د چین د دفاع وزیر دوه اونیزه ناسوبتیا، د امریکایي چارواکو د ځینو اټکلونو لامل شوه
رویټرز خبري اژانس د ویټنام په یوې غونډه کې د چین د دفاع وزیر د ګډون له انصرافه خبر ورکړ. لي شانګفو له دوو اونيو څخه زيات په عام محضر کې نه دی ليدل شوی.
رویټرز خبري اژانس د ویټنام په یوې غونډه کې د چین د دفاع وزیر د ګډون له انصرافه خبر ورکړ. لي شانګفو له دوو اونيو څخه زيات په عام محضر کې نه دی ليدل شوی.
دغه خبري اژانس لیکلي، چې په مرموز ډول د چین د دفاع وزیر نشتون د امریکايي چارواکو تر منځ د یو لړ اټکلونو لامل شوی دی.
سرچینو رویټرز ته ویلي چې، د چین دفاع وزیر د سېپټمبر په اوومه او اتمه په ویټنام کې په جوړېدونکې غونډه کې له ګډون څخه د روغتیايي وضعیت له امله انصراف کړی دی.
غونډه د بیجېنګ له اعلان وروسته چې ویلي یې و د چین د دفاع وزیر به د هغه د "روغتیايي وضعیت" له امله په هانوې کې د پوځي همکارۍ په غونډه کې ګډون ونه کړي، وځنډول شوه.
دا په داسې حال کې ده، چې تر دې وړاندې د چین د بهرنیو چارو پخوانی وزیر چین ګانګ له یوې میاشتې مرموزې ناسوبتیا وروسته له خپلې دندې ګوښه شو.
په جاپان کې د امریکا سفیر رحم امانویل د چین د دفاع وزیر نه شتون د پوښتنې وړ بللی.
ښاغلي امانویل په یوه ټویټ کې د لي شانګفو د دوه اونیو څخه د ډېرې غیر حاضرۍ ته په اشارې سره لیکلي، چې "ایا هغه په کور کې نظربند دی؟"
د امریکايي چارواکو د څرګندونو په غبرګون کې د چین د بهرنیو چارو وزارت ویاند ویلي، چې له دې مسلې خبر نهدی.
فایننشیال ټایمز د جمعې په ورځ د درېیو امریکايي چارواکو په حواله راپور ورکړ، چې د چین د دفاع وزیر تر پلټنو لاندې دی؛ خو د پلټنو د جزئیاتو په اړه یې څه نهدي ویلي.
د چين د دفاع وزير وروستۍ خبرې د اګست په ۲۹مه نېټه د افريقايي هېوادونو په امنيتي غونډه کې وې.
لي شانګفو په مارچ مياشت کې د چين د دفاع د وزير په توګه وټاکل شو.
ویل کېږي، چې هغه د چین له ولسمشر شي جېن پېنګ سره نږدې اړیکې لري او د دغه هېواد د دولتي شورا له پنځو مخکښو غړو څخه دی.
