پاکستان کې د پولیسو او وسلوالو تر منځ په نښته کې درې تنه وژل شوي

د دغه مرکز د شمېرو له مخې؛ په تېرو ۹ میاشتو کې د پاکستان د امنیتي ځواکونو ۳۸۶ غړي وژل شوي دي.

ویل کیږي، چې په دغو کې ۱۳۷ تنه د اردو سرتیري دي.

عرب خبري شبکه، د یکشنبې په ورځ (د میزان ۹ مه) لیکلي، چې په ۱۴۰۰ کال کې په کابل کې د طالبانو د واکمنۍ له بېرته راګرځېدو وروسته په پاکستان کې په خاصه توګه په خېبر پښتونخوا او بلوچستان ایالاتونو کې د سخت دریځو بریدونو زیاتوالی موندلی دی.

په راپور کې راغلي، چې کارپوهان په پاکستان کې د وسله والو بریدونو او د امنیتي ځواکونو د تلفاتو د زیاتوالي لامل په افغانستان کې د طالبانو د بیاځلي واک ته رسېدو لامل بولي.

د دې کارپوهانو په وینا؛ د طالبانو بېرته راستنېدو له امله په خېبر پښتونخوا کې اورپکو ډلو خپلو بریدونو ته زور ورکړی او په بلوچستان کې د بیلتون غوښتونکو ډلو تاوتریخوالی زیات کړی دی.

د پاکستان د څېړنو او امنیتي مطالعاتو په مرکز (CASS) کې د ستراتیژیک دفاع او امنیت رییس محمد علي عرب نیوز ته وویل، چې په پاکستان کې د تروریستي پېښو د زیاتوالي یو له اصلي لاملونو څخه د طالبانو بې کفایتي ده، چې نه شي کولی خپل مکلفیتونه د نړۍوال امنیت په ځانکړي توګه د پاکستان پر وړاندې پلي کړي.

په افغانستان کې د پاکستان پخوانی سفیر رستم شاه مهمند وايي، د وروستیو بریدونو زیاتوالی په پاکستان کې د دغو دوو ډلو د تحریک طالبان پاکستان او داعش د نفوذ د پراخولي "وروستی هڅه" ده.

ښاغلي مهمند وویل، افغان طالبان له دغو پرمختګونو ښه خبر دي، خو دا ډله له ټولو وسله والو ډلو سره د مقابلې وړتیا نه لري.

هغه وویل؛ که څه هم طالبان پر افغانستان کنټرول لري، خو منظم اردو او پولیسو ځواک نه لري.

خو دغه پخواني ډېپلوماټ ټینګار کړی، چې پاکستان باید له افغان طالبانو سره په همکارۍ د ترهګرو ډلو پر وړاندې همغږي اقدامات وکړي.

هغه وړانديز وکړ، چې پاکستان دې له افغان طالبانو سره همکاري وکړي او په هر ولايت کې دې يوه کميټه جوړه کړي چې د څارنې، همغږۍ او د معلوماتو د تبادلې په برخه کې اسانتياوې رامنځته کړي.

دغه لاریونوال وايي، چې پاکستان په تورخم، سپین بولدک، کراچۍ او اسلام اباد کې افغان کډوال او ناروغان زنداني کوي، ځوروي او پېسې ترې اخلي.

دغه لاریونوالو د پاکستان پر پوځ غږ کړی، چې د پښتنو پر وړاندې دې له متشدد سیاست څخه لاس واخلي او د پښتون ژغورنې غورځنګ غړي عید الرحمان، ګیله من وزیر او زکیم دې خوشې کړي.

یادو لاریون کوونکو ویلي، چې د پاکستان حکومت په لوی لاس د پښتون ژغورنې غورځنګ کمزوری کوي او د دوی پر وړاندې د ټولو بشري اصولو او قوانینو خلاف تشدد کوي.

هېره دې نه وي، چي تر دې وړاندي هم د (پي ټي ایم) غړو د افغان کډوالو او هلته د مېشتو پښتنو لږه کیو سره د بشري ضد کړنو خلاف د هاګ محکمې مخ کې لاریون کړی و او د پاکستان اداره یې له بشري حقونو څخه په سرغړونې تورنه کړه.

