د روسیې ولسمشر د اوکراین د څلورو سیمو یوځای کول د نړیوالو نورمونو سره سمه چاره بللې

دغه اداره وايي، په دغو اوسپنیزو توکو کې ګاډر، ټېرنګ او نور ودانیز توکي شامل و، خو د سټنډرډ ادارې د مسلکي انجنيرانو له خوا له لابراتواري ازموينو وروسته یې پايله منفي وه او بېرته ورلیږل شول.

د طالبانو دغې ادارې ویلي چې د ساختماني موادو د کیفیت او ټیکاو د کنټرول په برخه کې «جدي او پرېکنده» اقدام کوي.

په تېرو دوو کلونو کې، د طالبانو د سټنډرډ ادارې بیلابیل وارداتي توکي، په ځانګړې توګه ټیټ کیفیته تېلي محصولات د ایران په ګډون ګاونډیو هېوادونو ته بیرته ورلیږلي.

د سیمې له هېوادونو څخه د بی کیفیته توکو واردول د افغانستان د تېر حکومت او اوس مهال د طالبانو لپاره له مهمو ننګونو څخه دی.

رسول موسوي ویلي، چې په افغانستان کې د نجونو د تعلیم له حق څخه دفاع کوي.

تېر کال د تلې په اتمه د کابل په لویدیځ کې د کاج ښوونیز مرکز د زدکوونکو په یوه ټولګي کې ځانمرګي برید وکړ. په دغه برید کې لږ تر لږه ۵۴ زدکوونکې ووژل او تر ۱۱۰ ډېر ې ټپیانې شوې.

طالبانو له شپږم ټولګي پورته د نجونو ښوونځي تړلي او پوهنتون ته یې د نجونو پر تګ بندیز لګولی دی.

تېر کال د نړۍ په بېلا بېلو هېوادونو کې زرګونو کسانو د دغه برید په غبرګون کې لاریون وکړ او له نړیوالې ټولنې او ملګرو ملتونو یې وغوښتل چې «د هزاره ګانو نسل وژنه» دې په رسمیت وپېژني.

یو شمېر هېوادونو او د ملګرو ملتونو امنیت شورا دغه برید غندلی.

له دې برید څخه د یوه کال په تېریدو لا تر اوسه یې کومې ډلې یې مسوولیت نه دی منلی.

پرون د بلوچستان په مستونګ ولسوالۍ کې د میلادالنبي مراسمو کې ځانمرګی وشو چې له امله یې ۵۹ کسان وژل شوي او تر ۶۰ ټپیان دي.

د بلوچستان صوبايي حکومت درې ورځې ملي ماتم اعلان کړی دی.

سرفراز بګټي د صوبايي ښار کوټې په روغتون کې د دې ټپیانو تر لیدلو وروسته خبري غونډې ته وویل: «بلوچستان کې د ترهګرۍ پېښو کې د هند استخباراتي اداره را لاس لري، چې د ترهګرۍ د پلانوونکو، اسانچارو او ترهګرو مور ده.»

هغه زیاته کړه چې د «ترهګرو ملاتړي به تعقیب شي او د پاکستانیانو د څاڅکي څاڅکي وینې حساب به ور سره وشي.»

هغه دا هم وویل، چې د دې ترهګرو د ملاتړو د معلومولو لپاره پوره او هر اړخیزې پلټنې کېږي.

پاکستاني چارواکو تر دې مخکې افغان طالبان تورنول چې د پاکستان ضد وسلوالو ته یې په خپله خاوره کې ځای ور کړی دی، خو دا لومړی ځل دی چې د پاکستان د وزیر په کچه یو چارواکی هند ته ګوته نیسي.

د هند حکومت لا د ښاغلي بګټي د دې څرګندونو په غبرګون کې څه نه دي ویلي.

په بله پېښه کې پرون د پښتونخوا د هنګو ولسوالۍ په دوابه کې هم د پولیسو جومات کې ځانمرګی برید وشو چې له امله یې ۴ کسان ووژل او ۱۲ ټپیان شول.

