د پاکستان یوه مخکښه رسنۍ وايي، پر افغانستان د طالبانو د واکمنېدو تر ټولو ډېره ګټه پاکستاني طالبانو ته ورسېده او دا ډله بیا منظمه شوه.جیو نیوز لیکي، پاکستاني طالبانو پر کابل د طالبانو د بیرغ پورته کېدل «لوی بری وباله او لومړنۍ ډله وه چې دا بری یې خورا پرتمین ولمانځه.»
دا رسنۍ د شنبې په ورځ یوه مطلب کې زیاتوي، د ۲۰۲۱ کال په اګسټ کې د طالبانو په واکمنېدو پسې «د کابل له بند نه سلګونه وسلوال خوشي شول او د پاکستاني طالبانو مشر نور ولي مسید هم د ملا هبت الله سره خپله وفاداري تازه کړه او هم یې د دوی د حکومت د پیاوړتیا لپاره د کار کولو خبره وکړه.»
جیو نیوز وايي، پر ۲۰۱۴ کال د پاکستاني پوځ په ضرب عضب عملیاتو کې پاکستاني طالبان زیانمن او افغانستان ته لاړل، خو د طالبانو واکمنېدو سره بېرته منظم شول.
د دا راپور په داسې مهال دی چې د طالبانو واکمنېدو پسې د پاکستان چارواکو هم خوشالي ښودلې وه.
خو په دغه هېواد کې د وسلوالو بریدونو په ډېرېدو سره یې پر افغان طالبانو تور پورې کړ چې پاکستاني طالبانو ته یې خپله خاوره کې پنا ور کړې ده.
د طالبانو حکومت دا ادعا ردوي او وايي، هیڅا ته اجازه نه ور کوي چې د افغانستان له خاورې د نورو پرضد کار واخلي.
د هرات تر څنګ دغه ټکانونه د فراه او بادغیس په ولایتونو کې هم احساس شوي او خلک یې وېرولي دي.
په یو شمېر انځورونو کې ښکاري چې ځينې کورونه او ودانۍ راپرېوتي؛ خو د مرګ ژوبلې په اړه کره معلومات تر دې مهاله نه دي تر لاسه شوي.
یوې سرچینې افغانستان انټرنشنل ته ویلي، چې یو شمېر ټپيان د هرات حوزوي روغتون ته لېږدول شوي دي.
دا رنګه د ایران په خراسان رضوي کې هم د دغې زلزلې ټکانونه محسوس شوي او هلته یې هم ځينې ودانۍ زیانمنې کړې دي.
په دې اړه د شېبه په شېبه تازه معلوماتو لپاره زموږ سره پاتې شئ.
