چینايي هیکرانو د امریکا د بهرنیو چارو وزارت لسګونو زرو ایمیلونو ته لاسرسی پېدا کړی

د پاکستاني رسنیو د راپور له مخې ورته دوسیې د پخواني لومړي وزیر نواز شریف، شهباز شریف، شاهد خاقان عباسي، راجه پروېز اشرف او شوکت عزیز او مالیې وزیر اسحاق ډار په هکله را ژوندۍ شوې دي.

د پخواني لومړي وزیر عمران خان پسې ایتلافي حکومت د نېب قانون له مخې دا دوسیې ختمې کړې وې.

خو عمران خان له محکمې غوښتي و چې دا کېسونه بېرته ژوندي کړي.

د پاکستان لوی قاضي عمر عطا بندیال د سپتمبر پر ۱۵ د خپلې دندې په وروستۍ ورځ د عمران خان د غوښټنې په حق کې پرېکړه وکړه او د نېب له لسو ترمیمونو یې نهه بې قانونه وبلل.

یونېسف زیاتوي، چې په افغانستان کې له نېږدې دېرش میلیونه اړمنو کسانو څخه یې نېږدې نیمايي برخه چې ماشومان دي بشري مرستو ته اړتیا لري.

دغه سازمان په خپل نوي خپاره کړي راپور کې وايي: “په افغانستان کې له ۲۹،۲ میلیونه اړمنو کسانو څخه ۱۵،۸ میلیونه ماشومان بشري مرستو ته اړتیا لري”.

یاد سازمان زیاتوي، چې په دغو ماشومانو کې ۸۷۵۰۰۰ یې له پنځو کلونو څخه کم عمرونه لري او د شدیدې خوارځواکۍ له امله درملنې ته ضرورت لري.

یونېسف په خپل راپور کې ویلي، چې د روان کال له پیله تر اګسټ میاشتې پورې په ۳۳۳ ولسوالیو کې د شدیدې نسناستې نېږدې ۱۵۲۰۰۰ پېښې ثبت شوې دي.

یونېسف دا راپور په داسې مهال خپروي، چې روانه اونۍ د خوړو نړۍوال پروګرام (ډبلیو اېف پي) ویلي، که په افغانستان کې اړمنو کسانو ته د اړتیا وړ مرستې ور نه کړل شي، دا به د طالبانو تر واک لاندې افغانستان کې د ښځو د ژغورنې د وروستۍ لارې له لاسه ورکول وي.

د خوړو نړۍوال پروګرام د سې شنبې په ورځ (د تلې ۴مه) په اېکس شبکه کې لیکلي، چې د بودیجې د کمښت او نشتوالي له امله به یو میلیون میندې او د هغوی ماشومان له خوراکي مرستو بې برخې شي.

دا په داسې حال کې ده، چې په افغانستان کې د طالبانو له واکمنۍ وروسته ښځې په بې ساري توګه له ټولنې څخه لېرې کړی شوي او له امله یې په دغه هېواد کې د بې ‌وزلۍ کچه زیاته او د مرستو بهیر هم له جدي ننګونو سره مخامخ شوی دی.

د خوړو نړۍوال پروګرام زیاته کړې، د بودیجې د کمښت له امله دغه پروګرام اړ شوی، چې په افغانستان کې له اړمنو کسانو سره خپلې مرستې کمې کړي او شاوخوا ۱۵ میلیونه افغانان د سخت بشري ناورین له ګواښ سره مخامخ شي.

له میانمار سره پر پوله پروت شمال ختیځ ایالت مانیپور توکمیز تاوتریخوالي پر سر اخیستی او ځینې کارپوهان د دوو ځايي قبیلو ترمنځ د ځمکې او دندو پر سر دا جنجال کورنۍ جګړې ته ورته بولي.

یوه چارواکي له نوم پرته رویټرز ته ویلي، په پروني تاوتریخوالي کې تر اتیا ډېر زدکوونکي ټپیان شوي دي.

د هغه په خبره، له دې پېښې وروسته وسلوالو د واکمن ګوند دفتر زیانمن کړ او د پولیسو دوو مرکزونو ته یې هم لمبه يي بمونه ور ګوزار کړل.