لا هم کومې ډلې د دې بریدونو مسوولیت نه دی منلی او د پاکستان طالبانو غورځنګ هم دا برید غندلی دی.

د امریکا د مرکزي قومندانۍ د ځواکونو د اعلامیې له مخې چې د شنبې په ورځ خپره شوه، ممدوح ابراهیم چې په سوریه کې د داعش ډلې اسانچاری و، د پنجشنبې په ورځ د سپټمبر په ۲۸مه نېټه د امریکايي چورلکو په یوه برید کې ونیول شو.

ابوحلیل الفداني هم په سوریه کې د داعش ډلې بل اسانچاری او عملیاتي غړی و، چې د سپتمبر په ۲۵ مه نېټه په عملیاتو کې ونیول شو.

په دغه اعلاميه کې ويل شوي، چې په دواړو عملياتو کې ملکي وګړو ته زيان نه دى اوښتى.

د رویټرز خبري اژانس د راپور له مخې، د جمعې په ورځ (د تلې په ۷ مه) په رایه اچونه کې ۲۳۲ استازو د امریکا حکومت ته د ۳۰ ورځنۍ بودیجې له تخصیص سره مخالفت وکړ. دا په داسې حال کې ده چې ۱۹۸ استازو رایه ورکړه.

د دې بودیجې طرحه یا پلان هم په ولسي جرګه کې د جمهوريتپالو مشر وړاندې کړی و چې له مخې یې د فدرالي حکومت بودیجه یوازې د یوې میاشتې لپاره تمدید او د چارو د بندیدو مخه یې ونیول شي.

سره له دې چې د جمهوريپالو لومړیتوبونه لکه د کډوالۍ په بهیر کې د محدودیتونو لګول او د حکومت د لګښتونو کمول په دې پلان کې شامل وو، خو بیا هم د اکثره جمهوريتپالو د مثبت نظر په ګټلو کې پاتې راغلی.

د دې راپور له مخې، دا څرګنده نه ده چې جمهوريتپال د فدرالي ادارو له احتمالي تړلو سره څه ستراتیژي لري.

که حکومت وتړل شي، له څلورو میلیونو د زیاتو فدرالي کارمنانو معاشونه، د ملي پارکونو فعالیت او ان ځینې ساینسي څیړنې به وځنډېږي.

همداراز، د امریکا د ولسي جرګې مشر کوین مک کارټي وویل، چې د فدرالي حکومت د بندیدو د مخنیوي د حل لارې په اړه د جمهوريتپالو او دیموکراتانو ترمنځ د احتمالي اجماع امکان شته.

د امریکا په ولسي جرګه کې واک د جمهوريتپالو په لاس کې دی، خو په سنا یا مشرانو جرګه کې دیموکراتان اکثریت دي.

د امریکا د خزانې وزیرې جنټیلن د جمعې په ورځ (د تلې په اوومه) خبرداری ورکړ، چې د حکومت تړل به په دې هېواد کې اقتصادي پرمختګ «کمزوری» کړي.

د هغې په ​​وينا، د دې بندېدو په پايله کې به د بنسټيزو تاسيساتو د ښه والي او د کوچنيو کاروبارونو او ماشومانو اړوند پروګرامونه وځنډول شي.

په ورته وخت کې د امریکا ولسمشر جوبایډن هم د فدرالي حکومت تړل کېدل «د وظیفې په اجرا کې سستي» وبلله او ټینګار یې وکړ چې دا مسله به د دغه هېواد وسله والو ځواکونو ته ډېر زیان ورسوي.

د امریکا د پارلمان استازي به د شنبې په ورځ د میزان په اتمه (د سپتمبر ۳۰مه) د دغه وضعیت د بیا کتنې لپاره یوه غونډه وکړي.

که وړاندیز شوې بودیجه د یکشنبې تر پیل پورې تصویب نشي، د متحده ایالاتو فدرالي حکومت به وتړل شي.