۰۰۸ میلادي کال را وروسته د خيبر پښتونخوا په ډيری سیمو کې نا امني منځته راغلی چې تر اوسه پورې په بیلابیلو نومونو په زرګونو پښتانه وژل شوي، په لکونو هغه بې کوره شوي، په زرګونه کورنه يې ویجاړ کړل شوي او د میلیونونو کلدارو کارونه يې له منځه تللي.
واک ته د طالبانو تر رسېدو وروسته د خیبر پښتنخوا په ډیری سیمو کې د نا امنۍ پېښې زیاتې شوې او د ډیرو بریدونو مسولیت هم پاکستاني طالبان په غاړه اخلي، خو پاکستاني چارواکي بیا دعوه کوي چې د ټي ټي پي دغه بريدونه د افغانستان له خاورې پر دوی کیږي، هغه دعوه چې طالبان يې تل ردوي.
د مراکش یو شمېر خلکو چې د یوې پېړۍ په اوږدو کې یې د هېواد تر ټولو سترې زلزلې له امله مېنې ویجاړې شوې، څلورمه شپه هم له کورونو بهر تېره کړه.
د مراکش له ژغورونکې ډلې سره د برېټانیا، اسپانیا او قطر د پلټنې ډلې هم یوځای شوې دي.
د مراکش د اطلس په دنګو غرونو کې د ۶.۸ درجې په لویوالي دغې زلزلې د دغې سیمې د خښتو پاخه کورونه ویجاړ کړي دي.
د تېنمل په کلي کې شاوخوا ټول کورونه ویجاړ شوي او ټول اوسېدونکي یې بې کوره شوي دي، دا رنګه دغلته د خاورو د ډېریو لاندې د لسګونه لمنځه تللیو څارویو بوی ټوله سیمه په سر اخیستې ده.