د دغو لاریونونو په اړه د پاکستان حکومت رسنیو ته څه نه دي ویلي.

د مسلم لیګ د اېکس له مخې، د نواز شریف لور مریم نواز د یکشنبې په ورځ په لاهور کې د ګوند ځوانانو څانګې په غونډه کې دا خبرې وکړې.

ټاکلې ده چې نواز شریف له څو کلنې جلاوطنۍ وروسته د اکتوبر پر ۲۱ له بریتانیا څخه خپل هېواد ته ستون شي.

مریم نواز له ګوندي ملګرو وغوښتل چې د ښاغلي شریف هرکلي ته راووځي او زیاته یې کړه: «د اکتوبر پر ۲۱ به ولس ثابته کړي چې یوازې نواز شریف مشر دی.»

نوموړی په داسې مهال پاکستان ته ستنېږي چې تېره اونۍ یې د اختلاس اړوند یوه دوسیه بیا را ژوندۍ شوې ده.

نواز شریف پر ۲۰۱۷ کال هم د فساد په تور د سترې محکمې له خوا له واکه لرې او بیا پر ۲۰۱۸ کال د تل لپاره له سیاست او واک منع شو.

د پاکستان خبري سرچېنو راپور ورکړی چې دغه عملیات د بهارا کهو، ترنول، مهرابادیان، ګلره او شمس کالونۍ په سیمو کې شوي دي.

تر دې مخکې پاکستاني رسنیو راپور ورکړی و چې د دغه هېواد کابینې د یو نیم میلیون کډوالو د ایستلو پلان تصویب کړی چې د اوسېدو اجازه نه لري.

د دغه پلان تصویب په پاکستان کې د مېشتو افغان کډوالو په منځ کې پراخې اندېښنې راپارولې دي.

د ۱۴۰۰ لمریز کال د اسد په میاشت کې د طالبانو له خوا د افغانستان د پخواني حکومت له نسکوریدو وروسته د سیمې هیوادونو په ځانګړې توګه پاکستان او ایران ته د افغانانو د مهاجرت یوه لویه څپه پیل شوه.

دغه مهاجرت مختلف عوامل درلودل. د پخوانیو دولتي کارکوونکو، د بشري حقونو د فعالانو او د دې ډلې د سیاسي مخالفینو پر وړاندې د طالبانو د غچ اخیستنې وېره، د نجونو پر زده کړو بندیز او د بې‌کارۍ او بې‌وزلۍ ډېروالی د دغه مهاجرت اصلي لاملونه بلل کېږي.
​

وړمه ورځ د بلوچستان په مستونګ کې د میلادالنبي پر مراسمو په ځانمرګي برید کې ۵۹ کسان ووژل او تر شپېتو ټپیان شول.

د پاکستان طالبانو ډلې دا برید غندلی او بلې وسلوالې ډلې یې مسوولیت نه دی منلی.

د پاکستان د کورنیو چارو سرپرست وزیر سرفراز بګټي پرون په کوټه کې وویل، چې هند د بلوچستان بریدونو کې لاس لري.

خو المرصاد وايي، باوري شواهد ښيي چې پاکستان په افغانستان او سیمه کې د یوه نیابتي سازمان په توګه د داعش د راپورته کولو او تقویه کولو پروژه پرمخ بیايي.

المرصاد چې په څو ژبو د داعش پرضد نشرات کوي، تېره ورځ د پاکستان بلوچستان وروستیو خونړیو بریدونو په اړه د « پاکستان خپل ولس د داعش پر لاس وژني» ترسرلیک لاندې یو راپور خپور کړ.

په دغه راپور کې ادعا شوې چې،له ډېر وخت راهیسې په قبایلي سیمو کې د پاکستان د حکومت په مستقیم ملاتړ د داعش لپاره د جلب او جذب لړۍ روانه ده.

دوی په خپل راپور کې زیاتوي چې بلوچستان په دغه هیواد کې د داعش لپاره یوه لویه او بې قانونه سیمه شمېرل کیږي.

تر دې مخکې هم داعش په بلوچستان کې د ځینې بریدونو مسوولیت منلی چې وروستی یې تېره میاشت د جمعیت علمای اسلام پر صوابي مشر حافظ احمد و.

داعش د مستونګ برید په هکله لا څه نه دي ویلي.