د برېتانیې د حکومت ویب پاڼې د افغان، اوکراین او هانګ کانګ د ۲۱ کلنو څخه د کم عمره ځوانانو لپاره د ۲.۵ میلیونه پونډو په ارزښت د رواني روغتیا ملاتړ صندوق د جوړلو اعلان وکړ. دا بودیجه به له دې ځوانانو سره مرسته وکړي، چې په برېتانیا کې د رواني روغتیا له خدماتو برخمن شي.
د دې پروګرام له مخې؛ بریتانیا په پام کې لري، چې د ۲.۵ میلیونه پونډ په اختصاص کولو سره له زرګونو ځوانانو سره د روان درملنې او مشورې برخه کې مرسته وکړي.
دا بودیجه د هغو خلکو د ملاتړ لپاره ده، چې برېتانیا ته په بشردوستانه او بي ان(اُ) ویزو راځي.
د بي ان(اُ) ویزې لرونکي خلکو او د دوی د کورنۍ غړو ته اجازه ورکوي، چې په برېتانیا کې ژوند، کار او زده کړه وکړي؛ مګر دوی معمولاً عمومي بودیجې ته لاسرسی نه لري.
د برېتانيا د حکومت د شمېرو له مخې؛ د دغه صندوق له لارې د افغانستان، اوکراين او هانګ کانګ له سلو زرو ماشومانو او ځوانانو سره مرسته کېږي.
د انګلیسي ژبې کورسونه، د دندې پېدا کولو روزنه او د لوړو زده کړو ملاټړ هم د دې پروګرام یوه برخه ده، چې د ځوانانو سره د دوی په ځایي ټولنو کې د ښه ادغام په برخه کې مرسته کوي.
د برېتانیا حکومت وویل، چې دا مالي مرستې به له ځوانانو سره مرسته وکړي، چې په ښه توګه په خپلو نویو ټولنو کې ځای پرځای شي او په ورته وخت کې یې له خپل لومړني کلتور سره هم اړیکه وساتل شي.
