پر کاج د برید تلین؛ ایراني چارواکي په افغانستان کې د نجونو د تعلیم له حق ملاتړ وکړ

پرون د بلوچستان په مستونګ ولسوالۍ کې د میلادالنبي مراسمو کې ځانمرګی وشو چې له امله یې ۵۹ کسان وژل شوي او تر ۶۰ ټپیان دي.

د بلوچستان صوبايي حکومت درې ورځې ملي ماتم اعلان کړی دی.

سرفراز بګټي د صوبايي ښار کوټې په روغتون کې د دې ټپیانو تر لیدلو وروسته خبري غونډې ته وویل: «بلوچستان کې د ترهګرۍ پېښو کې د هند استخباراتي اداره را لاس لري، چې د ترهګرۍ د پلانوونکو، اسانچارو او ترهګرو مور ده.»

هغه زیاته کړه چې د «ترهګرو ملاتړي به تعقیب شي او د پاکستانیانو د څاڅکي څاڅکي وینې حساب به ور سره وشي.»

هغه دا هم وویل، چې د دې ترهګرو د ملاتړو د معلومولو لپاره پوره او هر اړخیزې پلټنې کېږي.

پاکستاني چارواکو تر دې مخکې افغان طالبان تورنول چې د پاکستان ضد وسلوالو ته یې په خپله خاوره کې ځای ور کړی دی، خو دا لومړی ځل دی چې د پاکستان د وزیر په کچه یو چارواکی هند ته ګوته نیسي.

د هند حکومت لا د ښاغلي بګټي د دې څرګندونو په غبرګون کې څه نه دي ویلي.

په بله پېښه کې پرون د پښتونخوا د هنګو ولسوالۍ په دوابه کې هم د پولیسو جومات کې ځانمرګی برید وشو چې له امله یې ۴ کسان ووژل او ۱۲ ټپیان شول.

لا هم کومې ډلې د دې بریدونو مسوولیت نه دی منلی او د پاکستان طالبانو غورځنګ هم دا برید غندلی دی.

د امریکا د مرکزي قومندانۍ د ځواکونو د اعلامیې له مخې چې د شنبې په ورځ خپره شوه، ممدوح ابراهیم چې په سوریه کې د داعش ډلې اسانچاری و، د پنجشنبې په ورځ د سپټمبر په ۲۸مه نېټه د امریکايي چورلکو په یوه برید کې ونیول شو.

ابوحلیل الفداني هم په سوریه کې د داعش ډلې بل اسانچاری او عملیاتي غړی و، چې د سپتمبر په ۲۵ مه نېټه په عملیاتو کې ونیول شو.

په دغه اعلاميه کې ويل شوي، چې په دواړو عملياتو کې ملکي وګړو ته زيان نه دى اوښتى.

حافظ ضیا احمد خپل اېکس کې وايي، په دې ناسته کې د افغانستان، پاکستان او چين پر اړيکو، مشترکو ګټو او تهديدونو مفصلې خبرې وشوې.

طالبان د چینايي استازي له خولې وايي چې هېواد یې په سيمه کې د امنیت، ثبات او پرمختګ د ملاتړي په توګه چمتو دی چې افغانستان سره په ګڼو برخو کې خپلې مرستې لا زياتې کړي.

د پاکستان او چین استازو لا د دې ناستې په هکله څه نه دي ویلي.

خو د امیرخان متقي دا څرګندونې په داسې حال دي چې دې وروستیو کې پر طالبانو د اسلام اباد نیوکې ډېرې شوې دي.

که څه هم پاکستان د طالبانو ملاتړی بلل کېږي، خو په دغه هېواد کې د وسلوالو بریدونو په ډېرېدو پسې اسلام اباد پر افغان طالبانو تور لګوي چې په خپله خاوره کې یې پاکستاني طالبانو ته پنا ور کړې ده.

افغان طالبان دا تور ردوي او وايي، پاکستاني طالبان په هغه هېواد کې دومره سیمه تر کنټرول لاندې لري چې پکې فعالیت کوي.

د ډان ورځپاڼې دا راپور په داسې حال کې خپرېږي، چې د پاکستان د کورنیو چارو وزارت په دې وروستیو کې له دغه هېواده د افغان کډوالو د ایستلو بهیر چټک کړی دی.

دې ورځپاڼې په پاکستان کې د نیول شویو کسانو زیاتوالي ته په اشارې لیکلي چې یوازې په سپټمبر میاشت کې په کراچۍ کې د نیول شویو کسانو شمېر د اګست میاشتې لس چنده دی.

د ډان د راپور له مخې،د ۲۰۲۱ کال په اګسټ کې چې طالبان پر افغانستان واکمن شول، شاوخوا شپږ لکه افغانان پاکستان ته مهاجر شوي دي.

دې ورځپاڼې د ملګرو ملتونو د معلوماتو په حواله لیکلي، په پاکستان کې د میشتو افغانانو له جملې۱.۳ میلیونه ثبت دي او شاوخوا اته لکه اتیا زره نور افغانان په دغه هېواد کې د اوسېدو اسناد لري.

د پاکستان پولیسو ویلي، چې په وروستیو نیول شویو کسانو کې د هغو کسانو په لټه کې دي چې د اوسیدو اسناد نه لري او دغه راز دا عملیات په دغه ښار کې د جرمونو د زیاتوالي په غبرګون کې پیل شوي دي.

خو افغانان وايي پوليس يې د استوګنې اسنادو ته له پام پرته نیسي.

د پښتون ژغورنې غوځنګ مدافع وکیله مونیزه کاکړ، چې افغانانو ته وړیاحقوقي خدمتونه وړاندې کوي، وویل چې هغو افغانانو ته چې د استوګنې اسناد نه لري، کار کول سخت دي.

هغې زياته کړه، چې په دې وروستيو کې پاکستان ته تللي کسان ناروغان، د بشري حقونو مدافعان او زدکوونکې دي.

د اسلامي وحدت د ۳۷ غونډې رسمي وېبپاڼه کې راغلي چې «ګډو ارزښتونو ته د رسېدو لپاره اسلامي همکارۍ»د سږنۍ ناستې موضوع ده.

د اسلامي‌وحدت غونډه د ایران د اسلامي انقلاب د بنسټګر روح الله خمیتي په فرمان سره اول ځل پر ۱۳۷۹ کال جوړه شوه.