په مانیپور کې له پنځو ورځو راهیسې موبایل انټرنټ خدمتونه هم بند شوي دي.

تېره مۍ میاشت کې پّ دغه ایالت کې د تاوتریخوالي پیلېدو راهیسې تر ۱۸۰ ډېر کسان وژل شوي او تر پنځوس زرو ډېر بې کوره شوي دي.

د مانیپور په ۳.۲ میلیون وګړو کې له نیمايي ډېر د میټي قبیلې اوسېدونکي دي او پاتې ۴۳ سلنه هم کوکي قبیلهه جوړوي چې تر ډېره په غرونو کې اوسېږي.

پرونۍ مظاهره چې په تاوتریخوالي واوښته د میټي قبیلې د دوو زدکوونکو د وژنې غبرګون کې وه.

دا زدکوونکي تېر جولای کې ورک و او روانه اونۍ یې مړي وموندل شول.

د سویس یا سویزلنډ د یخچال څارنې مسوول متیس هوس له رویټرز سره خبرو کې سږنی کال د دغه هېواد د یخچالونو لپاره ډېر بد بللی دی.

د هغه په خبره، ژمی واوره ونه ورېده او دوبی هم ډېر ګرم و: «د دې دوو فکتورونو ترکیب ډېر بد دی چې یخچالونو ور سره مخ کېدلی شي.»

د سوېس د یخچال څارنې اداره په اعلامیه کې هم وايي، د کمې واورې ژر ختمېدونکي ژمي او اوږد ګرم اوړي یخچالونو ته ډېر تاوان ورساوه.

اګست میاشت کې د یخچال د ویلې کېدو په اوج کې د سویس د هواپوهنې ادارې وویل، د باران له امله د یخ ویلي کېدو نوی ریکارډ جوړ کړی او د پنځه زرو ۲۸۹ متره لوړوالي سره یخ په یوه شپه کې ویلې شوی چې لوړوالی یې له مونټ بلان څوکې جګ دی.

تېر کال دا ریکارډ ۵۱۸۴ متره و.

هوس وايي، سویس کې کوچني یخچالونه ویلې کېږي، پاتې یخ له ډبرو او خځلو لاندې کېږي او کومې سیمې چې له لسیزو او پېړیو راهیسې یخ پټې کړې وې پر تورو لمنو اوړي او د ډبرو ښویېدو خطر هم لري.

د سویس یخچال څارنې ادارې په مرکزي سیمو کې د ډېر ویلې کېدو له امله د یخچالونو څار بند کړی دی.

سویس پر ۱۹۱۴ کال د ځینې او پر ۱۹۶۰ کال د ټولو ینچالونو ریکارډ پیل کړ.

د امریکا خزانې وزارت وايي، دا ادارې د هغې یوې شبکې برخه وه چې د دغو بې پیلوټه الوتکو د جوړولو لپاره یې د حساسو برخو په برابرولو کې مرسته کړې وه.

دغه وزارت د چهارشنبې په ورځ اعلان وکړ چې دغې شبکې د شاهد - ۱۳۶ ډرون کې کارول شوي انجنونو پیرودلو او بار وړلو لپاره مالي اسانتیاوې برابرې کړې.

وزارت زیاته کړې چې د دې شبکې لخوا پیرودل شوی انجن په دې وروستیو کې د شاهد ۱۳۶ ډرون الوتکې په هغو پاتې شونو کې موندل شوی چې په اوکراین کې ویشتل شوې وه.

د ترهګرۍ او مالي اطلاعاتو په چارو کې د امریکا د خزانې وزارت مرستیال براین نیلسن په یوه بیان کې وویل: «ایراني ډرون الوتکې په اوکراین کې د روسیې په بریدونو کې د روسیې لپاره د یوې مهمې وسیلې په توګه کارول کيږي.»

«پیشګام الیکترونیک صفه» او د هانګ کانګ شرکت «های مارک» د هغو بنسټونو څخه دي چې د ایران د ډرون پروګرام په تړاو بندیزونه پرې لګول شوي دي. د امریکا د خزانې وزارت ویلي چې دغو دوو شرکتونو د ایران د برید کوونکو بې پیلوټه الوتکو لپاره زرګونه انجنونه برابر کړي دي.