د هالنډ په یوه پوهنتون کې د ډزو له امله څو تنه وژل شوي دي
د هالنډ پولیسو د پنجشنبې په ورځ وویل، چې د روتردام په بندري ښار کې د طبي پوهنتون په یوه ټولګي کې د ډزو په پایله کې څو تنه وژل شوي دي.
د هالنډ پولیسو د پنجشنبې په ورځ وویل، چې د روتردام په بندري ښار کې د طبي پوهنتون په یوه ټولګي کې د ډزو په پایله کې څو تنه وژل شوي دي.
پولیسو ویلي دي، چې برید کوونکي ۳۲ کاله عمر درلود او نیول شوی دی، خو د مړو شمېر به وروسته اعلان کړي.
روېټرز د ښار د پولیسو له قوله راپور ورکړی، چې ډزې د اراسموس پوهنتون د طبي څېړنو مرکز او دې مرکز ته نېږدې په یوه کور کې شوې دي.
ويل کيږي، چې یاد وسله وال پوځي يونيفورم اغوستى و؛ خو تر اوسه يې د دغه عمل د انګيزې په اړه معلومات نه شته.
د سویس یا سویزلنډ د یخچال څارنې مسوول متیس هوس له رویټرز سره خبرو کې سږنی کال د دغه هېواد د یخچالونو لپاره ډېر بد بللی دی.
د هغه په خبره، ژمی واوره ونه ورېده او دوبی هم ډېر ګرم و: «د دې دوو فکتورونو ترکیب ډېر بد دی چې یخچالونو ور سره مخ کېدلی شي.»
د سوېس د یخچال څارنې اداره په اعلامیه کې هم وايي، د کمې واورې ژر ختمېدونکي ژمي او اوږد ګرم اوړي یخچالونو ته ډېر تاوان ورساوه.
اګست میاشت کې د یخچال د ویلې کېدو په اوج کې د سویس د هواپوهنې ادارې وویل، د باران له امله د یخ ویلي کېدو نوی ریکارډ جوړ کړی او د پنځه زرو ۲۸۹ متره لوړوالي سره یخ په یوه شپه کې ویلې شوی چې لوړوالی یې له مونټ بلان څوکې جګ دی.
تېر کال دا ریکارډ ۵۱۸۴ متره و.
هوس وايي، سویس کې کوچني یخچالونه ویلې کېږي، پاتې یخ له ډبرو او خځلو لاندې کېږي او کومې سیمې چې له لسیزو او پېړیو راهیسې یخ پټې کړې وې پر تورو لمنو اوړي او د ډبرو ښویېدو خطر هم لري.
د سویس یخچال څارنې ادارې په مرکزي سیمو کې د ډېر ویلې کېدو له امله د یخچالونو څار بند کړی دی.
سویس پر ۱۹۱۴ کال د ځینې او پر ۱۹۶۰ کال د ټولو ینچالونو ریکارډ پیل کړ.
